Aisaya 27:13 - Uwumbɔr aagbaŋ

¹³ Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 27:13 ပူးပေါင်းရင်းမြစ်များ

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

Ilahn 47:5

Uwumbɔr jon kal waabɔrjal pu. Mpopiin aafuuk ni kakaan mam wii n‑yoonn mu Uwumbɔr cha paacham na la.

Ilahn 81:3

Pii kakaan njim ngbaan pu, uŋmapɔɔn aayoonn, ni uŋmapiin aayoonn.

Ilahn 89:15

Binib bi joo ilahn dooni si, aan ki bi saaŋann aawiin ni na kpa mpopiin.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 11:12

Uwumbɔr ga yoor limɔkl aatuutaa paacham, ki mɔk ke u bi kuuni Israel ni Juda yaab bi nan yaa ki bi ntim yayam ni na, ki nyan ni bi dulnyaa aapepel ŋinaa na mɔmɔk ni.

Aisaya 11:16

Nsankpaan ga li dɔ ki nyan ni Asiria ni, ki tii waanib bi kaa kpo ki bi nima na, ke mu aah nan dɔ tii biyaajatiib Israel yaab, baah nan nyan ni Ijipt aatiŋ ni pu na.

Aisaya 18:3

Unii umɔk bi kitiŋ kee pu na, li pel man. Lik ban limɔkl aatuutaa u ga fii paacham ŋijoo pu na man. Li pel man ukpiin aah wii pu na.

Aisaya 19:21

Uwumbɔr ga di ubaa mɔk Ijipt aanib, le bi ga bee u ki doon u, aan ki joo ni kitork ni ipiin nan tii u. Bi ga puu tipuur bamɔnn tii u le ki ŋa baah puu pu na.

Aisaya 19:22

Uwumbɔr ga daa Ijipt aanib aatafal, le ki mu ga ki sɔŋ bisui. Bi ga fenn dan u chee, le u ga ŋun baameel, le ki nyan bi baafalaa ni.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 2:2

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Aisaya 25:6

Sionn Aajool pu do, le Uwumbɔr Mpɔɔnsakpiindaan ga gor njim siin dulnyaa aatimbol mɔmɔk. Njim mu aajikaar nyuun aan mu aadaan pɔɔ ti nyaŋ na.

Aisaya 43:6

M ga bui ŋŋangan wɔb yaab ke bi cha bi li cha, ki bui ŋŋangii wɔb yaab ke bi taa leŋ bi nsan. Cha maanib nya dandar aatim ni ki gir ni, bi nya ni dulnyaa wee aapepel mɔmɔk ni.

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Aisaya 66:18

M nyi baalandak ni baatun. M choo m nan kuun litimbol mɔmɔk aanib la. Bi yaa kuun ni kan, bi ga kan maapɔɔn aah ga ŋmaa tun pu na,

Aisaya 66:23

Uŋmapɔɔn aajim, ni Likpaakool daal aakuun mɔmɔk ponn ni, ŋitimbol mɔmɔk aanib ga dan Jerusalem do le nan doon mi.” Uwumbɔr le len kina.

Jeremia 31:6

Mbamɔn, n‑yoonn choo, le bikikiib ga sil Efraim aagongon paab ki bui ke, ‘Cha ti jon buen Sionn aajool, Tidindaan Uwumbɔr chee man.’”

Jeremia 43:7

Bi nan yii Uwumbɔr aamɔb le ki di ti fuu Ijipt aatiŋ ki bi yin ki ke Tapanes na ni.

Jeremia 44:28

Tɔ, siib ga nya nkun ni ki gir nya Ijipt ni ki kun ni Juda aatiŋ pu. Binib bi ga ŋmar na ga bee ke min ni biken na, ulau aamɔbon gbiin.

Esekiel 20:34

M yaa nan kuun nimi ki nyan ni naah yaa ki bi ntim mu mɔmɔk ponn ni na kan, m ga mɔk nimi maapɔɔn ni maaŋuul aah bi pu na.

