Aisaya 28:2 - Uwumbɔr aagbaŋ

² Uwumbɔr kpa unii ubaa u kpa mpɔɔn sakpen ki gor ke u ti tak bi na. Udaan ga fuu ni ke kibuŋ ki joo ni ŋitaatakpal na, ni utaasakpiin, ki naahn nwam mu san mala mala ki kpa mpɔɔn na, le ki ga biin kitiŋ ngbaan pu.

Aisaya 28:2 ပူးပေါင်းရင်းမြစ်များ

Job Aagbaŋ 22:16

Nwam nan di bi puu buen le baayoonn nin fuu.

Aisaya 25:4

Bigiim, ni binib bi kaa kpa nterm na san dan aa chee; le aa gaa bi lii baamukl aayoonn. Aa gaa bi lii kibuŋ yoonn, ki tii bi mboon buyoonn nwiin ton sakpen na. Bibiindam tak ke kakab yoonn aabuln na;

Aisaya 27:1

Nwiin ngbaan daal kan, Uwumbɔr ga di waajaak aajuk ki pɔɔ ki ku na, ki di daa kipeewanbiik Lefiatann ki mur guŋ kina ki bi nnyusakpem ni na aatafal, ki ku ki.

Aisaya 29:6

Libuul ngbaan ni, le Uwumbɔr Mpɔɔnsakpiindaan ga gaa nimi lii. U ga cha utaal gben, le kitiŋ mu ga deŋ. U ga cha kibuŋ ki pɔɔ na ni imii dan;

Aisaya 30:28

U yaa chuun kan, libuln lolni u pu nsan ke nwam mu yoor tiwan mɔmɔk na la. Li ŋar ŋitimbol mɔmɔk ŋŋaan ki kuln ŋi, ŋaatunwanbir pu.

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Aisaya 32:19

Le ŋitaatakpal yaa po lir ni kichook ni kan, kitisakpeŋ mu yaa wii ki lir kan,

Aisaya 40:10

Tidindaan Uwumbɔr choo ke u nan di mpɔɔn joo waanib, ki joo ni binib bi u gaa bi lii na.

Aisaya 8:6

U bui ke, “Binib ngbaan aah yii Siloa aabunbik ki puu suuna, ki tee san ubɔrkpaan Resinn ni ubɔrkpaan Peka na,

Esekiel 13:11

Bui bibɔnabr ngbaan ke baagoln ngbaan ban li lir la. M ga cha utaasakpiin dan. Ŋitaatakpal ga lir ni li pu, le libuln li pɔɔ sakpen na daa peei li.

Esekiel 38:9

U ni waajab, ni ŋitimbol pam ŋi bi u chee na ga ti tak ki ke kitaabuŋ na, ki biin kitiŋ ngbaan mɔmɔk pu ke ntaalangbam na.”

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Nahum 1:8

U kuln waadim ke nwam mu san mala mala na la; u ku binib bi kpak u na la.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”

Tibɔkpiirkaan 8:7

Le Uwumbɔr aatuun njan yoo pii waakakaan. Waah pii waakakaan na, le ŋitaatakpabil, ni mmii, ni nsin ŋmal tɔb ponn ni, ki nyan paacham ki lir ni kitiŋ. Le mmii gaa kitiŋ ligetatar, ni isui mu ligetatar, ni timosɔnn mɔmɔk.