Aisaya 28:7 - Uwumbɔr aagbaŋ

⁷ Hali Uwumbɔr aabɔnabtiib ni Uwumbɔr aatotoorb na nyun ndaan ki chuun yenni. Bi nyun ndaan sakpen, le ki chuun gbeer ki lir. Uwumbɔr aabɔnabtiib ngbaan nyun ndaan ki gbii a; kaa ki beer tibɔkpiirkaan ti Uwumbɔr joo tii ni bi na; le bitotoorb na mu nan nyun ki gbii, kaa ŋmaa toor binib aabɔr ti bi joo ni bi chee na.

Aisaya 28:7 ပူးပေါင်းရင်းမြစ်များ

Ilahn 107:27

Biwon nan gbaa, le bi chuun gbeer ke bidagbiirb na, baah nan kpa nlan mu na bee fam.

Ŋiyataŋak 20:1

Lidanyul sakpen ŋani unii ujɔr ni kifuukdaan la. Lidanyul ye igbaan la.

Ulandaan 10:17

Tɔ, kitiŋ ki aabɔr ŋani ubaa aalandak, aan kaasalolm mu ji baajikaar tijikaar aajim aayoonn, ki joo bibaa mbamɔm kaa nyu ndaan gbii na, kpa nsisiinyaan.

Aisaya 19:14

Uwumbɔr le cha bi joo nsurm mu kaa ŋan na sur binib. Kina pu na, Ijipt yaab aah ŋani tiwan ni mɔmɔk na aa ŋan, ki bi ke udagbiir aah ŋar waawuln ponn ni pu na la.

Aisaya 22:13

Le ni tee laa ki waa kinaachoŋ; ni kɔr ipiih ni inaa ke ni ŋmɔ, ki nyun ndaan; ni bui ke, “Ni ŋan ke ti ji ki nyu mu; ba pu? ti ga fe kpo fen.”

Aisaya 24:2

Unibɔn mɔmɔk ga ji falaa baan la: Uwumbɔr aatotoorb, ni binib, ni binaagbiib ni baaninkpiib, ni binib bi daa na, ni bi kooh na, ni binib bi pinni tiwan na, ni binib bi kpa ki pinni tii bi kaa kpa na, ni biwankpadam ni bigiim, bi mɔmɔk ga ji falaa baan.

Aisaya 24:20

Kitiŋ ga li deŋni ke udagbiir aah chuun gbeer pu na, ki yeŋni ke libool aah yeŋni kitaabuŋ ni pu na. Dulnyaa aatunwanbir nyɔɔn u lii kitiŋ; ki ga lir, kaan ki fii kpala.

Aisaya 28:1

Tibɔbir bi Israel aanaan pu. Kipak ki nnaan ngbaan aaninkpiib nan kpa na bi gbaar lir ke nsupuun mu bi di tuun baabɔryikpupur pu na la; ba pu? bi ye bidagbiib la. Bi di tulalee di gbaa biyil ŋi bi tu ŋi paacham na pu, le ki mu aa ŋmaa buen nibaa chee, bi nyun gbii ki dɔ gbara nima chee.

Aisaya 29:11

Tibɔkpiirkaan mɔmɔk ga li bɔr ni chee la; ni ga li naahn kigbaŋ ki bi kpab ki na la. Aa yaa di ki tii unii u nyi tigbann na, ki bui u ke u karn ki tii si kan, u ga bui ke waa ŋmaa, ke ki kpab la.

Aisaya 3:12

Mbim le joo maanib ki muk bi, baayidam ye bipiib la. Maanib, nimi aasalolm na joo nimi kooni timoor ni la, ki cha ni yenni.

Aisaya 43:27

Niyaaja Adam nan tun titunwanbir; le nimi aaninkpiib tun mi titunwanbir,

Aisaya 5:11

Nimi aadoon le na. Ni fii mala kichakpinaanyeek ni ki piin ndaan aanyum, ki nyu ki ti saa kijook ki nyu ki gbii.

Aisaya 5:22

Nimi aadoon le na, nimi bi ye ndaan aakpalba aajakaandam na. Ni chee ti ye ke bi di ndaan chee tɔb ponn ni na, nima chee le ni kaar.

Aisaya 5:23

Le buyoonn ni yaa kan igaŋgaŋlik na, ni di binib bi aabɔr aa ŋan na di lii, le kaa tii binib bi aabɔr ŋan na baabamɔn.

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 23:13

M kan bibɔnabr bi bi Samaria aatiŋ ni na aatunwanbir; bi joo Baal aayimbil le nabr tibɔr, le ki di maanib yenn.

Jeremia 23:16

Uwumbɔr Mpɔɔnsakpiindaan bui Jerusalem aanib ke, “Taa pel man bibɔnabr ngbaan aah len pu na; bi joo inyamɔn aamakl le gbiini nimi. Bi tuk nimi bima bibaa aah kal ki dakl pu na la, naa ye min mbaa aah len pu na.

Inandalahn 2:4

U nan di waapɔɔn kaan ti pu ke waah ye timi aadin le na. U nan ku binib bi mɔmɔk nan tii timi mpopiin ni mmɔɔn na. Waaŋuul li ton ke mmii na nan pii ni timi bi bi Jerusalem aatiŋ ponn ni do na.

Esekiel 13:7

M tuk bi ke: Tibɔkpiirkaan ngbaan aa gbii, le naah bui ke tiwan ni ga ŋa na ye inyamɔn. Ni bui ke ŋi ye maamɔbon la, m mu aa len tibɔr ni chee.”

Esekiel 44:21

Bitotoorb taa nyu ndaan waahr ki nin koo kichinbik ni.

Hosea 7:5

Ubɔr aajim daal, le bi cha ubɔr ni waaninkpiib nyu ndaan gbii le ki jɔr.

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Habakuk 2:15

Tibɔbir bi aa pu la. Sin le bar ŋisubil aadaan lidabuul ni tii biken le bi ti gbii ki dɔ bi ŋmeen ki jinn bibaa inimɔɔn aanimbil ni.

Habakuk 2:16

Sin le ga kan inimɔɔn, naan li ye kipak. Sin aabaa ga nyu ndaan ki gbii. Uwumbɔr le ga daa aatafal ki cha inimɔɔn biin saapak pu.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

Efesusi 5:28

Kina le ni ŋan ke bijab li gee bipuutiib ke baah gee bibaa aawon pu na. Uja u gee upuu na, u gee ubaa la.