Aisaya 38:16 - Uwumbɔr aagbaŋ

¹⁶ Uwumbɔr, sin baanja pu le m ga li bi, sin baanja pu; tii mi laafee, ki cha m li bi.

Aisaya 38:16 ပူးပေါင်းရင်းမြစ်များ

Ilahn 119:25

M lir le ki dɔ titan ponn ni, cha maamɔfal ki gir ni ke saah puu ke aa ga ŋa pu na.

Ilahn 119:71

Maatafadaan nan ŋan tii mi la, ba pu? mu cha m bae saakaal.

Ilahn 119:75

Uwumbɔr, m nyi ke saakaal ŋan, ki nyi ke saabamɔn pu le aa daa ntafal.

Ilahn 30:3

aa nyan mi likaakul ni; m nan bi nsan ni ki cha kitekpiitiŋ ni taab, le aa ki giin ni mi.

Ilahn 39:13

Di cha mi suuna aan m kan mpopiin siib waahr aan m nin buen ki taa ki gir ni.

Ilahn 71:20

Aa cha tibɔbir ni falaa dan m pu, le aa ga ki giin ni maapɔɔn, saan cha m kpo.

Aisaya 64:5

Aa yin binib bi gee ke bi li ŋani ni ŋan na, binib bi teer saah ban pu na, ke bi dan aa chee. Aa nan gee ti pu liŋuul, le ti nan beenin tun titunwanbir; hali saaŋuusakpeln ponn ni ti nan beenin tun titunwanbir ki nyan ni n‑yaajayoonn.

Matiu 4:4

Le Yesu bui ki ke, “Ni ŋmee Uwumbɔr Aagbaŋ ni ke, ‘Tijikaar baanja aan ŋmaa tii unii limɔfal. Limɔboln limɔk nyan ni Uwumbɔr aamɔb ni na le ga tii unii limɔfal.’”

1 Korenti 11:32

U mu yaa daa titafal kan, u chiini timi ke u taa bii timi bundaln u ga ji dulnyaa aanib tibɔr na la.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Ikaal 8:3

U nan cha ni chuun nkon, le u di tijikaar ti bi yin ti ke mana, aan nimi ni niyaajatiib aa nyi ti na kpiin nimi. U nan ŋa kina ke u mɔk nimi ke naa ye tijikaar baanja le ga ŋmaa tii unii limɔfal; limɔboln limɔk nyan ni Uwumbɔr aamɔb ni na le ga tii unii limɔfal.

Hiibru Yaab 12:9

Titetiib bi ma timi na nan dar titafal la, le ti pak bi. Nima le ni ŋan ke ti kii Tite Uwumbɔr u bi paacham na aamɔb ki jer kina, aan ki kan limɔfal.