Aisaya 30:16 - Uwumbɔr aagbaŋ

¹⁶ Ni tee fenn le ke ni san ŋmar nimi aadim chee, itaan i ŋmaa san na pu. Ni ye mbamɔn la, ni san ŋmar baanja le ni ga ŋa. Ni dak ke nimi aataan ŋmaa san mala la, le binib bi san dii nimi na aataan ŋmaa san mala sakpen ki ti nyaŋ nimi aataan.

Aisaya 30:16 ပူးပေါင်းရင်းမြစ်များ

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 31:3

Ijipt aanib mu po ye binibɔm la, baa ye Uwumbɔr. Baataan mu aa ye lijinjiir aawan nibaa. Uwumbɔr yaa ban u tun waah ban pu na kan, litimbol li kpa mpɔɔn na ga bur, le litimbol li kaa pɔɔ aan li ter li na ga lir. Ŋimɔk ga kuln la.

Habakuk 1:8

“Baataan ŋmaa san mala mala ki jer ipeenaamuun, le ki bir jer nkon aah joo takɔtiib bi na. Baatandam nyan ni dandar aatim ni le ki jak ni baataan, baataan aataagbendun pɔɔ sakpen. I booni ke ŋikaagii le aah booni ke ŋi ti chuu tinann na.

Maika 1:13

Lakis aatiŋ aanib, di itaan aatɔroku tiib tul itaan pu man. Ni mu tun Israel yaab aatunwanbir, le ki cha Jerusalem yaab tun titunwanbir.

Amos 9:1

M nan kan Uwumbɔr si gbɔk kitork aabimbiln, le ki tii waamɔboln ke: “Faa man Maadichal aagon mpɔɔn pu aan kaadipimoor deŋ. Gbaa wii ŋi aan ŋi lir binib ngbaan aayil pu man. M ga ku binib bi gur na butɔb ni la. Ubaa aan san ŋmar; ubaa kina aan ŋmar. Hali bi yaa gbii ibuu ki koo kitekpiitiŋ ni kan, m ga chuu bi.

Inandalahn 4:19

Bi nan jenn timi sunn mala mala ke likaagiil le aah boon ki nyan ni paacham na. Bi nan ti gob timi ŋigongon pu la; nteersakpiin pu le bi nan loon timi.

Jeremia 52:7

le Babiloŋ aajab nan wiil kaagon ki koo ni, le ki gob kitiŋ ngbaan ti to, le kitiŋ ngbaan aajab nan loon kinyeek ki nyan. Bi nan dii libɔrdichal aasaak aasan, le ki dii mbisamɔb mu bi ŋigon ŋilee ngbaan aasisik ni na nyan, ki di toŋ Jɔɔdann Aafataŋ wɔb.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Ilahn 147:10

Utafal aa bi itaan i pɔɔ na ni, kaa bi bijab bi kaar na ni;

Ilahn 33:17

Butɔb aataan aan ŋmaa cha binib nyaŋ baadim, yaapɔɔn aan ŋmaa gaa ubaa lii.

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

2 Bibɔrb 25:5

Tɔ, Babiloŋ aajab ngbaan nan di paan Ubɔr Sedekia pu, le ki ti chuu u Jeriko aatiŋ pu, le waajab mɔmɔk san cha u.

Aisaya 2:7

Salmaa ni tikunabr le gbii kitiŋ ngbaan ni, le ubaa aa nyi baapɔɔn mɔk. Itaan le gbii baatiŋ ngbaan ni, le ubaa aan ŋmaa kahn baataan aatɔroku tiib.

Jeremia 39:4

Ubɔr Sedekia ni waajab aah nan kan tiwan ni bi ŋani na, bi nan pɔɔk bibaa ke bi loon kinyeek ki san nya kitiŋ ngbaan ponn ni. Bi nan dii libɔrdichal aasaak ni, le ki dii mbisamɔb mu bi ŋigon ŋilee ngbaan aakaasisik ni na, ki nyan, ki di toŋ Jɔɔdann aafataŋ wɔb.

Jeremia 46:6

Bijab bi ŋmaa san mala na aan ŋmar; bijab ngbaan aan ŋmaa san ŋmar. Ŋŋangan wɔb, Yufrates Aamɔɔl chee, le bi gbeer ki lir.

Job Aagbaŋ 39:11

Aa ga ŋmaa li mak waapɔɔnsakpiin pu ki dakl ke u tun lituln li pɔɔ na tii si ii?