Aisaya 26:21 - Uwumbɔr aagbaŋ

²¹ Uwumbɔr ga nyan ni waakookoo yaan mu bi paacham na, ki nan daa kitiŋ kee pu aanib aatafal baatunwanbir pu. Binib bi, bi nan ku ki di bɔr kitiŋ kee pu na aabɔr ga nyan mpaan pu, kitiŋ kee aan ki bɔr binib bi bi ku bi na pu.

Aisaya 26:21 ပူးပေါင်းရင်းမြစ်များ

Job Aagbaŋ 16:18

Kitiŋ, taa di baah tun mi taani pu na bɔr. Taa cha maah yin ki ban mbamɔn pu na ŋmin fam.

Job Aagbaŋ 20:27

Paacham le kpiir kina aanii aatunwanbir pu, le kitiŋ ji seeraa ke ti gbii.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 13:11

Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.

Aisaya 18:4

Uwumbɔr bui mi ke, “M ga li bi kitaapaak ki lik ni suuna ke lijikaacheel yoonn aamaln aah naani kinyeek pu na, ki lik chimm ke nwiin aah wiin nwiin pu pu na.

Aisaya 22:14

Nidindaan Uwumbɔr Mpɔɔnsakpiindaan, uma ubaa le len m chee ki bui ke, “Maan di cha tibɔbir timina pinn bi n‑yoonn mumɔk bi bi na. Min, Nidindaan Uwumbɔr Mpɔɔnsakpiindaan, le len kina.”

Aisaya 29:6

Libuul ngbaan ni, le Uwumbɔr Mpɔɔnsakpiindaan ga gaa nimi lii. U ga cha utaal gben, le kitiŋ mu ga deŋ. U ga cha kibuŋ ki pɔɔ na ni imii dan;

Aisaya 65:6

“M puun siin baatafadaan, ki ŋmee maah ga ŋa bi pu na bil. Maan suln baah ŋa pu na aabɔr, m ga teen bi

Aisaya 65:7

baatunwanbir ni biyaajatiib aatunwanbir pu. Bi seer nnyɔknii tiwaachur ni ŋigongon paab ki len tibɔbir m pu. Kina pu na, m ga daa bitafal ki ŋeer baah tun pu na la.”

Aisaya 66:6

Li pel man, kifuuk sakpeŋ ki bi kitiŋ ponn ni na, ni ki bi Uwumbɔr Aadichal ni na, ki ye Uwumbɔr aah bi dar waadim aatafal pu na aafuuk la.

Esekiel 8:6

Uwumbɔr nan ki bui mi ke, “Unibɔn, aa kan tiwan ni bi ŋani na aa? Lik Israel aanib aah ŋani tiwan ni sukr ponn ni do pu, ki moo jenni mi maabuul li bi chain na chee na. Aa ga kan inimɔɔn aawan ni jer nimina na.”

Tibɔnyaan ti Luk ŋmee ti na 11:40

Nimi bijɔrb bimina, Uwumbɔr u nan naan tiwon na, uma le naan nisui mu.

Tibɔnyaan ti Luk ŋmee ti na 11:50

Buyoonn dulnyaa wee nan piin ki joo cha na, binib nan ku Uwumbɔr aabɔnabtiib. Linikul ngbaan mɔmɔk pu le Uwumbɔr ga daa dandana aanib aatafal.

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”

Tibɔkpiirkaan 18:24

Uwumbɔr daa kitiŋ ngbaan aanib aatafal; ba pu? bi ku waanib, ni waabɔnabtiib, ni binib bimɔk kpo u pu na. Baasin bi kitiŋ ngbaan ponn ni.