Aisaya 3:15 - Uwumbɔr aagbaŋ

¹⁵ Naa ŋan ke ni muen maanib ki ji bigiim ke baah ye bigiim na. Min, Nidindaan Uwumbɔr Mpɔɔnsakpiindaan le len kina.”

Aisaya 3:15 ပူးပေါင်းရင်းမြစ်များ

Ilahn 94:5

Uwumbɔr, bi wɔi saanib; bi muk binib bi ye saanib na.

Nnyam 5:14

Ijipt yaab nan gbaa Israel yaab bi lik biken aan bi tun lituln na, le ki baa bi ke, “Ba ŋa naa ki ŋani ŋitambil ŋi wiir ke naah nan ŋani pu na?”

Ŋiyataŋak 30:14

Binib bibaa ŋani bigiim ni bifalaadam mbiin ki kuln bi ke bi taa ki li bi na.

Aisaya 10:2

Kina le ni gaal bigiim aabamɔn, ni ni ye biyaan na. Kina le ni gaal bikpopiib ni nkpobim aawangol bi chee.

Aisaya 14:30

Uwumbɔr le ga kpaa waanib bi ye bigiim na, ki tii bi ŋŋmarm. U ga cha nkon lir nimi Filistia yaab pu, le mu aan cha ni ponn ni ubaa ŋmar.

Aisaya 26:6

Baah nan muk bi na le gur chuun ki pu, ki taa ki pu.

Aisaya 29:19

Bigiim, ni binib bi sunn bibaa taab na ga ki kan mpopiin mu Israel yaab Aadindaan Uwumbɔr u bi chain na tii bi na.

Aisaya 30:12

Tɔ, Israel yaab Aawumbɔr u bi chain na aah len pu na sɔ: “Nitafal aa bi maah tuk nimi pu na ni, le ki tee kii tii inyamɔn ni kijaak ma.

Aisaya 32:6

Ujɔr le ye unii u len kijɔrk aaliin, ki dakl ilandak i kaa ŋan na. Waah ŋani pu na, ni waah len pu na mɔmɔk ye lisiibil le ki tii Uwumbɔr; waa kpiini nkon aah joo binib bi na, kaa tii binib bi nnyunyuu joo bi na mu nnyun.

Aisaya 5:7

Israel ni Juda aanib le ye Uwumbɔr Mpɔɔnsakpiindaan aasaak, bima le ye ŋisubil aasui i u ŋum na. U nan dak ke bi ba ŋa ni ŋan na, le bi yii ki ku binib. U nan dak ke bi ba li ŋani ni tok na, le bi nan ŋani binib mbiin, le bi wii baabamɔn pu.

Aisaya 58:4

Nimi aamɔlul aayoonn le ni waar le ki kpak ki jaa. Ni dak ke kimɔlul kimina aaboln ga cha m pel nimi aameel aa?

Aisaya 63:8

Uwumbɔr bui ke, “Bi ye maanib la; baan ŋmann mi.”

Esekiel 18:2

ki bui ke, “Binib aah ŋakl liyataŋakl li ki gir ŋakl Israel aatiŋ pu na ye ba aayataŋakl? ‘Tetiib le ŋman ŋisubil ŋi mɔɔn na, le ni nan tee mɔɔn baabim aamɔi ni.’”

Jona 1:6

Le biŋɔŋaab ngbaan aaninkpel nan ti kan u nima chee, le ki baa u ke, “Aa dɔ ŋani ba, aa dɔ geen la aa? Fii sil ki mee saawaal aan li ter timi. Nibaakan, li ga san timi kinimbaak ki gaa timi lii.”