Aisaya 26:14 - Uwumbɔr aagbaŋ

¹⁴ Dandana wee, bi kpo a, kaan ki gir ni; baawiin aan ki fii; ba pu? aa daa bitafal ki kuln bi a; ubaa aan ki teer bi pu daalbaadaal.

Aisaya 26:14 ပူးပေါင်းရင်းမြစ်များ

Job Aagbaŋ 18:17

Waayimbil kuln udo, ni itingbaan mɔmɔk ni; ubaa aa ki teer ubɔr.

Job Aagbaŋ 24:20

Hali una aa ki teer ubɔr; ŋikpaambil le ŋman kuln u ke busub bu lir na.

Job Aagbaŋ 7:9

Ntaalangbam aah yaani ki door pu na, kina le unibɔn kpoi kaa ki gir ni; le binib bi mɔmɔk nan nyi u na suln ubɔr.

Ilahn 106:28

Peor aatiŋ ni, le Uwumbɔr aanib ti kpee binib bi dooni liwaal Baal na pu, le ki jin baah di tiwan ni toor tii ŋiwaa ŋi po ye unibɔn aawanaankaan na.

Ilahn 109:13

Cha uyaabitiib mɔmɔk kpo, ki cha n‑yoonn mu choo na yaab suln waayimbil bɔr.

Ilahn 135:17

Ŋi kpa ŋitafal, kaa tee ŋun, ŋaa kpaan ŋmaa fuur.

Ilahn 36:12

Lik titunwanbirdam aah lir nin chee na. Bi dɔ nima le kaa ki ŋmaa fii.

Ilahn 59:5

Ndindaan Uwumbɔr Mpɔɔnsakpiindaan, fii sil ki nan ter mi; Israel yaab Aawumbɔr, si aabaa waa. Fii sil ki daa binib bi kaa dii saasan na aatafal. Taa san titunwanbirdam bi fii sil aa pu na kinimbaak.

Ilahn 9:6

Timi aadim doo kookoo a; aa kuln baatim, le ubaa aa ki teer bibɔr.

Nnyam 14:30

Liyaadaal ngbaan le Uwumbɔr nan gaa Israel yaab Ijipt yaab chee lii, le Israel yaab kan baah kpoi ki dɔ nnyun ngbaan aagbaan pu na.

Ŋiyataŋak 10:7

Binib yaa teer uninyaan bɔr kan, ni joo ni bi tinyoor la, le bi ga suln ubiindaan ma bɔr mala.

Ulandaan 9:5

Mbamɔn, umɔfadaan mɔk nyi ke u ga nan kpo, le bitekpiib ma aa nyi nibaa. Baa ki kpa tipar tibaa; binib suln bibɔr kookoo a.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 26:19

Tɔ, timi aanib bi kpo na ga ki fikr nkun ni. Biwon ga ki fikr ki li kpa limɔfal. Bimɔk dɔ geen baakaakul ponn ni na ga fii ki gaa mpopiin aalahn. Limaln aah sɔŋni kitiŋ pu na, kina le Uwumbɔr ga fikr binib bi kpo ni yunn na.

Aisaya 29:6

Libuul ngbaan ni, le Uwumbɔr Mpɔɔnsakpiindaan ga gaa nimi lii. U ga cha utaal gben, le kitiŋ mu ga deŋ. U ga cha kibuŋ ki pɔɔ na ni imii dan;

Aisaya 37:19

ki see baawaa mmii, ŋi nan po ye unibɔn aah di uŋaal naan tiwan ni na la.

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Matiu 2:20

Le Uwumbɔr aatuun ngbaan bui u, “Fii ki yoor ubo ngbaan ni una ki gir buen Juu yaab aatiŋ ni. Binib bi nan ban bi ku ubo ngbaan na kpo a.”

Ikaal 4:28

Nima chee le ni ga ti li dooni unibɔn aah di uŋaal ŋa idɔ ni ŋitakpal aawaa ŋi na. Ŋiwaa ngbaan aa waa, kaa ŋun, kaa ŋmaa ji, kaa ŋun nnun.

Tibɔkpiirkaan 20:5

Bima le ye binib bi puen fikr nkun ni na. Bitekpiib bi gur na aan ki kan limɔfal ki nan saa buyoonn ŋibin lichur ngbaan ga jer na.