Aisaya 3:5 - Uwumbɔr aagbaŋ

⁵ le unii mɔmɔk ŋa uŋeen aatɔ waageehn. Binachipɔm ni bisapɔm aan li pak bininkpiib, le binib bi kaa bi tibaa ni na aan ki li pak binib bi jer bi na.

Aisaya 3:5 ပူးပေါင်းရင်းမြစ်များ

2 Bibɔrb 2:23

Elaisa nan nyan Jeriko ki cha Betel, le nsan ni, mbijabim bibaa ti nyan ni kitiŋ kibaa ni ki nan ŋani u mbɔnyun. Bi nan tar ke, “Li cha paacham, uyikundaan.”

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 11:13

Israel aanaan ni aanib aan ki li kpa lipiipoln Juda yaab pu, le Juda yaab mu aan ki li ye Israel yaab aadim.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Aisaya 9:18

Binib ngbaan aatunwanbir bii tiwan ke mmii aah wu ikokon ni ŋinaabukar pu na la. Baatunwanbir bii tiwan ke kichook ni aamii aaŋmanyuu na la.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Esekiel 22:12

Saanib bibaa ku binib le ki gaal tipar. Biken gaal ŋimombil paani baah pinn pu tii biŋeen aatɔtiib Israel yaab biken na, le ki kani kina aajinjin pu ŋimombil. Bi suln mbɔr.” Bidindaan Uwumbɔr le len kina.

Liifai Yaab 19:32

“Min le ye Uwumbɔr, ni li san mi ijawaan, ki li pak binib bi jer nimi na, ki li nyuŋni bi.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Sekaria 11:6

Uwumbɔr ki bui ke, “Maan ki san unii ubaa kinimbaak kitiŋ kee pu. Min mbaa le ga di binib mɔmɔk ŋa baajojoob aaŋaal ni. Bijojoob ngbaan le ga bii kitiŋ, le maan gaa ki lii.”

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 26:67

Le bi teei timɔɔtan ŋa unimbil wɔb, le ki gbaa u. Bibaa mu gbaa u ntapam,

Tibɔnyaan ti Mak ŋmee ti na 14:65

Le bi ponn ni bibaa piin ki bi teei timɔɔtan ŋani u pu, le ki di likekeln poo unimbil, ki gbaa u, ki baa u ke, “Ulau faa si?” Bikikiirb ngbaan mu nan gaa u ki gbaa u.

Tibɔnyaan ti Luk ŋmee ti na 22:64

ki di likekeln poo unimbil, le ki baa u, “Uwumbɔr aabɔnabr, ulau faa si?”

Jemisi 2:6

Nimi le lik bigiim fam. Bilabi muk nimi ki joo nimi tii bibɔjirb? Naa ye biwankpadam aa?

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.