Aisaya 26:11 - Uwumbɔr aagbaŋ

¹¹ Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 26:11 ပူးပေါင်းရင်းမြစ်များ

Job Aagbaŋ 34:27

ba pu? bi yii, kaa ki dii u ki suln waakaal mɔmɔk.

Ilahn 10:12

Uwumbɔr, daa bibiindam ngbaan aatafal, teer binib bi ji falaa na bɔr.

Ilahn 21:8

Ubɔr ngbaan ga chur waadim mɔmɔk; u ga chur binib bi mɔmɔk kaa gee u na.

Ilahn 28:5

Baa dakl lik Uwumbɔr aah tun pu na, ni waah naan tiwan ni na; kina pu le u ga daa bitafal ki kuln bi kookoo.

Ilahn 78:63

Binachipɔm nan kpoi butɔb ni le bipiisapɔm aa ki kan ubaa bi mɔn.

Ilahn 86:17

Uwumbɔr, mɔk mi saaŋann aamɔkl; binib bi nan mi na yaa kan ke aa ter mi ki tii mi mmɔɔn kan, bi ga ji inimɔɔn.

Nnyam 9:14

N‑yoonn mue kan, maan ki daa saaninkpiib ni saanib ŋmeen aatafal, m ga daa aa mu aatafal kpee, nima kan aa ga bee ke ubaa aa ki bi dulnyaa wee ni ki kpa mpɔɔn ke min na.

Aisaya 1:31

Ikpakpaabi aah gaal mmii ni pu na, kina le bipɔɔndam mu aatunwanbir ga gaa ki ku bi doo, le ubaa aan ŋmaa gaa bi lii.

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 10:17

Uwumbɔr u ye Israel yaab aawiihn na ga kpaln mmii. Israel yaab Aawumbɔr u bi chain na ga kpaln mmiigaal mu ga di nwiin mubaa baanja ki di wu tiwan mɔmɔk doo na, hali ikokon ni ŋinaabukar mɔmɔk ga wu.

Aisaya 11:13

Israel aanaan ni aanib aan ki li kpa lipiipoln Juda yaab pu, le Juda yaab mu aan ki li ye Israel yaab aadim.

Aisaya 18:3

Unii umɔk bi kitiŋ kee pu na, li pel man. Lik ban limɔkl aatuutaa u ga fii paacham ŋijoo pu na man. Li pel man ukpiin aah wii pu na.

Aisaya 37:32

Binib ga li bi Jerusalem aatiŋ ni, ni Sionn Aajool pu ki ŋmar, ba pu? Uwumbɔr Mpɔɔnsakpiindaan le puu ke ni ga ŋa kina.

Aisaya 42:13

Uwumbɔr ga jan ke upobidaan na; u gor ki jek ban butɔb la. U faa nkuun, nkuun mu ye butɔb aakuun na, u mɔk waadim waapɔɔn.

Aisaya 44:18

Kina aanib jɔr sakpen kaa ŋmaa beer baah bi ŋani tiwan ni na. Bi ŋumni binimbil, kaa ban ke baalandak ŋun mbamɔn.

Aisaya 44:9

Binib bimɔk naani ŋiwaa na aa kpa tinyoor tibaa, le ŋiwaa ŋi mu bi naan ŋi na ye fam. Binib bi dooni ŋiwaa ngbaan na ye bijoom le kaa nyi nibaa, le ki ga nan ji inimɔɔn.

Aisaya 5:24

Kina pu na, timokuun ni ikpakpaabi aah wu mmii ni pu na, kina le nimi aanyaan ga bur, le nimi aafar mu kuur aan libuln daa ti buen, ba pu? nimi Israel yaab, ni yii Nimi Aawumbɔr Mpɔɔnsakpiindaan u bi chain na aah mɔk timi pu na.

Aisaya 59:17

U ga di mbimbinyaan mu bi ke tikur ti bii kibiŋ pu na, ki li chik tikur aayikpupuk ki ye waapɔɔn mu gaa binib lii na, ki li kpa iniman ki daa binib aatafal baah ŋa biken falaa pu na.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Aisaya 66:24

“Bi yaa gir chaa kun kan, bi ga kan binib bi yii maamɔb na aanikpol. Ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn. Unibɔn umɔk kan bi na ga sur upuwɔb.”

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Aisaya 9:18

Binib ngbaan aatunwanbir bii tiwan ke mmii aah wu ikokon ni ŋinaabukar pu na la. Baatunwanbir bii tiwan ke kichook ni aamii aaŋmanyuu na la.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 44:28

Tɔ, siib ga nya nkun ni ki gir nya Ijipt ni ki kun ni Juda aatiŋ pu. Binib bi ga ŋmar na ga bee ke min ni biken na, ulau aamɔbon gbiin.

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Maika 5:9

Israel yaab ga nyaŋ baadim le ki ku doo bi mɔmɔk.

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Maika 7:16

Ŋitimbol ga kan nimina le bitaakpab yɔl, le baan ki li kpa mpɔɔn. Bitaakpab aah ga yɔl pu na, le bi ga muib bimɔi ki ŋeeb bitafal mu.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Tibɔnyaan ti Luk ŋmee ti na 16:23

Le uwankpadaan ngbaan mu nan kpo. Le binib di u ti sub. Waah kpo na, le u ti bi mmii mu kaan junn na ni, ki ji falaa sakpen, le ki waan lik paacham, ki waa Abraham dandar, ki waa Lasarus mu bi u chee nima.

Lituln 28:27

Binib ngbaan aasui aa bi nibaa ni. Bitafal kpaa la. Bi ŋub binimbil, kaa ban ke binimbil woln, kaa ban ke bitafal ŋun, kaa ban ke bisui bee maaliin aatataa, kaa ban ke bi kpeln baabimbin ki dii maasan, aan m tii bi laafee.’”

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.

Hiibru Yaab 10:27

U ga kan ntafadaan mu kpa ijawaan na; ba pu? Uwumbɔr ga gee liŋuul pam, ki di waadim ŋa mmii mu ton sakpen na ponn ni.

1 Piita 3:16

Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.

1 Samuel 6:9

ki li si lik i, i li cha; i yaa di toŋ Bef Semes aatiŋ ni kan, ni mɔk ke Israel yaab Aawumbɔr le tun ni nimi tibɔbir sakpen ngbaan. I yaa kaa toŋ nima kan, ti ga bee ke naa ye uma le tun ni tibɔbir ngbaan, ti dan tibaa pu la.”