Aisaya 34:3 - Uwumbɔr aagbaŋ

³ Baan sub baanikpol, ŋi ga li dɔ le ki ti bur ki nuŋ; le ŋijoo pu ga li ye nsin ŋmeen.

Aisaya 34:3 ပူးပေါင်းရင်းမြစ်များ

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 34:7

Binib ngbaan ga lir ke ipɔɔnaa na, ni inaajabi na la, le kitiŋ po ga li ye nsin ni nkpan ŋmeen.

Aisaya 66:24

“Bi yaa gir chaa kun kan, bi ga kan binib bi yii maamɔb na aanikpol. Ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn. Unibɔn umɔk kan bi na ga sur upuwɔb.”

Jeremia 22:19

Bi ga di ubon aakpuul aanyuŋ le di fuul u di buen ki ti di u mee Jerusalem aabisamɔi aapuwɔb.”

Jeremia 25:33

Liyaadaal ngbaan kan, Uwumbɔr aah ku binib bi na aanikpol ga li dɔ kitiŋ kee pu, ni kookoo la. Ubaa aan wii baakpuul, le ubaa aan yoor ŋi di buen ti sub. Ŋi ga li dɔ ŋikpuk ŋikpuk ke tinaabin na la.

Esekiel 14:19

“M yaa cha iween nan lir litingbaln ngbaan pu, le maaŋuul ponn ni, m ku binib pam, ki ku binib ni tiwakor mu kan,

Esekiel 32:4

M ga di si mee bil kitiŋ ki cha dulnyaa aanyoon, ni ipeel di si ŋa yaajikaar.

Esekiel 35:6

Kina pu na, min Dindaan Uwumbɔr aah ye Uwumbɔr u bi n‑yoonn mɔmɔk na pu na, saadoon le ye nkun, le saan nya mu ni. Aa jin linikul aabɔkpol, le linikul ga li dii si.

Esekiel 38:22

M ga di iween ni nkun le daa utafal. Utaal sakpiin ni ŋitaatakpabil, ki di kpee mmii, ni chirbil, ga lir ni u ni waajab, ni ŋitimbol ŋi wiir ki si uchaŋ ni na pu.

Esekiel 39:11

Uwumbɔr nan ki bui ke, “Nimina mɔmɔk yaa nan ŋa kan, m ga tii Ubɔr Gog kicheek Israel aatiŋ ni, nin chee bi yin ke Bisachum Aafataŋ, ki bi N‑yaan Aanyusakpem aawipuul wɔb na ni. Bi ga sub Gog ni waatɔb aajab mɔmɔk nima chee la, le bi ga li yin kifataŋ ngbaan ke, ‘Gog Aajab Aafataŋ.’

Esekiel 39:4

Gog ni waajab ni waatɔb aamaantɔtiib mɔmɔk ga lir kpo Israel aajoo pu, le m ga cha biwon li ye inyoon mɔmɔk, ni ipeel mɔmɔk aajikaar.

Joel 2:20

M ga chuu nyan itoon i nan nyan ni ŋŋangan wɔb na ki ga jenn ibaa buen litambol ŋmeen aatiŋ ni. Itoon i loln i mɔmɔk pu nsan na ga buen ti koo N‑yaan Aanyusakpem na ni, le i paa puwɔb na ga buen ti koo Kaasisik ni Aanyusakpem na ni. I ga kpo, le iwon ga bur ki nuŋ. Yaa ŋa nimi pu na, nima le ga cha m ku i mɔmɔk.

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Nahum 3:3

Baataan berni la, le kijaak aajum moor lak lak, le tikpaatunn mu moor. Bi kuun ŋinikpol paan tɔb pu paacham, ŋinikpol ŋi baa nyi ŋaakahm na, bijab gbeer ŋi le ki lir.

Tibɔkpiirkaan 14:20

Le bi taa ŋisubil ngbaan pu libuusakpeln ngbaan ponn ni, kitiŋ aagbaan, ki nyan ŋaanyun. Le nsin nyan libuul ngbaan ni, ki wiir aan utaan yaa sil mu ponn ni kan, u ga ŋmaa liin na, ki puu ti saa mal ikui ilee aafɔfɔk aah bi pu na.