Aisaya 3:13 - Uwumbɔr aagbaŋ

¹³ Uwumbɔr gor ke u piin waabɔr, u gor ke u ji waanib tibɔr.

Aisaya 3:13 ပူးပေါင်းရင်းမြစ်များ

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 74:22

Uwumbɔr, fii sil ki len saabɔr. Teer ke binib bi kaa dii si na laa si le nwiin ti lir.

Ilahn 82:1

Uwumbɔr le ye paacham aaninkpiib aakuun ni aayidaan; bitinjoob aakuun ni, u tii bi waalandak ke,

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Aisaya 51:22

Nidindaan Uwumbɔr si nipuwɔb ki bui ke, “M bi nyani falaa u m nan di tii nimi maaŋuul ponn ni na la. Naan ki ji falaa u cha ni chuun gbeer ke naah nyun ndaan le na.

Aisaya 66:16

U ga di mmii ni kijaak aajuk le di daa dulnyaa aanib bi aabɔr bii u chee na aatafal, le pam ga kpo.

Joel 3:12

“Ŋitimbol mɔmɔk, gor nibaa, ki dan Libɔjil Aafataŋ ni, nin chee Uwumbɔr ga ji binib tibɔr na. Le min Uwumbɔr ga kal ki ji ŋitimbol ŋimɔk mann goln na tibɔr.

Maika 6:1

Li pel man Uwumbɔr aah joo tibɔr ti Israel aanib pu na. Uwumbɔr, fii sil ki cha bi ŋun saah joo tibɔr ti Israel aanib pu na; cha ŋijoo ni ŋigongon ŋun saah joo pu aa len na.

Maika 6:2

Nimi ŋijoo, nimi n‑yoonn mu kaa kpa ndoon na aatinyik, li pel Uwumbɔr aabɔr man. Uwumbɔr ni waanib le kpa tibɔr. U ban ke u joo ni ngalm Israel aanib pu la.