Aisaya 26:20 - Uwumbɔr aagbaŋ

²⁰ Maanib, koo man nimi aadichal ni, aan ki laŋ nibaa pu. Bɔr man nibaa siib aan Uwumbɔr aaŋuul jer.

Aisaya 26:20 ပူးပေါင်းရင်းမြစ်များ

Mpiin 7:1

Le Uwumbɔr bui Nowa ke, “Aa ni aapuu, ni aajapɔtiib, ni aabipuutiib, ni mɔmɔk koo buŋɔb ngbaan ponn ni. M kan ke sin baanja le bi dulnyaa wee aanib ponn ni ki ŋani ni ŋan na.

Mpiin 7:16

U di ni mɔmɔk ki di ŋa bu ponn ni Uwumbɔr aah nan bui u pu na. Bi mɔmɔk aah koo buŋɔb ngbaan ponn ni na, le Uwumbɔr di buŋɔb ngbaan aajaaleŋ piin.

Job Aagbaŋ 14:13

M ba ga li gee ke aa di mi bɔr bitekpiib do la; cha m li bɔr aan saaŋuul ti sɔŋ waahr, aan ki nin siin n‑yoonn mu aa ga teer mbɔr na.

Ilahn 143:9

Uwumbɔr, aa chee le m chaa ti ban nkiirm; gaa mi maadim chee lii.

Ilahn 17:8

Li kii mi ke saah ga kiir aabaa aanimbil pu na; di mi bɔr saafeen aajunjuŋ ni,

Ilahn 27:5

Tibɔr aayoonn kan, u ga li bii m pu; u ga li kii mi Waadichal ni, ki cha m kal litakpal li paa na pu,

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 31:20

Saah bi bi chee pu na, le binib bi kpokl bi pu na aa ŋmaa pii bi; aa joo bi bɔrni mbɔbɔr mu ŋan na ni la, le baadim aasiibil aa piir bi.

Ilahn 32:7

Sin le ye maabɔbɔryaan; aa ga nyan mi tibɔr ni. M gaa ilahn mpɔɔn pu, saah gaal mi lir pu na, ba pu? sin le kii mi.

Ilahn 57:1

San mi kinimbaak, Uwumbɔr, san mi kinimbaak; ba pu? m dan aa chee ki ban ŋŋmarm la. Saafeen ponn ni le m kani lifuur ki ti saa buyoonn ŋimuk sakpiin ga ti jer doo na.

Ilahn 57:2

M yin Uwumbɔr u kpa mpɔɔn jer mpɔɔn mɔmɔk na. M yin Uwumbɔr u tii mi maah ban tiwan nimɔk na.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Ilahn 91:4

U ga taln waafeen biin aa pu; aa ga kan u chee ŋŋmarm; waaŋann le ga li kii si ki joo si.

Ilahn 94:13

Aa tii u lifuur, tibɔr aawiin daal, ki ti saa n‑yoonn mu bi gbii libuul bilni bibiindam na.

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Ŋiyataŋak 22:3

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Aisaya 10:25

Naan ki yunn le m ga daa nimi aatafal doo; n‑yoonn ngbaan le m ga kuln Asiria yaab kookoo.

Aisaya 10:5

Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 13:5

Bi nyan ni dandar aatimbol ŋi bi kitiŋ kee aadoon chee na la. Uwumbɔr aaŋuul pu le u choo ke u bii kitiŋ mɔmɔk doo.

Aisaya 34:2

Uwumbɔr gee liŋuul ŋitimbol mɔmɔk ni ŋaajab bi jaa kijaak na pu. U ga kuln bi mɔmɔk.

Aisaya 51:16

Min le daa taln kitaapaak, le ki baan kitiŋ aatinyik; le m bui Jerusalem yaab ke, ‘Nimi le ye maanib. M tii nimi maamɔkm, le ki joo ŋŋaal kii nimi.’”

Aisaya 51:4

Maanib, li pel man, li pel maah len pu na man: M joo maamɔkm tii ŋitimbol mɔmɔk; maakaal ga woln binimbil.

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Jeremia 31:14

M ga cha bitotoorb ji tijikaar nyaan ki ti bab, ki tii maanib baah ban pu na mɔmɔk. Min Uwumbɔr le len kina.”

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Esekiel 11:16

“Tɔ, di maah len pu na tuk aado yaab binaagbiib biken. Min le cha bi ti bi ŋitimbol ŋi daa na ni, le ki cha bi yaa ki bi ntim muken ni. N‑yoonn mumina m ga li bi bi chee baah buen ntim mu ni na.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Matiu 6:6

Sin ma kan, aa yaa mee Uwumbɔr kan, koo saadiik ni, ki di jaaleŋ piin, ki mee Aate Uwumbɔr u bi libɔɔl ni na. Le Aate Uwumbɔr u kan saah ŋani pu libɔɔl ni na ga tii si tinyoor.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.