Aisaya 3:17 - Uwumbɔr aagbaŋ

¹⁷ Le m ga daa bitafal; m ga kuu baayikpir ki cha ŋiyikun.”

Aisaya 3:17 ပူးပေါင်းရင်းမြစ်များ

Solomonn Aalahn 3:11

Sionn aapiib, dan nan lik man ubɔr Solomonn. U chik kibɔryikpupuk ki una nan di chiŋ uyil pu waabɔndinn daal, nwiin mu nan ye waapopiin ni mmɔɔn daal na la.

Aisaya 20:4

Asiria aabɔrkpaan ga di biyom bi u chuu ŋitingbaln ŋilee ngbaan ni na di buen biŋmeen, kaa tak ŋinaatak mu. Mbim ni bininkpiib mɔmɔk ga chuun biŋmeen, kaan li tak ŋinaatak mu, le bimunjal dɔ; nimina le ga joo ni inimɔɔn nan tii Ijipt aatiŋ.

Aisaya 3:16

Le Uwumbɔr bui ke, “Lik Jerusalem aapiib aah kpa kigaak pu na. Bi chuun le bimɔfal ŋui paacham ke ibɔ na. N‑yoonn mɔmɔk bi chuun gɔr kidagook la. Bi tai dim dim, le ŋibɔlun ŋi gbin bitaagbin na weeni kiliŋ kiliŋ.

Aisaya 3:18

Nwiin mubaa choo, le Uwumbɔr ga gaa tiwan nimɔk Jerusalem aapiib kpa ki kpa kigaak ni pu na: nleenyaan mu bi joo gbei bitaagbin, ni biyil, ni bineen ni,

Jeremia 13:22

Aa yaa nan baa ke ba ŋa nimina ŋa si, le saakeken kar kar aan bi chuu si mpɔɔn ki doon aa chee kan, aa li nyi ke saatunwanbir nyaŋ sakpen a.

Liifai Yaab 21:20

bee unii u ye ugodaan, bee kinigengeŋ, bee unii u kpa inimbiween na, bee unii u kpa tiwon aaween na, bee uja u bi lee u na, taa ŋa kina aatork aatuln.

Maika 1:11

Safir aatiŋ aanib, di inimɔɔn ki chuun niŋmeen man, nimi aadim aah di nimi buen kitiyayaŋ ni man. Binib bi koo Saanann aatiŋ ni na aa kaa ke bi nya ni baatiŋ ponn ni. Ni yaa nan ŋun Bef Esel aatiŋ aanib bi wii kan, ni bee ke lifuur aa bi nima.

Nahum 3:5

Uwumbɔr Mpɔɔnsakpiindaan bui ke, “M ga daa sin Ninefa aatiŋ aanib aatafal. M ga gbabr si ki cha si aaŋmeen ki cha ŋitimbol ŋiken kan si, ŋi ga kan si saanimɔɔn ngbaan ni.

Ikaal 28:27

Uwumbɔr ga cha ŋichakpelar yur nimi, ke waah nan ŋa Ijipt yaab pu na. U ga cha niwon kpaln ibuun ŋmeen. Niwon ga kpaln ligbaln ŋmeen, ki saak, le nnyɔk aa bi ki ga tii nimi laafee.

Tibɔkpiirkaan 16:2

Le Uwumbɔr aatuun ubaa buen ki ti di falaa u bi waasambil ni na kpir dulnyaa ni. Le ni ŋa ibuun i wu sakpen na ki baan binib bi kpa upeel ngbaan aadaan ki dii waawaal na pu.