Aisaya 32:14 - Uwumbɔr aagbaŋ

¹⁴ Hali libɔrchiln na mu ga kpaln nkuun, le litiyil na mu ga kpaln nkuun, ubaa aan ki li bi li ni. Ŋidichal ni ŋigon ŋi kiir ŋi na mɔmɔk ga kuln, kaan ki fii daalbaadaal. Ibon i bi timoor ni na le ga li gur chuun nima, le ipiih mu kan nin chee i ga li ŋmɔ timoor na.

Aisaya 32:14 ပူးပေါင်းရင်းမြစ်များ

2 Bibɔrb 25:9

U nan see Uwumbɔr Aadichal, ni libɔrdichal, ni binikpaam bi mɔmɔk nan bi Jerusalem aatiŋ ni na aadichal lii;

2 Bibɔrb Aabɔr 33:14

Nee aapuwɔb le Manase nan moo maa tɔŋ lelee aagoln na pu, David Aatiŋ aawipuul aapepel wɔb, ki nyan libuul libaa ni kifataŋ ni, Gihonn aayayak aanyunbun chee, ki di toŋ ŋŋangan wɔb ki ti saa mbisamɔb mu bi yin mu ke Ijan Aabisamɔb na, ni kitiŋ ngbaan aapepel li bi yin li ke Ofel na chee. U nan ki ban butɔb aajab ni uninkpel ubaabaa kaan Juda aatim mumɔk pɔɔ ki kpa tijawan mu ponn ni na.

Ilahn 104:11

Muma le tii ipeel nnyun aan i nyu; nima chee le timoor ni aabon aanyunyuu door.

Aisaya 22:2

Kitisakpeŋ ngbaan mɔmɔk ponn ni kpa kifuuk la; ki gbii kifuuk ni mpopiin la. Nimi aajab bi kpoi butɔb bue ni na aa bi jaa le ki kpoi.

Aisaya 24:10

Kitiŋ ponn ni aawan mɔmɔk ŋa yɔl yɔl, le binib laŋni bibaa ŋani baadichal ni ke bi ŋmar.

Aisaya 24:12

Kitisakpeŋ ngbaan gur ŋilangben ŋmeen la, le kaabisamɔi aajaaleŋ mam wiir doo a.

Aisaya 25:2

Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Aisaya 27:10

Kitisakpeŋ ki bi nan maa ŋigon kiir ki na ber doo a. Ki gur nkuun ke nteersakpiin na la. Ki kpaln inaa aamoŋmɔpaan, nin chee i ga fuur ki ki fii ŋmɔ na la.

Aisaya 3:26

Kitiŋ ngbaan aagoln li maln gob ki na aabisamɔb ga li wii ikpowiil, le kitiŋ ngbaan kibaa ga li gur naahn upii u bi chuu gbabr waakeken aan u gur ka kitiŋ uŋmeen na, aah bi pu na la.

Aisaya 5:9

M ŋun Uwumbɔr Mpɔɔnsakpiindaan len ke, “Ŋidichanyaan sakpiin ŋimina mɔmɔk ga kpaln ŋidichakuun ki lir.”

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Aisaya 7:23

“N‑yoonn ngbaan yaa nan fuu ni kan, ŋisubil aasui aasar ti kpa isui lichur aan bi ga ŋmaa kooh ti tikur aamombil lichur na mɔmɔk ga kpaln ikokon aasui aasar la.

Jeremia 14:6

Le timoor ni aabon si ŋigongon paab ki fuur pɔkaa pɔkaa ke iŋɔk na, yaah kaa kan tijikaar pu na le yaa ki waa mbamɔm.

Jeremia 33:4

Min Uwumbɔr u ye Israel yaab Aawumbɔr na, bui ke Jerusalem aadichal ni Juda aanaan aadichal ga ber. Naa kpa tinyoor ke ni buen ti jan Babiloŋ yaab bi gob nimi aatiŋ na kijaak. Nimina ga cha maaŋuusakpeln aah fii binib bi pu aan m ban m faa ku bi na aanikpol le gbiin kitiŋ kee ni. Kaanib aah tun titunwanbir ti na pu le m fenn mpuwɔb tii ki.

Jeremia 52:27

ki bi Hamaf aapepel ni na chee. Nima chee le ubɔr ngbaan nan ti saan bi ki ku bi. Kina le bi nan di Juda aanib buen tinaagbiir ni.

Jeremia 6:5

Ti ga nan tak ki kinyeek la; ti ga ber kaadir ti pɔɔ ki fɔk na.”

Hosea 2:3

U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Sefania 2:15

kina le u ga ŋa kitiŋ ki kpa kigaak sakpen kibaa aapɔɔn pu, ki dak ke nibaa aan ŋmaa ŋa ki na. Kaanib dak ke baatiŋ le pɔɔ jer ntim mɔmɔk dulnyaa wee ni. Ki ga kpaln tilangbenn la, le ipeel ga li doo nima chee ki fuur. Unii umɔk jer nima chee na ga sur upuwɔb ijawaan pu.

Sefania 2:7

Juda aanib bi ŋmar na le ga gaa nimi aatiŋ. Baawakor ga li ŋmɔ timoor nima chee la, le bi mu li doo Askelonn aanib aadichal ni. Bidindaan Uwumbɔr ga li bi bi chee ki cha bi ki kan liwangol.

Tibɔnyaan ti Luk ŋmee ti na 21:20

“Ni yaa kan butɔb aajab si gob Jerusalem aatiŋ kan, ni li nyi man, naan yunn, le bi ga bii kitiŋ ngbaan doo.

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”