Aisaya 4:3 - Uwumbɔr aagbaŋ

³ Binib bi Uwumbɔr lee bi, bi ŋmar ki bi Jerusalem na, bi ga li gur yin bi ke binib bi ye Uwumbɔr aanib na la.

Aisaya 4:3 ပူးပေါင်းရင်းမြစ်များ

Ilahn 69:28

Ber baayimbil limɔfal aagbaŋ ni; taa cha bi kpaan saanib ni.

Ilahn 87:6

Uwumbɔr ga ŋmee binib mɔmɔk aayimbil ki kpee Jerusalem aanib pu.

Aisaya 1:27

Uwumbɔr aah ŋan pu na, u ga gaa Jerusalem, ni kaanib bi kpeln baabimbin na lii,

Aisaya 28:5

Nwiin mubaa choo, le Uwumbɔr Mpɔɔnsakpiindaan aapak ga li naahn ubɔr aayikpupuk ki tuu nsupuun na aah kpa kipak pu na, ki tii waanib bi ŋmar na.

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Aisaya 46:3

“Jakob aayaabitiib, nimi Israel yaab ponn ni bimɔk ŋmar na, li pel m chee man. Buyoonn bi nan ma nimi na, min le nan joo nimi.

Aisaya 52:1

Jerusalem, ki pɔɔk, ki ki li nyuun ke saah nan bi pu na. Uwumbɔr aatiŋ ki bi chain na, di saakekenyaan gbab. Binib bi dii ŋiwaa ki kpa tijɔŋ na aan ki koo aa ponn ni.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Esekiel 13:9

M ban m daa nimi bibɔnabr bi ye binyamɔndam ki kani tibɔkpiirkaan ti kaa gbii na ki len tibɔr ti joo binib yenni na aatafal la. Maanib yaa kuun ke bi kpokl kan, naan li bi nima; nimi aayimbil aan li bi Israel aanib aayimbil ni; naan ki gir ni nimi aatiŋ pu daalbaadaal. N‑yoonn ngbaan le ni ga bee ke min le ye Nidindaan Uwumbɔr.

Esekiel 43:12

Maadichal aakaal sɔ: Mpaan mu mɔmɔk mann goln li lijool ngbaan paab na ye chain chain ki ye min yaan la.”

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Obadia 1:17

“Sionn aajool na pu le binib bibaa ga ŋmar, le lijool ngbaan pu ga kpaln miyaan. Jakob aayaabitiib ga gaa baatiŋ ki ye baatiŋ ibamɔn ni na.

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.

Malakai 3:16

Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni.

Tibɔnyaan ti Luk ŋmee ti na 10:20

Tɔ, tiyayaar aah kii nimi aamɔb na, ni taa cha nima baanja le li ye nimi aapopiin. Nimi aayimbil aah ŋmee paacham na le ye mpopiin mbamɔm.”

Lituln 13:48

Tɔ, binib bi kaa ye Juu yaab na aah ŋun baah len pu na, le bi kpa mpopiin sakpen, le ki bui ke Uwumbɔr aabɔr ŋan sakpen a. Le binib bi Uwumbɔr nyan bi ke bi kan limɔfal li kaa kpa ndoon na gaa Yesu ki kii.

Rom Yaab 11:4

Uwumbɔr nan bui u kinye? U nan bui u, “M gur mbaa bijab ŋichur ŋilole bi kaa gbaan ki doon liwaal Baal na.”

Rom Yaab 11:5

Ni bi kina le dandana wee. Israel yaab ponn ni, binib siib baanja le ŋmar. Uwumbɔr lee bi waanimbaasaln pu.

Efesusi 1:4

Uwumbɔr aah kaa nan kee naan dulnyaa wee buyoonn na, le u nan nyan timi, Kristo pu, ke ti li ye waanib, ki li bi chain, ki taa li kpa taani ubaa unimbiin ni. U gee timi la.

Filipi 4:3

Maatutuŋeer bamɔnn, m mee aa mu, ter bipiib ngbaan; ba pu? bi ni Klement ni maatutuŋeerb biken nan tun lituln linimaln m chee, ki ter mi m tuk binib Yesu aabɔnyaan tee. Baayimbil ŋmee limɔfal aagbaŋ ki bi paacham na ni.

Kolosiya 3:12

Uwumbɔr nan nyan nimi, ki ŋa nimi waaninyaam, ki gee nimi. Nima pu na, ni li kpa linimbaasaln, ni tibulchinn, ki sunn nibaa taab, ki li bi suuna, ki li kpa suklaa,

Hiibru Yaab 12:14

Ni mɔmɔk pɔɔ nibaa ki li kpa kimɔbaan man, ki li bi chain. Unii umɔk kaa ye chain na aan kan Tidindaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.

Tibɔkpiirkaan 17:8

Upeel u kpa ŋiyil ŋilole ni iyiin kipiik aan aa kan u na, u nan bi, kaa ki bi. Ni yaa kpee siib kan, u ga nyan ni libuul li nyoo kaa kpa limɔk na ni, ki cha nin chee bi ga kuln u. Le dulnyaa ni aanib bi aayimbil aa ŋmee limɔfal aagbaŋ ni buyoonn Uwumbɔr aa nan kee naan dulnyaa wee na, yaa kan upeel ngbaan kan, ni ga gar bi pam; ba pu? u nan bi, kaa ki bi, ki ga ki gir ni.

Tibɔkpiirkaan 20:15

Le bi di binib bimɔk aayimbil aa ŋmee limɔfal aagbaŋ ni na ŋa mmii ngbaan ponn ni.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.

Tibɔkpiirkaan 3:5

Unii umɔk nyaŋ na, m ga peen u libɔkupiln. Maan chuu ber waayimbil limɔfal aagbaŋ ni. M ga len ke u ye maanii, Nte Uwumbɔr ni waatuuntiib aanimbiin ni.