Aisaya 32:18 - Uwumbɔr aagbaŋ

¹⁸ Uwumbɔr aanib ga nya ilandak mɔmɔk ni, le baadichal ni ga li kpa nsuudoon ni lifuur.

Aisaya 32:18 ပူးပေါင်းရင်းမြစ်များ

Ilahn 107:7

U nan di bi buen kitiŋ ki ponn ni bi ga ti li koo na.

Nnyam 9:26

Tɔ, Gosenn aapepel wɔb, nin chee Israel yaab nan bi na, ŋitaatakpal aa nan lir nima chee.

Ŋiyataŋak 24:15

Taa li bi ke ubiindaan u ŋa waalandak ke u ti su unibamɔnn ubaa aawan na, bee u ti yoor waadichal mɔmɔk na.

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 14:3

Uwumbɔr ga nyan Israel yaab baaween, ni baamuk ni, ni ŋitupɔɔl ŋi bi nan muk bi bi tun ŋi na.

Aisaya 2:4

U ga len ŋinibokpaan aabɔr, le bi ga di baajaak aajum mɔɔ ŋikuu, ki di baakpaatunn mɔɔ gɔrk tiib. Ŋinibol aan ki to tɔb butɔb, kaan ki gor bibaa kiir butɔb daalbaadaal.

Aisaya 26:12

Uwumbɔr, aa ga tii timi nwankam; tiwan nimɔk ti kani na ye saaŋann la.

Aisaya 26:3

Uwumbɔr, sin le joo nsuudoon mu sil ye nsuudoon na tii binib bi joo baabimbin mbamɔm ki tii si naadii na.

Aisaya 28:12

U tii ni mɔmɔk lifuur ni mmɔɔn, le ni yii kaa pel u chee.

Aisaya 30:15

Israel yaab Aadindaan Uwumbɔr u bi chain na le len waanib chee ke, “Gir ni man ki nan kii tii mi suuna, le ni ga kan mpɔɔn ni ŋŋmarm.” Le ni yii kaa ŋa kina.

Aisaya 33:6

le nibaa aan ki ŋmaa dam litimbol ngbaan. U kii waanib n‑yoonn mɔmɔk le ki tii bi nlan ni mbaem. Baawangol li bi gee sakpen na le ye ke bi li pak Uwumbɔr.

Aisaya 65:21

Binib ga maa ŋidichal ki koo ŋi ponn ni bibaa, uniyayan aan koo ŋi ponn ni. Bi ga bu ndaan aasubil aasui ki nyu yaadaan, uniyayan aan nyu mu. Maanib ga li bi ki yunn ke isui na la. Bi ga ji nimɔk bi tun ki kan na aamɔɔn.

Aisaya 65:9

M ga ŋa tinyoor ŋa Israel yaab ponn ni bi ye Juda aamaal aanib na, le biyaabitiib ga nan li yeh maajoo pu aatiŋ. Bi ye maanib bi m nyan bi na, ki mu ye maatutum. Bima le ga li koo nima.

Jeremia 33:16

Le Juda ni Jerusalem aanib ga ŋmar ki li bi nsuudoon ni. Bi ga li yin kitiŋ ngbaan ke, ‘Uwumbɔr u gaal timi lir na.’

Esekiel 34:28

Ŋitimbol ŋi kaa nyi Uwumbɔr na aan ki yoor baawangol buen, le tipeewanbir mu aan ki ku bi ki ŋmɔ bi. Bi ga li bi ŋŋmarm ni, le ubaa aan ki cha ijawaan chuu bi.

Sekaria 2:5

Uwumbɔr puu ke uma ubaa le ga li ye mmii aagoln ki mann goln kitiŋ ngbaan ki ga li kii ki, le ki ga li bi ki ni, ki wiin chain.”

Sekaria 2:8

Uwumbɔr Mpɔɔnsakpiindaan u kpa kipak mɔmɔk na di tibɔr timina tun mi ŋitimbol ŋi nan jan ki gaa waanib aawan na chee ke: “Unii umɔk faa maanib na faa tiwan ni m gee sakpen ke nnimbil na la.

Sekaria 3:10

Nwiin ngbaan yaa nan fuu ni kan, ni mɔmɔk ga yin niŋeen aatɔtiib ke bi dan ki nan ji nsuudoon ni ŋŋmarm aamɔɔn, le ndaan aasubil aasar ni ŋisubil ŋiken ga mann goln nimi.” Uwumbɔr Mpɔɔnsakpiindaan le len kina.

Hiibru Yaab 4:9

Naah bi pu na, lifuur beenin bi ki tii Uwumbɔr aanib.

1 Jɔnn 4:16

Ti nyi Uwumbɔr aah gee timi pu na, ki pak ke u gee timi la. Uwumbɔr ye ngeehm la. Unii umɔk gee binib n‑yoonn mɔmɔk na, u bi Uwumbɔr ni la, Uwumbɔr mu bi u ni.