Aisaya 37:3 - Uwumbɔr aagbaŋ

³ Waah nan bui bi ke bi ti bui Aisaya pu na sɔ: “Din aawiin mue ye falaa aawiin la; bi daa titafal aan ki jinn timi inimɔɔn. Ti gur naahn upii u imalween joo u, u ban u maa ki mu aa ki kpa mpɔɔn u maa na la.

Aisaya 37:3 ပူးပေါင်းရင်းမြစ်များ

2 Bibɔrb 19:3

Waah nan bui bi ke bi ti bui Aisaya pu na sɔ: “Din aawiin mue ye timi falaa aawiin la; bi daa titafal aan ki jinn timi inimɔɔn. Ti gur naahn upii u imalween joo u, u ban u maa ki mu aa ki kpa mpɔɔn u maa na la.

2 Bibɔrb Aabɔr 15:4

N‑yoonn mu bi nan ti kan tibɔr na, le bi fenn dan bima Israel yaab Aadindaan Uwumbɔr chee. Bi nan ban u le ki kan u.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ilahn 95:8

“Taa cha nitafal li pɔɔ ke niyaajatiib aah nan bi pu Meriba aatiŋ ni na, ke baah nan ŋa pu nteersakpiin ni, Masa aatiŋ ni na.

Aisaya 22:5

N‑yoonn mumina ye mpobiyuk, ni linyaŋ, ni nlanŋmal le Tibɔkpiirkaan Aafataŋ ngbaan ni. Tidindaan Uwumbɔr Mpɔɔnsakpiindaan le tun ni kina ti chee. Bi gbaa wii timi aatiŋ aagon, le binib aah wii pu ki ban nterm na ti keei ŋigongon paab.

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Aisaya 29:2

le Uwumbɔr ga di tibɔbir lii kitisakpeŋ ki bi yin ki ke “Uwumbɔr aatork aabimbiln” na pu. Ikpowiil ni iwiil ga li bi ki ponn ni, le kitisakpeŋ ngbaan mɔmɔk ga li gbii nsin ke kitork aabimbiln paab na.

Aisaya 33:2

Uwumbɔr, san timi kinimbaak. Ti di timi aamakl di ŋa aa ni. Li kii timi iwiin mɔmɔk ki gaa timi lii buyoonn ti bi limukl ni na.

Aisaya 66:7

“Maatiŋ ki bi chain na bi ke upii u ma ubo, kaa kan imalween na la.

Aisaya 66:9

Taa dak ke m ga cha maanib kan imalween kaan maa.” Uwumbɔr le len kina.

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Hosea 13:13

Israel yaab kpa limɔfal aamakl, le ki tee jɔr sakpen ke bi kan limɔfal ngbaan, bi jɔr ke ubo u una ban u maa u aan u yii ke waan nya ni na la.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Hosea 5:9

Ntafadaan aawiin choo, le Israel aatiŋ ga ber. Israel aanib, nimina ga sil ŋa.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.