Aisaya 3:9 - Uwumbɔr aagbaŋ

⁹ Baa kaa gbaa ibamɔn pu na ga ki gir koon bima le tibɔr ni. Bi tun titunwanbir kaa joo bɔrni ke Sodom aanib aah nan tun pu na la. Bima le joo ni bibaa aadoon, bi kuln a.

Aisaya 3:9 ပူးပေါင်းရင်းမြစ်များ

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Mpiin 19:34

Naah woln kitaak na, le upol ngbaan bui unaal ke, “M fe doon tite chee kinyeek na; cha ti ki tii u ndaan aan u gbii, nima kan, aa mu ga ŋmaa doon u chee kinyeek kee, aan ti mɔmɔk dek ki maa mbim tii tite.”

Mpiin 4:5

le ki yii Kainn ni waapiin. Le Kainn gee liŋuul pam, le unimbil wɔb bii.

2 Bibɔrb 9:30

Jehu nan fuu Jesreel aatiŋ ni. Tɔ, Jesebel aah ŋun tibɔr ti ŋa na pu na, le u bal chaloo, ki chaal uyikpir mbamɔm le ki ti sil libɔrdichal ponn ni aatakolu ubaa chee, ki si lik kitiŋ ponn ni.

Ilahn 10:4

Ubiindaan aatafal aa bi Uwumbɔr ni; waagaak ponn ni le u dak ke Uwumbɔr aa bi tibɔr tibaa ni.

Ŋiyataŋak 15:32

Unii umɔk yii nsurm na, aa gee ubaa. Aa yaa kpa ŋuntii nsurm chee kan, aa ga moo kan nlan.

Ŋiyataŋak 30:13

Binib bibaa bi, ki dak ke bi ŋan sakpen, bi po dak ke bi ŋan ni ti nyaŋ la.

Ŋiyataŋak 8:36

Unii umɔk aa ban kan mi na tii ubaa titotonn la; unii umɔk kaa gee mi na gee nkun la.”

Aisaya 1:10

Jerusalem yaab, nimi aayidam ni nimi aanib naahn Sodom ni Gomora yaab la. Li pel man Uwumbɔr aah bi tuk nimi pu na. Pel man mbamɔm Uwumbɔr aah bi mɔk nimi pu na.

Aisaya 3:16

Le Uwumbɔr bui ke, “Lik Jerusalem aapiib aah kpa kigaak pu na. Bi chuun le bimɔfal ŋui paacham ke ibɔ na. N‑yoonn mɔmɔk bi chuun gɔr kidagook la. Bi tai dim dim, le ŋibɔlun ŋi gbin bitaagbin na weeni kiliŋ kiliŋ.

Aisaya 57:20

Tɔ, bibiindam ma naahn nnyusakpem mu kaa ŋmaa doo suuna na, mu aanyunkpenn joo ni tijɔŋ ni tikpakpar na la.

Aisaya 59:12

“Uwumbɔr, taah tun si titunwanbir ti na nyaŋ. Timi tibaa aataani galni timi la. Ti nyi taah tun pu na mɔmɔk.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Inandalahn 5:16

Taah nan mak tiwan ni pu na aa ki gur. Ti tun titunwanbir, le timi aamɔfal kuln.

Esekiel 16:30

Aadindaan Uwumbɔr aah bi len pu na sɔ: “Aa ŋa nimina mɔmɔk ke upiidagoor u kaa san inimɔɔn na la.

Esekiel 16:49

Ki ni kibisatiib nan kpa kigaak baah kpa tijikaar sakpen bi ji pu na pu, aan ki bi nsuudoon, ni lifuur ni na pu; bitafal mu aa nan tee bi bigiim ni binib bi lann na ponn ni.

Esekiel 23:16

Waah kpaan kan kina na, le waakpeek nan fii bi pu, le u tun ituun bi chee Babiloŋ aatiŋ ni.

Daniel 7:20

M nan ki ban ke m moo bee waayiin kipiik i nan bi uyil pu na, ni n‑yiin waatiir mu nan nyan ni puwɔb ki tur iyiin itaa lii na aabɔr. Mu nan kpa ŋinimbil ni bumɔb ki kpa kigaak aapupuk. Mu nan kpa ijawaan jer iken na mɔmɔk.

Hosea 13:9

“Israel aanib, m ga kuln nimi. Le ubaa aan ŋmaa ter nimi.

Hosea 5:5

Israel yaab aagaak mɔk ke bi kpa ngalm. Baatunwanbir cha bi gbeer le ki lir, le Juda aanib mu lir dii bi.

Rom Yaab 6:23

Titunwanbir aapar ye nkun la. Tidindaan Yesu Kristo pu le Uwumbɔr aapiin ye limɔfal li kaa kpa ndoon na.

Tibɔkpiirkaan 11:8

Le ŋinikpol ngbaan ga li dɔ kitisakpeŋ na aasan ni. Uwumbɔr yin kitiŋ ngbaan ke Sodom, ki ki yin ki ke Ijipt. Bi nan kpaa Tidindaan ndɔpuinkoo pu nima la.

1 Samuel 15:32

Le Samuel bui u ke, “Li joo ni man Ubɔr Agag m chee do.” Le Agag u bi nan buu u tikululn na dan u chee, ki nan bi dakl usui ni ke, “Bi ga ku mi dandana wee ee?”