Aisaya 27:8 - Uwumbɔr aagbaŋ

⁸ Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Aisaya 27:8 ပူးပေါင်းရင်းမြစ်များ

Job Aagbaŋ 23:6

Uwumbɔr aan ŋmaa di waapɔɔn mɔmɔk ban mi. Waan ŋa kina, u ga pel maah len pu na.

Ilahn 103:14

U nyi taah nyan ni tiwan ni ponn ni na; u teer ke ti ye titan la.

Ilahn 103:9

Waa galni binib ki ti cha dik dik, waaŋuul sɔŋni mala mala la.

Ilahn 38:1

Uwumbɔr, taa di liŋuul daa ntafal.

Ilahn 6:1

Uwumbɔr, taa gee m pu liŋuul ki kae mi. Taa daa ntafal saaŋuul ponn ni.

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Ilahn 78:38

Le Uwumbɔr ma nan san waanib kinimbaak. U nan di cha pinn bi baatunwanbir kaa kuln bi. N‑yoonn n‑yoonn pam le waa di waaŋuul tun lituln, ki chuu waaŋuusakpeln.

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 54:7

“M nan san cha si siib; le ki ga ki di ngeehm yoor si.

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Aisaya 64:5

Aa yin binib bi gee ke bi li ŋani ni ŋan na, binib bi teer saah ban pu na, ke bi dan aa chee. Aa nan gee ti pu liŋuul, le ti nan beenin tun titunwanbir; hali saaŋuusakpeln ponn ni ti nan beenin tun titunwanbir ki nyan ni n‑yaajayoonn.

Jeremia 10:24

Uwumbɔr, chiin saanib; taa li lik timi aatunwanbir mɔmɔk, ki taa daa titafal saaŋuul ni; naa ye kina kan, ti kuln le na.

Jeremia 30:11

M ga dan ni chee ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, maan kuln nimi ma. Maan di cha ki taa daa nitafal; m mu yaa daa nitafal kan, m ga daa ki ŋeer la. Min Uwumbɔr le len kina.”

Jeremia 4:11

N‑yoonn choo, le bi ga nan bui Jerusalem aanib ke libuln li ton sakpen na nyan nteersakpiin ni ki choo bi chee. Laan li ye libuln li bi suuna ki daar tigbengbir cha na.

Jeremia 4:27

Tɔ, Uwumbɔr nan bui ke kitiŋ kee mɔmɔk ga kpaln nteersakpiin la, u mu aan tee bii ki doo.

Jeremia 46:28

M ga dan ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, le kaa kuln nimi ma. M ga daa nitafal; tɔ, m yaa daa nitafal kan, m ga daa ki ŋeer la. Min Uwumbɔr le len kina.”

Inandalahn 3:31

Uwumbɔr san kinimbaak, kaa yii timi kookoo.

Inandalahn 3:32

Nibaakan, u ga joo ni timi falaa, tɔ, waageehm mu u kpa ti pu na bi ki pɔɔ.

Esekiel 19:12

Tɔ, liŋuul aaŋaal nan daa ŋɔb bu, ki di bu mee bil kitiŋ. Liwipuul wɔb aabuln nan daa kuur bu aasubil. Bi nan bar bar bu aapan, le ŋi kuur aan bi di tuur mmii.

Hosea 13:15

Israel pɔr ke timoor na la, le m tee ga cha libuln li ton ki nyan ni liwipuul wɔb nteersakpiin ni na dan ki nan foor baayayak aanyunbun, ni ŋibun. Li ga yoor tiwanbankaan mɔmɔk buen.

Hosea 4:1

Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

1 Korenti 10:13

Naa kee kan ntɔŋ mu pɔɔ ki jer unibɔn mɔk aah kani pu na. Uwumbɔr ye mbamɔndaan, kaan cha ni kan ntɔŋ mu jer nimi na. Ni yaa kan ntɔŋ kan, u ga toor nsan tii nimi, ni nyaŋ ntɔŋ ngbaan. Nima le ni ga li kpa limɔr ntɔŋ ponn ni.

1 Piita 1:6

Nima le ni kpa mpopiin. Ni yaa po kpa mpombiin ni yunn siib dandana wee, falaa aabɔŋ ponn ni kan, ni li kpa mpopiin;