Aisaya 27:11 - Uwumbɔr aagbaŋ

¹¹ Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Aisaya 27:11 ပူးပေါင်းရင်းမြစ်များ

Ilahn 106:40

Le Uwumbɔr aaŋuul nan fii bima waanib pu; bi nan gur sukr uponn ni la.

Aisaya 1:3

Inaa nyi u yeh i na, le ibon mu nyi nin chee idindaan di tijikaar di bil tii i na. Maanib Israel yaab ma chee kan, ni pɔɔ. Baa nyi nibaa.”

Aisaya 18:5

Waahr aan bi nin ker ŋisubil na, buyoonn mpuun gbar aan ŋi bi puir na, bidim ga kuln Kus aatiŋ yaab mala ke kijuk aah geei nsubon pu na.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 43:7

Bi ye maanib la, le m naan bi ke bi tii mi kipak.”

Aisaya 44:2

Min le ye Uwumbɔr u naan nimi na; ki nyan bundaal bi ma nimi na, le m nan piin ki ter nimi. Taa san ijawaan man, nimi le ye maatutum, maanib bi m lee bi ki gee bi na.

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 5:13

Kina pu na, bi ga yoor nimi di buen tinaagbiir ni. Nkon ga ku nimi aayidam, le nnyunyuu ku bigiim na mu.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 11:16

N‑yoonn mubaa m nan yin bi ke olif aasub bu kpa tifar mbamɔm ki lu ŋisubil ŋi ŋan na la; tɔ, dandana ma kan, mmii ga dam ke utaal aah gbenni pu na, le mu wun tifar ngbaan, ki kool ibon lii kitiŋ.

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 16:5

“Taa koo lidichal li ponn ni binib bi wii likpuul na. Taa cha aasui bii ubaa pu. Maan ki ŋa nsuudoon aanyoor ŋa maanib pu, kaan ki di ngeehm ni kinimbaak mɔk bi.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 8:7

Hali inaakpaapiin nyi buyoonn i ga gir na; le ŋinanjel, ni naakpaa mam, ni ikpasiinyoon nyi buyoonn i ga tiir ntim na. Le maanib ma aan nyi ikaal i m joo lik bi na,

Esekiel 19:12

Tɔ, liŋuul aaŋaal nan daa ŋɔb bu, ki di bu mee bil kitiŋ. Liwipuul wɔb aabuln nan daa kuur bu aasubil. Bi nan bar bar bu aapan, le ŋi kuur aan bi di tuur mmii.

Esekiel 20:47

Tuk ŋŋangii wɔb aachook ke ki li pel min Dindaan Uwumbɔr aah len pu na ke: Lik, m piin mmii mubaa, le mu ga wu bususoom ni busukuum mɔmɔk aa ponn ni. Tiwan nibaa aan ŋmaa junn mu. Mu ga mar ki nya ŋŋangii wɔb ki ti saa ŋŋangan wɔb, le unii mɔmɔk ga ŋun mu aamiigaal aatoton pu.

Esekiel 9:10

Maan san bi kinimbaak, m ga ŋa bi baah ŋa biken pu na.”

Hosea 4:14

Nimi ni bipiib bi bi nimi aawaadir ni na aah tun kidagook aatuln ki toor tijɔŋ aatork na pu, le maan daa nibisatiib ni nibipuutiib aatafal. Liyataŋakl libaa le len ke, ‘Binib yaa bi kaa kpa nlan kan, bi wɔŋ la.’

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Matiu 13:15

Ba pu? binib ngbaan aasui aa bi nibaa ni. Bitafal kpaa la. Bi ŋub binimbil, kaa ban ke binimbil woln, kaa ban ke bitafal ŋun, kaa ban ke bisui bee Uwumbɔr aaliin aatataa, kaa ban ke bi kpeln baabimbin ki dii Uwumbɔr aasan ke u tii bi laafee.’

Matiu 13:19

Binib yaa ŋun Uwumbɔr aanaan aabɔr kaa bee taatataa kan, le kinimbɔŋ ga dan nan nyan tibɔr ti bi bisui ni na. Njikaabim mu lir nsan ponn ni na le na.

Matiu 3:10

hali dandana wee Uwumbɔr toor kichɔk ke u ti gaa isui. Isui imɔk kaa lu ŋisubil ŋi ŋan na, u ga gaa i, ki di ŋa mmii ni.

Jɔnn 15:6

Unii yaa kaa kpaan m chee kan, u ga ŋa yɔli ke mbon mu kaa tuu busub pu na aah kuur pu na la. Le Uwumbɔr ga mee u lii ke binib aah peei ibokuun pu ki joo tuur mmii na.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 1:31

Baa kpa nlan. Bi yaa puu tipuur kan, baa gbiini ti. Baa gee baamaal aanib, kaa cha pinni binib, kaa san binib kinimbaak.

Ikaal 4:6

Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’

1 Tesalonika 2:16

ki kiir timi, kaa ban ke ti tuk binib bi kaa ye Juu yaab na tibɔnyaan tee, aan bi ŋmar. Juu yaab ngbaan aah ŋani kina na, bi too kpae baatunwanbir pu n‑yoonn mɔmɔk la. Uwumbɔr aaŋuul pii bi kookoo.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.