Aisaya 4:6 - Uwumbɔr aagbaŋ

⁶ Waapɔɔn ga tii kitiŋ ngbaan mboon, nwiin taa see ki, ki ŋa ki nin chee lifuur bi na, ni nin chee utaal ni kitaabuŋ aan ŋmaa koo na.

Aisaya 4:6 ပူးပေါင်းရင်းမြစ်များ

Ilahn 27:5

Tibɔr aayoonn kan, u ga li bii m pu; u ga li kii mi Waadichal ni, ki cha m kal litakpal li paa na pu,

Ilahn 55:8

M ba ga ŋa mala ki kan nin chee m ga di n‑yil peŋ na, aan libupɔɔl ni kitaabuŋ taa pii mi.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Aisaya 14:32

Kinye aan ti ga gar ituun i nyan ni Filistia yaab chee na? Ti ga bui bi ke Uwumbɔr maa Sionn siin, le waanib bi nan ji falaa na ga kan lifuur nima chee.

Aisaya 25:4

Bigiim, ni binib bi kaa kpa nterm na san dan aa chee; le aa gaa bi lii baamukl aayoonn. Aa gaa bi lii kibuŋ yoonn, ki tii bi mboon buyoonn nwiin ton sakpen na. Bibiindam tak ke kakab yoonn aabuln na;

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Aisaya 32:1

N‑yoonn mubaa le ubɔr u joo waanib ni ibamɔn na, ni waaninkpiib bi joo ibamɔn tun baatuln na ga fuu ni.

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Aisaya 8:14

Maah bi chain sakpen pu na, m naahn litakpal li binib gbeer li na la. M naahn kitaŋ ki chuu Israel ni Juda aanaan aanib, ni Jerusalem aanib na la.

Esekiel 11:16

“Tɔ, di maah len pu na tuk aado yaab binaagbiib biken. Min le cha bi ti bi ŋitimbol ŋi daa na ni, le ki cha bi yaa ki bi ntim muken ni. N‑yoonn mumina m ga li bi bi chee baah buen ntim mu ni na.

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

Tibɔkpiirkaan 7:16

Nkon aan ki chuu bi, nnyunyuu mu aan ki chuu bi, nwiin mu aan ki see bi, ntoton mu aan ki ŋun bi;