Aisaya 31:4 - Uwumbɔr aagbaŋ

⁴ Uwumbɔr bui mi ke, “Uchinn yaa chuu kiwakork, aan bipihkpaab po gee bi li tar mpɔɔn pu sakpen pu na, waan san cha ki; ni mu ga li bi kina le Uwumbɔr Mpɔɔnsakpiindaan chee, nibaa aan ŋmaa kiir u, aan u taa li kii Sionn aajool.

Aisaya 31:4 ပူးပေါင်းရင်းမြစ်များ

2 Bibɔrb Aabɔr 20:15

Jahasiel nan bui ke, “Ubɔr Jehosafat, ni Juda ni Jerusalem aanib mɔmɔk, Uwumbɔr bui ke ni taa cha nitaakpab yɔl, ki taa san butɔb aajapaak kee ijawaan. Butɔb ngbaan ye Uwumbɔr aatɔb la, naa ye nimi yaan.

Nnyam 14:14

Uwumbɔr le ga to butɔb ngbaan tii nimi, naan li kpa nibaa ni ŋa butɔb ngbaan ni.”

Nnyam 14:25

U nan cha baatɔroku tiib aataa chɔi kitiŋ, le baa ki ŋmaa chuun mala mala. Le Ijipt yaab bui ke, “Uwumbɔr le bi to butɔb ngbaan tii Israel yaab. Cha ti gir nya do chee na man.”

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Aisaya 30:32

Uwumbɔr yaa faa bi ki ki gir faa bi kan, waanib ga li waa liwaal ki dii ŋigangan ni tibar aah gbaa pu na. Uwumbɔr ubaa le ga jan Asiria yaab kijaak.

Aisaya 42:13

Uwumbɔr ga jan ke upobidaan na; u gor ki jek ban butɔb la. U faa nkuun, nkuun mu ye butɔb aakuun na, u mɔk waadim waapɔɔn.

Jeremia 50:44

“Min Uwumbɔr ga dan ki nan cha Babiloŋ yaab san libuul ni, ki nyan baatiŋ ni, ke uchinn aah nyan ni kichook ni, ki di bɔ dii Jɔɔdann aagbaan pu, ki nan nya timosɔnn ni pu na la. Maah ga lee usaloln u na le ga li joo litimbol ngbaan. M ni ubaa aa ŋak. Ubaa aan kaa ke u kpak mi. Utinjoor ubaa aan ŋmaa kpak mi.

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Sekaria 14:3

Le Uwumbɔr ga nya ki ti tak ŋitimbol ngbaan, ke waah nan ŋani pu n‑yaayoonn na.

Sekaria 2:5

Uwumbɔr puu ke uma ubaa le ga li ye mmii aagoln ki mann goln kitiŋ ngbaan ki ga li kii ki, le ki ga li bi ki ni, ki wiin chain.”

Sekaria 9:15

Uwumbɔr Mpɔɔnsakpiindaan ga li kii waanib, le bi ga kuln baadim. Bi ga li tar butɔb ni ke bidagbiib na la, le ki cha baadim aasin nya; mu ga li puu ke kitork aasin mu bi teŋ lisambil ni ki di kpir kitork aabimbiln paab na la.

Sekaria 9:8

M ga li kii maatiŋ ki taa cha baadim aajab bɔ ki ponn ni jer. Maan cha bibiindam ki muk maanib. Min mbaa aanimbil ga li bi maanib pu.”

Tibɔkpiirkaan 10:3

le ki teen mpɔɔn pu ke uchinn aah tar pu na. Waah teen kina na, le utaal mu teen nfum mulole.

Tibɔkpiirkaan 5:5

Le bininkpiib na ponn ni ubaa bui mi ke, “Taa ki wii. Lik, Yesu u pɔɔ ke uchinn, ki ye Juda aanibol ni aanii ubaa, ki ye Ubɔr David aayaabil na le nyaŋ, ki ga ŋmaa dabr kigbaŋ ki bi dab ki nfum mulole na, ki kpar ki.”