Aisaya 26:6 - Uwumbɔr aagbaŋ

⁶ Baah nan muk bi na le gur chuun ki pu, ki taa ki pu.

Aisaya 26:6 ပူးပေါင်းရင်းမြစ်များ

2 Bibɔrb 9:33

le Jehu bui bi ke, “Di u mee lii ni man.” Le bi di u mee lii ni kitiŋ, le waasin yaa ligoln, ni itaan pu. Jehu nan di waataan ni tɔroku jer u pu,

Aisaya 11:4

u ga di bigiim ni binib bi kaa kpa biteterb na aabamɔn tii bi. Waamɔliin le ga daa binib aatafal, le titunwanbirdam ga kpo.

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 28:3

Bi ga taa taa bininkpiib bi ye bidagbiib ngbaan na aagaak ŋmal titan ni.

Aisaya 29:19

Bigiim, ni binib bi sunn bibaa taab na ga ki kan mpopiin mu Israel yaab Aadindaan Uwumbɔr u bi chain na tii bi na.

Aisaya 3:14

Uwumbɔr kuun bininkpiib, ni binib bi ye bisalolm na ke u ji bi tibɔr. Waah di ngalm mu di bil bi na sɔ: “Ni sun biken aasar mpɔɔn pu, le nimi aadichal ni gbii tiwan ni ni gaa bigiim chee na.

Aisaya 3:15

Naa ŋan ke ni muen maanib ki ji bigiim ke baah ye bigiim na. Min, Nidindaan Uwumbɔr Mpɔɔnsakpiindaan le len kina.”

Aisaya 37:25

Aa puk kipupuk ke aa gbii inyunbun ki nyun biwɔwɔm aatim ni aanyun, ki bui ke saajab taa taa foor Nail aamɔɔl aanyun.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Jeremia 50:45

Kina pu na, li pel maah kpokl Babiloŋ aatiŋ pu nkpokl mu na, ni maah ban ke m ŋa kaanib pu na. Bidim ga kpaan dar baabim mu buen, le ni ga chuu unii mɔmɔk ijawaan.

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Malakai 4:3

Nwiin mundaal m ga fii sil na kan, ni ga nyaŋ bibiindam, le bi li gur bi ke kitangbaak na nitaaputan taab.

Tibɔnyaan ti Luk ŋmee ti na 10:19

Lik man, m tii nimi mpɔɔn, ni ti taa ikuub ni inyoohn pu, ki tii nimi mpɔɔn, ni nyaŋ timi aadin kinimbɔŋ aapɔɔn mɔmɔk, le tiwan nibaa aan ŋmaa ŋa nimi nibaa.

Rom Yaab 16:20

Naan yunn, le Uwumbɔr u tii timi nsuudoon na, ga cha ni di nitaa taa kinimbɔŋ pu. Tidindaan Yesu Kristo ŋa tinyoor ŋa ni pu.

1 Korenti 1:26

Nnaabitiib, teer naah nan bi pu buyoonn Uwumbɔr yin nimi na. Ni ponn ni, naa ye binib pam le nan kpa nlan, naa ye binib pam le nan ye mpɔɔndam, naa ye binib pam le nan ye mpɔɔn aamaal ni aanib.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

Josua 10:24

ki di bi buen Josua chee. Josua nan yin ni Israel aajab mɔmɔk ubaa chee, le ki bui bijab aaninkpiib bi nan dii u buen butɔb ngbaan ni na, ke bi di bitaa taa bibɔrb ngbaan mɔmɔk aaneen ni. Le bi ŋa kina.

Tibɔkpiirkaan 2:26

Binib bimɔk nyaŋ ki tun maatuln n‑yoonn mɔmɔk na, m ga tii bi tininkpir bi li joo ŋinibol na, ke maah gaa Nte Uwumbɔr chee tininkpir pu na.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.