Aisaya 27:12 - Uwumbɔr aagbaŋ

¹² Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Aisaya 27:12 ပူးပေါင်းရင်းမြစ်များ

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

1 Bibɔrb 8:65

Uwumbɔr Aadichal chee nima, le Solomonn ni binib ngbaan mɔmɔk nan jin Tikakar Aajim ki ti saa iwiin ilole. Kinipaak nan nyan ni dandar, ki yoor nya Hamaf aasan mu bi ŋŋangan wɔb na, ni Ijipt aatinaanmɔk, ŋŋangii wɔb.

Nehemia 1:9

Le ni yaa fenn ki gir ni m chee ki ŋa maah bui nimi pu na kan, m ga giin ni nimi nin chee m lee ke ni li dooni mi na; le ni yaa po yaa yaa ki koo kitiŋ kee aadoon mɔk nin chee na kan, m ga giin ni nimi.’

Ilahn 68:22

Uwumbɔr bui ke, “M ga giin ni nimi aadim ki nya ni Basann; M ga giin nyan ni bi nnyusakpem aataab,

Ilahn 72:8

Waanaan ga taln ti saa ni mɔmɔk, ki nya Yufrates aamɔɔl ni ki ti saa kitiŋ aanaanmɔk.

Aisaya 17:6

Binib siib baanja le ga gur, le Israel aatiŋ ga li gur bi ke baah ker olif aasubil ki cha lisubil libaabaa bu aapaacham pu na, bee siisiib ŋi gur bu aataab aasubon pu pu na la. Min, Israel yaab Aadindaan Uwumbɔr le len kina.”

Aisaya 49:5

Waahr aan bi nin ma mi na, Uwumbɔr nan nyan mi siin; u nan ŋa mi waatutunn ke m giin ni waanib, ke m giin ni waanib Israel yaab bi yaa na. Uwumbɔr nyuŋni mi; uma le tii mi mpɔɔn.

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Jeremia 44:28

Tɔ, siib ga nya nkun ni ki gir nya Ijipt ni ki kun ni Juda aatiŋ pu. Binib bi ga ŋmar na ga bee ke min ni biken na, ulau aamɔbon gbiin.

Esekiel 20:34

M yaa nan kuun nimi ki nyan ni naah yaa ki bi ntim mu mɔmɔk ponn ni na kan, m ga mɔk nimi maapɔɔn ni maaŋuul aah bi pu na.

Esekiel 20:41

M yaa nyan ni nimi maah cha ni yaa ki bi ntim mu ni na ki kuun nimi nan kpaan kan, n‑yoonn ngbaan le m ga gaa nimi aatork ki ni di see mmii ni tii mi na, le ŋitimbol ŋiken ga bee ke m ye chain la.

Esekiel 39:25

Tidindaan Uwumbɔr nan ki len ke, “Tɔ, m ga san Israel yaab, Jakob aayaabitiib kinimbaak dandana, ki ki tii bi liwankpal. Maan cha maayimbil li ye chain na ji inimɔɔn.

Esekiel 47:19

“Ŋŋangii wɔb aatinaanmɔk nan nyan Tamar aatiŋ mɔk ki di dii ŋŋangii wɔb ni liwilir aapepel wɔb ki ti saa Kades Meriba aateersakpiin aanyun na chee, le ki di toŋ ŋŋangan ni liwilir aapepel ki kpak Ijipt aatinaanmɔk ki ti saa Kaasisik ni Aanyusakpem mɔk.

Amos 9:9

“M ga tii maamɔboln ki cha Israel aanib deŋ ke baah bi yak n‑yon le kiyayak ponn ni na. Ŋinibol mɔmɔk ponn ni, m ga yak bi, ki nyan binib bi kaa bi tibaa ni na.

Sekaria 8:7

M ga nyan ni maanib baadim aah di bi buen ntim mu na ni,

Tibɔnyaan ti Luk ŋmee ti na 15:4

“Ni ponn ni ubaa yaa kpa ipiih nkub, ubaa yaa wɔŋ kan, u ga di cha ipiih imonko inaa ni kipiik ni iwae i gur na timoor ni, ki buen ti ban upiih u wɔŋ na, ki ti saa buyoonn u ga kan u na.

Jɔnn 10:16

M kpa ipiih iken i kaa ye kibɔkpuŋ kee ponn ni aapiih na. M ga li joo ni i mu. Le i ga ŋun maaneel. I mɔmɔk ga ŋa ipihbaan la, ki ga li kpa upihdaan ubaa la.

Jɔnn 6:37

Binib bimɔk Uwumbɔr di bi tii mi na, bi ga dan m chee. Unii umɔk dan m chee na, maan yii u, m ga gaa u.

Josua 15:4

ki di buen Asmonn aatiŋ wɔb, le ki dii mbun mu bi Ijipt aatiŋ mɔk na, ki ti saa Kaasisik ni Aanyusakpem nin chee kitiŋ mɔk doo na. Juda yaab aatiŋ, ŋŋangii wɔb aanaanmɔk le na.