Aisaya 26:5 - Uwumbɔr aagbaŋ

⁵ U sunn kigaadam taab, ki kuln baatiŋ ki pɔɔ na, ki gbaa wiil kaagon ŋmal titan ni.

Aisaya 26:5 ပူးပေါင်းရင်းမြစ်များ

Ilahn 79:8

Taa di tiyaajatiib aatunwanbir daa timi aatafal. San timi kinimbaak dandana wee; taa ki kpa limakl libaa.

Aisaya 13:11

Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.

Aisaya 14:13

Aa nan pɔɔni aabaa ke aa jon buen kitaapaak ki ti di saabɔrjal tɔŋ iŋmabi i ti bi paacham paacham na pu. Aa nan dak ke aa ga ti kal lijool li bi nwiin aasikakl wɔb, nin chee ŋiwaa kuun ni na, ke ubɔrkpaan na la.

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 24:10

Kitiŋ ponn ni aawan mɔmɔk ŋa yɔl yɔl, le binib laŋni bibaa ŋani baadichal ni ke bi ŋmar.

Aisaya 25:2

Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Aisaya 32:19

Le ŋitaatakpal yaa po lir ni kichook ni kan, kitisakpeŋ mu yaa wii ki lir kan,

Aisaya 47:1

Uwumbɔr bui ke, “Babiloŋ aatiŋ, sunn ni saabɔrjal pu, ki nan kal kitiŋ, titan ni. N‑yoonn mubaa aa nan naahn upii u kaa nyi uja na la, kitiŋ ki ubaa aa kee nyaŋ ki na, le dandana ma, saa ki pɔɔn, kaa ki ŋan mu. Aa gur ye unaagbiipii la.

Jeremia 51:37

Kitiŋ ngbaan ga kpaln tilangbenn ti ponn ni ipeel ŋmeen koo na la. Nima chee ga li kpa unii mɔk ijawaan; ubaa aan li koo nima, le ijawaan ga chuu unii umɔk kan kina na.

Jeremia 51:64

ki bui ke, ‘Kina le bi ga ŋa Babiloŋ, Uwumbɔr aah ban u joo ni libiil li ki pu na, ki ga muin, kaan ki puur ni kpala.’” Jeremia aamɔbon nan doo do la.

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Esekiel 26:11

Baatandam ga jak baataan saatiŋ ponn ni, ki joo baajaak aajum ku saanib. Bi ga tur saajaatɔlk tiib bi pɔɔ sakpen na lir kitiŋ.

Esekiel 28:17

Aa nan mak saanyaan pu, le saayimbil nan cha aa bi ke ujɔr na. Nimina pu le m nan mee si lii kitiŋ, ki cha si nima, ke aa li ye nsurm ki tii bibɔrb biken.

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;