Aisaya 31:3 - Uwumbɔr aagbaŋ

³ Ijipt aanib mu po ye binibɔm la, baa ye Uwumbɔr. Baataan mu aa ye lijinjiir aawan nibaa. Uwumbɔr yaa ban u tun waah ban pu na kan, litimbol li kpa mpɔɔn na ga bur, le litimbol li kaa pɔɔ aan li ter li na ga lir. Ŋimɔk ga kuln la.

Aisaya 31:3 ပူးပေါင်းရင်းမြစ်များ

2 Bibɔrb Aabɔr 32:8

U kpa unibɔn aapɔɔn la, le tima kpa Tidindaan Uwumbɔr u ga ter timi aan ki to butɔb tii timi na.” Binib ngbaan nan kan ntaakpapɔɔn baabɔr aah len pu na chee.

Ilahn 118:8

Aa yaa mak Uwumbɔr pu kan, ni ŋan jer ke aa li mak unibɔn pu.

Ilahn 33:17

Butɔb aataan aan ŋmaa cha binib nyaŋ baadim, yaapɔɔn aan ŋmaa gaa ubaa lii.

Ilahn 9:20

Uwumbɔr, cha bi li san ijawaan; cha bi bee ke bi ye tiwan ni ga kpo na la.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 20:4

Asiria aabɔrkpaan ga di biyom bi u chuu ŋitingbaln ŋilee ngbaan ni na di buen biŋmeen, kaa tak ŋinaatak mu. Mbim ni bininkpiib mɔmɔk ga chuun biŋmeen, kaan li tak ŋinaatak mu, le bimunjal dɔ; nimina le ga joo ni inimɔɔn nan tii Ijipt aatiŋ.

Aisaya 20:6

N‑yoonn ngbaan yaa nan fuu ni kan, binib bi koo Filistia yaab aatiŋ, nnyusakpem aagbaan chee na, ga bui ke, ‘Lik man tiwan ni ŋa binib bi ti nan di tibaa tii bi ke bi li kii timi Asiria aabɔrkpaan chee na. Ti ga ŋa kinye aan ki tee ŋmar?’”

Aisaya 30:16

Ni tee fenn le ke ni san ŋmar nimi aadim chee, itaan i ŋmaa san na pu. Ni ye mbamɔn la, ni san ŋmar baanja le ni ga ŋa. Ni dak ke nimi aataan ŋmaa san mala la, le binib bi san dii nimi na aataan ŋmaa san mala sakpen ki ti nyaŋ nimi aataan.

Aisaya 30:5

Juda aanib mu ga nan wii nwiin pu ke bi di bibaa tii Ijipt aatimbol li kaan ŋmaa ter bi na; buyoonn bi ban nterm na kan, litimbol ngbaan aan ŋmaa ter bi.”

Aisaya 30:7

Ijipt aaterm aa kpa tinyoor. Kina pu le m naan Ijipt aatiŋ liyimbinaankee ke, ‘Kipeewanbiik ki kaa ŋmaa ŋa nibaa na.’”

Aisaya 36:6

Ni ka dak ke Ijipt yaab le ga ter nimi, tɔ, kina mu ga li naahn unii u di likal di ŋa waajaangbeek na la, li ga koo le ki saa uŋaal. Ijipt aabɔrkpaan bi kina le ki tii umɔk mak u pu na.”

Aisaya 36:9

Naa fuu Asiria aaja u kaa kpa tininkpir na, le ni ka dak ke Ijipt yaab ga tii ni nimi itaan aatɔroku mam ni bijab bi jak itaan ki jaa kijaak na.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 17:5

Uwumbɔr len ke, “M ga bii unii u fenn upuwɔb tii mi ki tee kpa unibɔn u ga kpo na aapɔɔn pu limakl na.

Esekiel 28:2

“Unibɔn, tuk Taya aatiŋ aajojoor min Dindaan Uwumbɔr aah tuk u pu na ke: Aa di kigaak puun aabaa kin kin, ki yin aabaa ke liwaal. Aa bui ke aa ka libɔrjal pu ke liwaal na la, le nnyusakpem mann goln si. Aa ga ŋmaa ŋmann ke aa ye liwaal la, tɔ, aa po ye unibɔn le kaa kpa tiwan ni kaa ye unibɔn na aabimbin.

Esekiel 28:9

Bi yaa nan dan ke bi ku si kan, aa ga li beenin len ke aa ye liwaal aa? Aa yaa nan sil binib bi ga ku si na aanimbiin ni kan, aa ga li ye unibɔn kaan li kpa liwaal aabimbin kpala.

Amos 2:15

Binib bi joo itɔi na aan ki ŋmaa sil ki too, le bitaasam aan ŋmaa san ŋmar, bijab bi dik itaan pu na mu aan ŋmaa ŋmar.

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”