Aisaya 30:6 - Uwumbɔr aagbaŋ

⁶ Uwumbɔr aah len tiwakor ti bi nteersakpiin ngbaan ni na aabɔr ti na sɔ: “Juda aaninkpiib ngbaan chuun isan i kpa tibɔbir na pu, ni nin chee ichinn koo na, ni nin chee iwaa i bir na bi na, ni nin chee tipeewanbir ti fii paacham na koo na. Bi di ipiin i kpa kidaak na buu baabon, ni laakumii mam pu, bi ti tii litimbol li kaan ŋmaa tii bi nterm mubaa na.

Aisaya 30:6 ပူးပေါင်းရင်းမြစ်များ

Mpiin 12:9

U nan ki fii nima chee, ki chuun ki doo nsan ni, ki ti ki fuu Kanaann aapepel li bi ŋŋangii wɔb na.

1 Bibɔrb 10:2

Bitutum pam le nan dii u buen, ki kpee laakumii tiib bi tu tulalee aabɔŋ aabɔŋ, ni ŋitakpanyaan na, ni salmaa u wiir sakpen na. U ni Solomonn aah nan ti kal ke bi gbaa tibɔr na, u nan baa u mbaan pɔɔl mumɔk u nan joo uyil ni na.

2 Bibɔrb Aabɔr 16:2

Kina pu le Asa nan nyan tikunabr ni salmaa Uwumbɔr Aadichal, ni libɔrdichal ni, ki di tun Damaskus ni, Siria Aabɔr Ben‑Hadad chee ke:

2 Bibɔrb Aabɔr 9:1

Seba aatiŋ aapiibɔr nan ŋun Solomonn aayimbil pu, le ki buen Jerusalem aatiŋ ni ke u ti di mbaan mu pɔɔ sakpen na tɔŋ u ki lik. Bitutum pam le nan dii u buen, ki kpee laakumii tiib bi tu tulalee aabɔŋ aabɔŋ, ni ŋitakpanyaan na, ni salmaa u wiir sakpen na. U ni Solomonn aah nan ti kal ke bi gbaa tibɔr na, u nan baa u mbaan pɔɔl mumɔk u nan joo uyil ni na.

Job Aagbaŋ 39:11

Aa ga ŋmaa li mak waapɔɔnsakpiin pu ki dakl ke u tun lituln li pɔɔ na tii si ii?

Aisaya 14:29

Filistia yaab, lidabil li bi di gbaa nimi na koo a, ni mu taa tee laa man. Uwaa ubaa yaa kpo kan, u bir jer uma ngbaan na ga dan nan gaa waabuul ni. Uwaa aajeln kaal kiwanbiik la.

Aisaya 15:7

Binib joo baawangol san puur cha Isui aafataŋ ni, ke bi di san ŋmar.

Aisaya 19:4

M ga di Ijipt yaab tii ubiindaan ubaa, ubɔrkpaan u kpa mbiin sakpen na, le u li joo bi. Min, Uwumbɔr Mpɔɔnsakpiindaan le len kina.”

Aisaya 35:9

Ichinn aan li bi mu pu; tipeewanbir mu kibaa aan jer mu chee. Uwumbɔr aah gaa binib bi lii na le ga dii mu kun.

Aisaya 5:30

Nwiin ngbaan daal yaa nan fuu ni kan, bi ga nan ŋuun labr Israel aatiŋ pu ke nnyusakpem aah fu pu na. Lik man litimbol limina. Ni ye mbɔmbɔɔn ni nsuubiin ŋmeen la. Mbɔmbɔɔn di nwiihn mɔmɔk mu nan bi nima na di nab a.

Aisaya 57:9

Ni ŋmir nimi aatulalee ni nimi aakpan le ki chaa ti dooni liwaal Molek. Ni yaa ban ŋiwaa kan, ni ga tun binib bi buen dandar, hali kitekpiitiŋ ni.

Aisaya 8:22

bee bi si lik kitiŋ, kaan li waa nibaa see falaa ni mbɔmbɔɔn ŋmeen, mbɔmbɔɔn mu kpa ijawaan aan bi cha bi ti koo mu ni na.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Esekiel 20:46

“Unibɔn, lik ŋŋangii wɔb. Len tibɔbir ŋŋangii wɔb aapepel ni laachook pu.

Hosea 12:1

“Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 12:2

Uwumbɔr kpa Juda aanib pu ngalm, le ki ga daa Israel aatiŋ aatafal, kaanib aatuln pu. U ga giin baah tun pu na le pa bi.

Maika 6:14

Ni ga ji, le ki mu aan bab; mbamɔn, nkon ga li joo nimi. Ni ga kuun liwangol di bil, le ki mu aan ŋmaa li joo li; naah ga li kpa tiwan nimɔk na, m ga bii kina aawan butɔb ponn ni.

Sekaria 6:6

Tɔroku u itanbɔn dar na cha ŋŋangan wɔb Babiloŋ aatiŋ ni la, le itapiin yoo na cha liwilir wɔb, le itachachal yoo na cha kitiŋ ki bi ŋŋangii wɔb na ni.”

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Nkahm 21:8

Le Uwumbɔr tuk Moses ke u di tikur mɔɔ uwaa, aan ki di u fin ndɔŋumkoo pu, nima kan, uwaa yaa juu umɔk aan u waan lik uwaanaankoo ngbaan na kan, u kan limɔfal.

Matiu 12:42

Seba aapiibɔr nan nyan ni dandar ke u nan ŋun Ubɔr Solomonn aalan aaliin. Min u jer Solomonn na bi do la, le naa ŋun maaliin. Bundaln Uwumbɔr ga ji binib tibɔr na, upiibɔr ngbaan aah nan ŋa pu na, nima le ga mɔk ke nimi aabɔr bii.”

Ikaal 17:16

Ubɔr ngbaan taa li kpa itaan sakpen ki di tii waajab, u mu taa cha bi buen Ijipt aatiŋ ni, ke u ti daa itaan; ba pu? Uwumbɔr bui ke waanib ponn ni ubaa taa ki gir buen kitiŋ ngbaan ni.

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Ikaal 8:15

Uma le nan loln ni pu nsan, nteersakpiin mu bir na ni, nin chee inyoohn ni ikuub i kpa liluul sakpen na bi na. Kitikuun ki kaa kpa nnyun kpala na, le u nan cha nnyun nyan ni litakpajool ponn ni, le ni nyun.