Aisaya 3:1 - Uwumbɔr aagbaŋ

¹ Dandana wee, Tidindaan Uwumbɔr u ye Mpɔɔnsakpiindaan na ban u chuu nyan Jerusalem ni Juda ponn ni tiwan, ni binib bimɔk nan joo ntim ngbaan aanib na. U ban u chuu yoor baajikaar, ni baanyun,

Aisaya 3:1 ပူးပေါင်းရင်းမြစ်များ

2 Bibɔrb 25:3

Libinbaal ngbaan aaŋmanaa aawinwae daal, buyoonn nkon nan ti moo nyaŋ aan binib aa ki kpa nibaa bi ji na,

Ilahn 105:16

Uwumbɔr nan tun ni nkon baatiŋ pu, ki chuu gaa baajikaar mɔmɔk.

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Aisaya 2:22

Aa yaa di aabaa tii unibɔn u ga kpo na kan, ba aanyoor bi kpa?

Aisaya 3:16

Le Uwumbɔr bui ke, “Lik Jerusalem aapiib aah kpa kigaak pu na. Bi chuun le bimɔfal ŋui paacham ke ibɔ na. N‑yoonn mɔmɔk bi chuun gɔr kidagook la. Bi tai dim dim, le ŋibɔlun ŋi gbin bitaagbin na weeni kiliŋ kiliŋ.

Aisaya 36:12

Le u gar bi ke, “Ni dak ke nimi ni nimi aabɔrkpaan ngbaan baanja pu le Asiria aabɔrkpaan tun ni mi ke m nan len tibɔr tee ee? Aayii, m bi len binib bi mɔmɔk ka ligoln pu na mu chee la, bi ga ŋmɔ bibaa aabin ki nyu bibaa aanyeen, ke ni mu aah ga ŋmɔ ki nyu pu na.”

Aisaya 5:13

Kina pu na, bi ga yoor nimi di buen tinaagbiir ni. Nkon ga ku nimi aayidam, le nnyunyuu ku bigiim na mu.

Aisaya 51:22

Nidindaan Uwumbɔr si nipuwɔb ki bui ke, “M bi nyani falaa u m nan di tii nimi maaŋuul ponn ni na la. Naan ki ji falaa u cha ni chuun gbeer ke naah nyun ndaan le na.

Aisaya 9:20

Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Jeremia 37:21

Le Ubɔr Sedekia cha bi di mi ti laŋ libɔrchiln ponn ni. M nan bi nima, le nwiin mɔk kan, bi joo boroboro likpiln libaa nya ni baah pu boroboro nin chee na nan tii mi, ki ti saa bundaal boroboro nan doo kitiŋ ngbaan pu na.

Jeremia 38:9

“Mpɔɔndaan, bijab bimina aah ŋa pu na aa ŋan. Bi di Jeremia di ŋa nnyunbun ni; tijikaar aah kaa ki bi kitiŋ kimina ponn ni na, nkon le ga ku u nima.”

Jeremia 52:3

Uwumbɔr aaŋuul nan fii Jerusalem ni Juda aanib pu, le u kuln bi pel pel. Sedekia nan nyan Babiloŋ Aabɔr Nebukadnesar aapuwɔb,

Jeremia 52:6

Libiln ngbaan aaŋmanaa aawiin iwae daal, buyoonn nkon nan moo nyaŋ aan tijikaar tibaa aa ki gur binib ji na,

Inandalahn 5:4

Ti daa nnyun le ki nyu; ti daa idɔ le ki tuur mmii.

Esekiel 14:13

“Unibɔn, kitiŋ yaa tun titunwanbir kaa ki ŋani maah len pu na kan, m ga taln ŋŋaal le ki kuln kaajikaar. M ga tun ni nkon ki ku binib ni tiwakor mu.

Liifai Yaab 26:26

Le m ga cha nimi aajikaar taa ki ŋa mbamɔm, le kina pu, bipiib kipiik ga di baah kpa tijikaar ti na kpaan ŋaan likumbuul libaa ni. Le bi yaa yakr ti, ni jin kan, naan bab. Nkon ga li beenin joo nimi.

Amos 4:6

“Min le nan lii nimi nkon, nimi aatikpaan ponn ni, le naa kee gir ni m chee.

Maika 4:9

Ba ŋa aa wii mpɔɔn pu sakpen kina? Ba ŋa aa ji falaa ke upii u imalween joo u na? Saah kaa kpa ubɔr, aan saasusurb mu kpoi na pu le aa wii ii?