Aisaya 4:5 - Uwumbɔr aagbaŋ

⁵ N‑yoonn ngbaan le Uwumbɔr ga tun ni ntaalangbam mu nan biin Sionn Aajool ni binib bimɔk kuun nima chee na nwiin pu, ki di iŋmanyuu ni mmiigaal mu wiin chain na biin bi pu kinyeek. Uwumbɔr aapak ki ye nwiihn na le ga biin ki kii kitiŋ ngbaan mɔmɔk.

Aisaya 4:5 ပူးပေါင်းရင်းမြစ်များ

Nehemia 9:12

Aa nan cha ntaalangbam loln saanib pu nsan nwiin pu, ki cha mmii wiihn ki loln bi pu nsan kinyeek.

Ilahn 105:39

Uwumbɔr nan di ntaalangbam le biin waanib pu, ki tii bi mmii kinyeek ke mu tii bi nwiihn.

Ilahn 111:1

Pak Uwumbɔr man. M ga di nsui mɔmɔk pak Uwumbɔr, waanib aah kuun nin chee na.

Ilahn 78:14

Nwiin pu kan, u nan loln bi pu nsan, ntaalangbam ponn ni la, le ki ye mmii ki wiin ki loln bi pu nsan kinyeek, ni kitaak aah ga ti woln pu na.

Ilahn 85:9

Mbamɔn, binib bi nyuŋni u na, u ga sil gaa bi lii, le waapɔɔn ga li bi timi aatiŋ ni ki gaa timi lii.

Ilahn 89:7

Saatuuntiib aakuun ni kan, bi mɔmɔk pak si la; le bi mɔmɔk san si ijawaan.

Nnyam 14:24

Naah ti chaa woln ni na, le Uwumbɔr bi ntaalangbam ni, mmii ponn ni, le ki lik waa Ijipt yaab aajab, le ki cha ijawaan chuu bi.

Nnyam 24:16

Uwumbɔr aawiihn nan moor ki sunn ni lijool ngbaan pu. Israel yaab ma aah nan kan nwiihn ngbaan na, mu nan naahn ke mmii le aah gaal lijool ngbaan pu na. Le ntaalangbam ngbaan nan biin lijool ngbaan pu ki ti saa iwiin iloob; winlole daal le Uwumbɔr yin Moses ntaalangbam ni.

Nnyam 26:1

“Ni ŋa Libool li bi chain na, nin chee m ga li bi na. Ni di iŋmibɔn, ni iman, ki di luu ŋitanyaan aakeken kipiik ki di gaa Libool ngbaan. Ni gbaŋ ŋi ki naan tiwan ni kpa ifeen na mann gonn ŋikeken ngbaan.

Nnyam 26:7

“Ni di iŋoob aakur aatan aakeken kipiik ni libaa ŋal dab tɔb, ki li joo biini Libool ngbaan pu.

Aisaya 32:18

Uwumbɔr aanib ga nya ilandak mɔmɔk ni, le baadichal ni ga li kpa nsuudoon ni lifuur.

Aisaya 33:20

Lik man Sionn, kitiŋ ki ponn ni ti ji Uwumbɔr aajim na. Lik Jerusalem man, kitiŋ ngbaan ga li ye nin chee ni ga li koo le tibaa aan ŋa na. Ki ga li bi ke libool li aadɔ aan ŋɔb daalbaadaal, aan laaŋmin mu aan kii na la.

Aisaya 37:35

M ga kiir kitiŋ kimina, ki biin ki pu, maapak pu, ni maah puu tipuur ti tii maatutunn Ubɔrkpaan David na pu.’”

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Aisaya 60:2

Ŋitimbol ŋiken pu ga li ye mbɔmbɔɔn la, le Uwumbɔr aawiihn ga woln aa ma pu; waah wiin chain pu na ga li bi aa chee.

Matiu 18:20

Binib bilee, bee bitaa, yaa kuun tɔb chee maayimbil pu kan, m ga li bi bikaasisik ni.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”