Aisaya 32:19 - Uwumbɔr aagbaŋ

¹⁹ Le ŋitaatakpal yaa po lir ni kichook ni kan, kitisakpeŋ mu yaa wii ki lir kan,

Aisaya 32:19 ပူးပေါင်းရင်းမြစ်များ

Aisaya 10:18

Iween i bir na aah ku unii pu na, kina le tikpaatan ti ŋan na ni tipur mu mɔmɔk ga doo.

Aisaya 10:19

Ubo waatiir ga ŋmaa kahn isui siib i ga gur na.

Aisaya 10:33

Tɔ, Uwumbɔr Mpɔɔnsakpiindaan ga daa bi lii ni ke baah gaa bar isubon lir ni kitiŋ pu na. Bininyuum ni kigaadam mɔmɔk ga doon kitiŋ le ki kpaln yaansara aanib.

Aisaya 24:10

Kitiŋ ponn ni aawan mɔmɔk ŋa yɔl yɔl, le binib laŋni bibaa ŋani baadichal ni ke bi ŋmar.

Aisaya 24:12

Kitisakpeŋ ngbaan gur ŋilangben ŋmeen la, le kaabisamɔi aajaaleŋ mam wiir doo a.

Aisaya 25:2

Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Aisaya 25:4

Bigiim, ni binib bi kaa kpa nterm na san dan aa chee; le aa gaa bi lii baamukl aayoonn. Aa gaa bi lii kibuŋ yoonn, ki tii bi mboon buyoonn nwiin ton sakpen na. Bibiindam tak ke kakab yoonn aabuln na;

Aisaya 26:5

U sunn kigaadam taab, ki kuln baatiŋ ki pɔɔ na, ki gbaa wiil kaagon ŋmal titan ni.

Aisaya 27:10

Kitisakpeŋ ki bi nan maa ŋigon kiir ki na ber doo a. Ki gur nkuun ke nteersakpiin na la. Ki kpaln inaa aamoŋmɔpaan, nin chee i ga fuur ki ki fii ŋmɔ na la.

Aisaya 28:17

Ibamɔn le ga li ye ŋŋmin mu bi ga li joo ŋaŋni nsisii ngbaan na, le mbimbinyaan ga li ye tiwan ni bi joo ŋaŋni mu aanyonyoo na.” Kitaabuŋ ki joo ni ŋitaatakpal na le ga ŋar inyamɔn i ni bui ke ni bi ima le pu na ŋŋaan, le nwam kuln tiwan ni mɔmɔk kii nimi na mɔmɔk.

Aisaya 28:2

Uwumbɔr kpa unii ubaa u kpa mpɔɔn sakpen ki gor ke u ti tak bi na. Udaan ga fuu ni ke kibuŋ ki joo ni ŋitaatakpal na, ni utaasakpiin, ki naahn nwam mu san mala mala ki kpa mpɔɔn na, le ki ga biin kitiŋ ngbaan pu.

Aisaya 29:4

Jerusalem ga li naahn utekpiir aawiin mu bi kitiŋ taab, ki pɔɔni mubaa ke muneel nyan ni titan ni na la.

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Aisaya 37:24

Aa tun ni saanaagbiib ke bi nan puk kipupuk m chee, ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

Nahum 1:1

Uwumbɔr aabɔnabr Nahum u nyan ni Elkos aatiŋ ni na aah nan kan Ninefa aatiŋ aabɔr ti na sɔ. Uwumbɔr le nan kpiir ti mɔk u.

Nahum 1:8

U kuln waadim ke nwam mu san mala mala na la; u ku binib bi kpak u na la.

Sekaria 11:2

Santina tiib aah lir pu na, nimi ŋisalaasii, li wii ki kaani man; isui i kpa kinyaan na bii doo a. Isukpaan i bi Basann ni na, li wii ki kaani man, ba pu? kichook sakpeŋ na lir a.

Matiu 7:25

Utaal nun, le nwam nyan, le libuln daar, le ki pee kidiik ngbaan. Kaah si litakpal pu na, le kaa lir.

Tibɔkpiirkaan 18:21

Tɔ, le Uwumbɔr aatuun mpɔɔndaan yoor litakpal li naahn kinaak sakpeŋ na, ki di mee lii nnyusakpem ponn ni, le ki bui ke, “Kina le bi ga yoor kitisakpeŋ Babiloŋ ki di lii. Kaan ki li bi.

Tibɔkpiirkaan 8:7

Le Uwumbɔr aatuun njan yoo pii waakakaan. Waah pii waakakaan na, le ŋitaatakpabil, ni mmii, ni nsin ŋmal tɔb ponn ni, ki nyan paacham ki lir ni kitiŋ. Le mmii gaa kitiŋ ligetatar, ni isui mu ligetatar, ni timosɔnn mɔmɔk.