Aisaya 32:6 - Uwumbɔr aagbaŋ

⁶ Ujɔr le ye unii u len kijɔrk aaliin, ki dakl ilandak i kaa ŋan na. Waah ŋani pu na, ni waah len pu na mɔmɔk ye lisiibil le ki tii Uwumbɔr; waa kpiini nkon aah joo binib bi na, kaa tii binib bi nnyunyuu joo bi na mu nnyun.

Aisaya 32:6 ပူးပေါင်းရင်းမြစ်များ

Ilahn 141:4

Li kii mi aan m taa li neen ke m tun taani, ki li kii mi m taa kpaan titunwanbirdam chee baabiin aatuln ni. Taa cha m kpaan bi chee baajim ponn ni.

Ŋiyataŋak 19:3

Binib bibaa joo baajɔrk aatun le junni baamɔfal, le ki tee galni Uwumbɔr.

Ŋiyataŋak 24:7

Unii u kaa kpa nlan na aa beer nlan aabɔr aatataa. Bi yaa bi kpokl tibɔkpaan kan, u ka ŋmin la.

Aisaya 10:2

Kina le ni gaal bigiim aabamɔn, ni ni ye biyaan na. Kina le ni gaal bikpopiib ni nkpobim aawangol bi chee.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 26:10

Saah po ŋani bibiindam tiŋann na, baa kee bae ke bi ŋa ni ŋan na. Hali nin chee bininyaam bi na, bi beenin ŋani ni kaa ŋan na; bi yii, kaa bee ke aa kpa mpɔɔn sakpen.

Aisaya 3:15

Naa ŋan ke ni muen maanib ki ji bigiim ke baah ye bigiim na. Min, Nidindaan Uwumbɔr Mpɔɔnsakpiindaan le len kina.”

Aisaya 31:2

U nyi waah ŋani pu na. Uma le cha tibɔbir choo. U yaa puu ke u daa titunwanbirdam ni binib bi ter bi na aatafal kan, waan di cha.

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Aisaya 59:7

N‑yoonn mɔmɔk ni dak ke ni ŋa ni kaa ŋan na la, le naa taani kpala kina aaŋam. Naa sii ki dakl lik waahr aan ki nin ku unii u kaa tun taani ubaa na. Nin chee mɔk ni jer na ye mbiin ŋmeen la,

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 13:23

Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Esekiel 34:18

Nimi nibaa aa faar yaah ŋman timonyaan ti na; hali ni taa kool ti naa ŋman na la. Ni nyu nnyun mu ŋan na, le ki taa gbir mu naa nyu na.

Daniel 12:10

Uwumbɔr ga toor binib pam ki nya bi tijɔŋ ni aan bi ŋa chain. Binib bi kpa mbiin na aan bee taatataa le ki ga li moo ŋani mbiin; binib bi kpa nlan na baanja le ga bee taatataa.

Amos 8:6

Ti ga ŋmaa di tigbengbir kooh kidaak ki pɔɔ na. Ti ga kan ugiin u kaan ŋmaa pa waapɔln na, hali kaan ŋmaa pa ŋinaatak pu na ki daa u, ki di u ŋa unaagbiija.”

Matiu 15:19

Tiwan ni nyan binib aasui ni na le ye ilandak i kaa ŋan na, ni linikul, ni kidagook aatuln, ni kinaayuk, ni linyamɔngee, ni ŋisiibil.

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.

1 Samuel 24:13

Aa nyi liyataŋakl na ke, ‘Titunwanbirdam baanja le ŋani titunwanbir.’ Kina pu na, maan ŋa si nibaa.