Esekiel 20:41

M yaa nyan ni nimi maah cha ni yaa ki bi ntim mu ni na ki kuun nimi nan kpaan kan, n‑yoonn ngbaan le m ga gaa nimi aatork ki ni di see mmii ni tii mi na, le ŋitimbol ŋiken ga bee ke m ye chain la.

Esekiel 39:25

Tidindaan Uwumbɔr nan ki len ke, “Tɔ, m ga san Israel yaab, Jakob aayaabitiib kinimbaak dandana, ki ki tii bi liwankpal. Maan cha maayimbil li ye chain na ji inimɔɔn.

Daniel 11:45

U ga kpaan gaa waanaan aaboo sakpiin nnyusakpem ni lijool li Uwumbɔr Aadichal si li paab na aakaasisik ni. Tɔ, u mu ga kpo, le ubaa aan li bi nima ke u ter u.”

Hosea 11:11

Bi ga nya ni Ijipt aatiŋ ni mala ke inyoon na, ki nya ni Asiria aatiŋ ni mala ke ŋinanjel na. M ga ki giin ni bi bido bido. Min Uwumbɔr le len kina.”

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Liifai Yaab 25:9

Libiln ngbaan ni, ŋmalole aawiin kipiik daal le ye titunwanbir aachapinn aatork aawiin, tun uja ubaa u chuun ki pii kakaan kitiŋ ngbaan mɔmɔk ni.

Maika 7:14

Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Sekaria 14:16

Le binib bi mɔmɔk ŋmar ŋitimbol ŋi nan tak Jerusalem na ga li chaa nima libiln mɔk ni ki ti dooni Uwumbɔr Mpɔɔnsakpiindaan ke ubɔrkpaan na. Bi ga li chaa ti ji Tikakar mu aajim nima.

Sekaria 8:7

M ga nyan ni maanib baadim aah di bi buen ntim mu na ni,

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Matiu 24:31

Le kakaan ga wii mpɔɔn pu. Le m ga tun ni maatuuntiib ke bi buen liwipuul, ni liwilir, ni ŋŋangan, ni ŋŋangii, ki ti kuun ni maanib mɔmɔk, ki di dan m chee.”

Tibɔnyaan ti Luk ŋmee ti na 4:18

“Uwumbɔr Aafuur Nyaan bi m ni; u nyan mi ke m tuk bigiim tibɔnyaan tee. U tun ni mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii la, ki tuk bijoom ke m likr binimbil, ki nyan bifalaadam baafalaa ni,

Rom Yaab 10:18

Le m baa ke, “Israel yaab aa nan ŋun aa?” Mbamɔn, bi ŋun. Ni ŋmee Uwumbɔr Aagbaŋ ni ke, “Bineel mu tee chaa dulnyaa wee mɔmɔk ni, le kitiŋ kee mɔmɔk pu ŋun.”

1 Tesalonika 4:16

Ba pu? Tidindaan ubaa ga nyan ni paacham ki sunn ni. U yaa sunn ni kan, le ti ga ŋun nneel sakpiin, ni Uwumbɔr aatuuntiib aaninkpel aaneel, ni Uwumbɔr aakakaan aawiil.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Tibɔkpiirkaan 10:7

Buyoonn Uwumbɔr aatuun lolole ga pii waakakaan na, n‑yoonn ngbaan le Uwumbɔr ga tun waatunyaan li bɔr na ki doo, waah nan tuk waabɔnabr bi ye waatutum na ke u ga tun pu na.

Tibɔkpiirkaan 8:2

Le m kan Uwumbɔr aatuuntiib bilole bi si Uwumbɔr aanimbiin ni na. Le bi tii bi kakaan tiib bilole.

Tibɔkpiirkaan 8:6

Le Uwumbɔr aatuuntiib bilole bi ŋub kakaan tiib bilole na gor ke bi pii.

Tibɔkpiirkaan 9:14

Le nneel ngbaan tuk Uwumbɔr aatuun loloob u joo kakaan na ke, “Chuu gbiln Uwumbɔr aatuuntiib binaa bi bi limɔɔsakpeln li bi yin li ke Yufrates na chee lii.”