Aisaya 27:9 - Uwumbɔr aagbaŋ

⁹ Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Aisaya 27:9 ပူးပေါင်းရင်းမြစ်များ

2 Bibɔrb 10:26

ki ti yoor ni baah di jaatɔlk u siin nima na, ki nan see u mmii.

2 Bibɔrb 23:14

Ubɔr Josia nan gbaa wiil ŋiwaabimbin fɔfɔŋ na, ki gbaa wɔi liwaapii Asera aanaŋ, le ki di binib aakpab biin ŋaah nan si nin chee na.

2 Bibɔrb 25:9

U nan see Uwumbɔr Aadichal, ni libɔrdichal, ni binikpaam bi mɔmɔk nan bi Jerusalem aatiŋ ni na aadichal lii;

2 Bibɔrb Aabɔr 14:5

Waah nan kuln biwaadam aadoon, ni ŋibimbin ŋi pu bi seer nnyɔknii na Juda aatim ni na, le nnaan ngbaan nan kan nsuudoon waayoonn.

2 Bibɔrb Aabɔr 34:4

U nan cha waajab gbaa wɔi Baal aawaa aatork aabimbin, ki gbaa ber ŋibimbin ŋi pu bi nan seer nnyɔknii na. Bi nan nan liwaapii Asera aanaŋ ni ŋiwaa ŋiken le ni ti kpaln ntayon, le bi di ntayon ngbaan yaa yaa binib bi nan toor ŋi na aakaakul pu.

2 Bibɔrb Aabɔr 36:19

U nan see Uwumbɔr Aadichal, ni kitiŋ ngbaan lii; u nan see kaabɔrdichal mɔmɔk ni laawangol lii, le ki gbaa wiil kitiŋ ngbaan aagon.

Ilahn 119:67

Waahr aan aa nin daa ntafal na, m nan tun taani; tɔ, dandana ma kan, m kii saamɔb.

Ilahn 119:71

Maatafadaan nan ŋan tii mi la, ba pu? mu cha m bae saakaal.

Nnyam 34:13

Ni gbaa wii baawaa aatork aabimbin, ni ŋitakpal ŋi bi dooni na, ki bii baawaapii li bi yin li ke Asera na, ni laawan mɔmɔk.

Ŋiyataŋak 20:30

N‑yoonn mubaa kan, see ti kan iween sakpiin le ki nin toor timi aabimbin.

Aisaya 1:29

N‑yoonn ngbaan le nisui ga gar ke ni nan chuun dii isui ke i gaa nimi lii, ki toor kisamook ke ki ter nimi ni kan tijikaar.

Aisaya 17:8

Baan ki li lik ban baah nan di biŋaal maa ŋiwaabimbin ŋi na, kaan ki tii bibaa aaŋaal aah ŋa liwaapii Asera ni ŋiwaabimbin nin chee bi seer nnyɔknii na naadii.

Aisaya 30:22

Ni ga yoor naah di tikunabr naan nimi aawaa ŋi na, ni naah di salmaa naan ŋi na, ki di ti mee ke ŋi ye tijɔŋ la, ki tar ke, “Taa ki ban ti kan nimi.”

Aisaya 4:4

Uwumbɔr aapɔɔn pu u ga ji linibol ngbaan tibɔr ki toor bi, ki finn nyan tibɔbir ni nsin mu nan kpir Jerusalem ponn ni na.

Aisaya 40:2

Pɔɔk Jerusalem aanib aataakpab. Tuk bi ke bi jin falaa ni yunn sakpen a, le dandana m di baatunwanbir cha pinn bi, m daa bitafal ki ŋaŋ baatunwanbir.”

Aisaya 48:10

M tɔŋ nimi falaa aamii ni, ke baah pu tikunabr mmii ni pu na, le ki kan ke naa kpa tinyoor tibaa.

Esekiel 11:18

Bi yaa gir ni kan, bi kuln baah kan tijɔŋ aawaa ŋi sukr ponn ni na.

Esekiel 20:38

M ga nyan binib bi bi ni ponn ni ki ye bimɔyiib ni titunwanbirdam na. M ga nyan bi baah koo ntim mu ponn ni dandana na, ki mu aan cha bi gir ni Israel aatiŋ pu; le ni ga bee ke min le ye Uwumbɔr.”

Esekiel 6:4

Ŋiwaabimbin ni baah seer nnyɔknii ŋibimbin ŋi pu na ga ber. Bi ga ku binib bi mɔmɔk bi nima chee na, baawaa aataab.

Daniel 11:35

Bi ga ku bilandam ngbaan bibaa, le kina ngbaan ga nyan binib ngbaan baajɔŋ ni. Nimina ga li ŋani kina ki ti saa ndoon, n‑yoonn mu Uwumbɔr siin na.

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Liifai Yaab 26:30

M ga bii naah dooni ŋiwaa ŋi ŋigongon paab na, ki gbaa wiir nimi aanyɔknii aatork aabimbin, le ki di nimi aanikpol mae paan nimi aawaa ŋi lir dɔ na pu, le m ga nuur nimi.

Maika 5:11

M ga bii nimi aatim mɔmɔk, le ki ber naah maa tiwan ni mɔmɔk kiir nibaa na.

Sekaria 13:2

N‑yoonn ngbaan kan, m ga nyan ŋiwaa aayimbil mɔmɔk kitiŋ ngbaan pu, le ubaa aan ki teer ŋibɔr daalbaadaal. M ga jenn nyan unii umɔk ŋmann ke u ye maabɔnabr na, le ki nyan binib bimɔk tun lituln li kaa ŋan na kitiŋ ngbaan ni.

Rom Yaab 11:27

Maah puu tipuur ti tii bi na le ye ke m ga nyan baatunwanbir bi chee.”

1 Korenti 11:32

U mu yaa daa titafal kan, u chiini timi ke u taa bii timi bundaln u ga ji dulnyaa aanib tibɔr na la.

Ikaal 12:3

Ni gbaa wiir baatork aabimbin, ni baawaa aatakpal yak yak, ki see baapiiwaal Asera aanaŋ, aan ki gaa yikr baawaa mɔmɔk, nima kan, baan ki ŋmaa dan ŋaah bi nin chee na ki nan doon ŋi.

Hiibru Yaab 12:6

Ba pu? Uwumbɔr sak binib bimɔk u gee bi na, ki dar binib bi u ŋa bi waabim na mɔmɔk aatafal.”