Aisaya 30:4 - Uwumbɔr aagbaŋ

⁴ Hali baah nyan Juda aaninkpiib bi ke bi ti li bi Ijipt aatisakpem Soann ni Hanes ni na kpaan fuu nima;

Aisaya 30:4 ပူးပေါင်းရင်းမြစ်များ

2 Bibɔrb 17:4

Tɔ, libiln libaa ni, le Hosea nan tun Ijipt yaab aabɔr So chee, ke u nan ter u, le kaa ki pa libiln libiln aapar tii Asiria aatiŋ aabɔrkpaan. Salmaneser aah ŋun kina na, le u cha bi chuu Hosea ti laŋ kiyondiik ni.

Ilahn 78:12

Biyaajatiib nan si lik, le Uwumbɔr tun iwaan aatun Soann aapaan mu bi Ijipt aatiŋ ni na.

Aisaya 19:11

Soann aatiŋ aaninkpiib ye bijɔrb la. Ijipt aalandam aasurm ye kijɔrk la. Ŋma ŋmann bi ke bi bui ubɔrkpaan ngbaan ke bima le nab n‑yaayoonn na aagbanyib ni bibɔrb na pu?

Aisaya 57:9

Ni ŋmir nimi aatulalee ni nimi aakpan le ki chaa ti dooni liwaal Molek. Ni yaa ban ŋiwaa kan, ni ga tun binib bi buen dandar, hali kitekpiitiŋ ni.

Jeremia 43:7

Bi nan yii Uwumbɔr aamɔb le ki di ti fuu Ijipt aatiŋ ki bi yin ki ke Tapanes na ni.

Jeremia 49:14

Le m bui ke, “Edom aatiŋ, Uwumbɔr le di inaŋ tii ni mi. U tun ni ntuun ke mu nan bui ŋitimbol ke ŋi kuun ŋaajab, ki gor, ki ti tak si.

Esekiel 30:14

M ga cha Ijipt aapepel li bi ŋŋangii wɔb na doon nkuun, ki see Soann aatiŋ ki bi ŋŋangan wɔb na mmii lii. M ga daa kaatiyil Tebes aatafal.

Esekiel 30:18

M yaa nan bii Ijipt aapɔɔn mu bi nan mak mu pu sakpen na kan, mbɔmbɔɔn ga lir Tapanes aatiŋ pu. Ntaalangbam ga biin Ijipt aatiŋ pu, le bi ga chur kaatim mɔmɔk aanib tinaagbiir.

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Obadia 1:1

Tidindaan Uwumbɔr aah di tibɔr ti tuk waabɔnabr Obadia, ki joo cha Edom aatiŋ wɔb na sɔ. Uwumbɔr tun waabɔnabr ŋitimbol mɔmɔk chee, le ti ŋun waabɔr ti u tuk u na ke, “Gor nibaa man. Cha ti buen ti to Edom yaab butɔb man.”

Nkahm 13:22

Njan bi nan pue buen Kanaann aatiŋ aaŋangii wɔb na la, le ki ti nyan Hebronn aatiŋ, nin chee Ahimann yaab, ni Sesai yaab, ni Talmai yaab aataŋaal pu aanib ka na, bi nan ye ŋiniwɔk ŋi bi yin ŋi ke Anak yaab na aayaabitiib la. Hebronn aatiŋ nan bi le ŋibin ŋilole aapuwɔb na Soann aatiŋ ki bi Ijipt ni na mu nin ŋa kitiŋ.