Aisaya 31:2 - Uwumbɔr aagbaŋ

² U nyi waah ŋani pu na. Uma le cha tibɔbir choo. U yaa puu ke u daa titunwanbirdam ni binib bi ter bi na aatafal kan, waan di cha.

Aisaya 31:2 ပူးပေါင်းရင်းမြစ်များ

Job Aagbaŋ 12:16

Uwumbɔr pɔɔ, le ki kani linyaŋ n‑yoonn mɔmɔk; binib bi ŋmanni na, ni baah ŋmanni binib bi na mɔmɔk bi waapɔɔn ni la.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 14:20

ba pu? saah kuln saatingbaln ki ku saanib na, nima pu na, baan sub si ke bibɔrkpaam biken na. Saamaal mu ye titunwanbir aamaal na ponn ni ubaa aan ŋmar.

Aisaya 21:17

Bijab bi too itɔi na le kaar sakpen Kedar aajab ni, le bi ponn ni siib le ga gur. Min, Israel yaab Aadindaan Uwumbɔr le len kina.”

Aisaya 22:14

Nidindaan Uwumbɔr Mpɔɔnsakpiindaan, uma ubaa le len m chee ki bui ke, “Maan di cha tibɔbir timina pinn bi n‑yoonn mumɔk bi bi na. Min, Nidindaan Uwumbɔr Mpɔɔnsakpiindaan, le len kina.”

Aisaya 28:21

Uwumbɔr ga jan ke waah nan jan Perasim aajool pu, ni Gibeonn aafataŋ ni pu na, ke u ŋa waah ban ke u ŋa pu na; waah ga ŋa pu na aatataa ga li pɔɔ ti bee. U ga doo waatuln. U ga doo waatuln li aatataa bɔr na.

Aisaya 28:29

Nlan mumina mɔmɔk nyan ni Uwumbɔr Mpɔɔnsakpiindaan chee la. Uwumbɔr aah kpokl ke u tun pu na ye nlan la, le ni tun n‑yoonn mɔmɔk kaa bii.

Aisaya 30:3

Ubɔrkpaan ngbaan mu aan ŋmaa ter bi, le Ijipt yaab aaterm ngbaan ga ti doo tibɔbir ni la.

Aisaya 30:7

Ijipt aaterm aa kpa tinyoor. Kina pu le m naan Ijipt aatiŋ liyimbinaankee ke, ‘Kipeewanbiik ki kaa ŋmaa ŋa nibaa na.’”

Aisaya 31:3

Ijipt aanib mu po ye binibɔm la, baa ye Uwumbɔr. Baataan mu aa ye lijinjiir aawan nibaa. Uwumbɔr yaa ban u tun waah ban pu na kan, litimbol li kpa mpɔɔn na ga bur, le litimbol li kaa pɔɔ aan li ter li na ga lir. Ŋimɔk ga kuln la.

Aisaya 32:6

Ujɔr le ye unii u len kijɔrk aaliin, ki dakl ilandak i kaa ŋan na. Waah ŋani pu na, ni waah len pu na mɔmɔk ye lisiibil le ki tii Uwumbɔr; waa kpiini nkon aah joo binib bi na, kaa tii binib bi nnyunyuu joo bi na mu nnyun.

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 10:12

Uwumbɔr di waapɔɔn le naan kitiŋ; waalan le u di naan dulnyaa wee, le ki taln paacham.

Jeremia 10:7

Ŋma aan nyuŋ si u ye ŋitimbol mɔmɔk aabɔr na? Aa ŋeer bunyuŋ la. Bilandam ni bibɔrb bi mɔmɔk bi ŋitimbol ni na ubaa aa bi ke sin na.

Jeremia 36:32

M nan ki yoor kigbaŋ kiken tii maagbaŋmeer Baruk, le u ŋmee tibɔr ti mɔmɔk m di tuk u na. U nan ŋmee tibɔr ti mɔmɔk nan bi njan aagbaŋ na ponn ni na, ni kina aabɔr ti m nan tuk u ke u ŋmee na.

Esekiel 29:6

N‑yoonn ngbaan le Ijipt aanib mɔmɔk ga bee ke min le ye Uwumbɔr.” Uwumbɔr nan ki len ke, “Israel yaab nan mak nimi Ijipt yaab pu le ke ni ter bi, ni mu nan bi ke likal li kaa pɔɔ na la.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Sekaria 1:6

M nan cha maatutum bi ye bibɔnabr na tii niyaajatiib ikaal ni nsurm, le bi yii i, le ki jin falaa i pu. Le bi bee ke bi tun taani, ki bee ke min, Uwumbɔr Mpɔɔnsakpiindaan le daa bitafal ke maah nan puu ke m ga ŋa pu na, ki ŋeer baah tun pu na.’”

Nkahm 10:35

N‑yoonn mu bi ti piin ki joo Uwumbɔr Aakaal Aadakaa cha na, le Moses bui ke, “Uwumbɔr, fiin ki yaa saadim, ki jenn binib bi nan si na.”

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Matiu 24:35

Paacham ni taab ga jer. Maamɔbon ma aan jer.”

Rom Yaab 16:27

Uwumbɔr baanja le kpa nlan. Ubaa aa ki bi. Uma le yeh mpakm Yesu Kristo pu, n‑yoonn mu kaa kpa ndoon na. Amii.

Josua 23:15

Waah cha tipuur ngbaan mɔmɔk gbiin na, kina le u ga cha tifaan ngbaan mɔmɔk mu gbiin.

Juud 1:25

Uwumbɔr baan baanja le bi. Tidindaan Yesu Kristo pu le u nyan timi ntafadaan ni, ki gaa timi lii. Uwumbɔr le yeh nnyuŋ, ni mpakm, ni mpɔɔn mɔmɔk, ni tiwan mɔmɔk, n‑yoonn mu jer na, ni dandana wee, ni n‑yoonn mu kaa kpa ndoon na. Amii.

1 Samuel 2:3

Di cha nimi aapupuk ngbaan man; ŋmin man nimi aagaak aamɔliin ngbaan; ba pu? Uwumbɔr ye Uwumbɔr u nyi na la, le ki nyi binib mɔmɔk aah ŋani pu na.