Aisaya 25:2 - Uwumbɔr aagbaŋ

² Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Aisaya 25:2 ပူးပေါင်းရင်းမြစ်များ

Job Aagbaŋ 12:14

Uwumbɔr yaa gbaa ber bil kan, ŋma ga ŋmaa maa, ŋma ga ŋmaa nyan unii u Uwumbɔr chuu u piin na lii?

Aisaya 13:20

Ubaa aan ki li bi ki ponn ni. Arab yaab bi chuu kpak na ubaa aan ki ŋa waanambuŋ nima, le upihkpaal ubaa mu aan ki di waapiih buen nima i ti ŋmɔ timoor.

Aisaya 13:21

Ki ga kpaln nin chee timoor ni aapeel, ni ifiin ga li koo na la. Taataa mam ni ipeel ga li san nima la.

Aisaya 13:22

Takɔ tiib ni ikakal yaa wii nima kan, ni ga li keei tidir fɔfɔk na, ni ŋibɔrdichal na ni la. Babiloŋ aayoonn fuu ni a. Kaawiin doo a.”

Aisaya 14:23

M ga labr Babiloŋ ŋa kipuuk la, ifiin le ga li bi nima. M ga di ŋŋaan mu ŋar tiwan mɔmɔk na le ŋar Babiloŋ aatiŋ. Min Uwumbɔr Mpɔɔnsakpiindaan le len kina.”

Aisaya 17:1

Uwumbɔr len ke, “Damaskus aan ki li ye kitiŋ sakpeŋ; ki ga li gur ye ŋilangbentanjal ŋmeen la.

Aisaya 17:3

Israel aatiŋ aan ki li kpa unii u ga li kii ki na, le Damaskus aatiŋ aan ki li bi kibaa pu. Siria yaab bi ŋmar na ga ji inimɔɔn ke Israel yaab aah ji inimɔɔn pu na la. Min, Uwumbɔr Mpɔɔnsakpiindaan le len kina.”

Aisaya 21:9

Libuul ngbaan ni, le bi nyan ni. Bijab jak itaan, ki dii tɔb bilelee. Ukikiir ngbaan tuk mi waah kan pu na, “Babiloŋ lir a. Baah nan dooni ŋiwaa ŋimɔk na lir kitiŋ ki wii a.”

Aisaya 23:11

Uwumbɔr taln uŋaal paan nnyusakpem pu ki nyaŋ bibɔrb aanaan. U cha bi bii Fonisia aanyam.

Aisaya 23:13

Babiloŋ yaab le nan cha tipeewanbir bii Taya aatiŋ, naa nan ye Asiria yaab. Babiloŋ yaab le nan ti gob ki bii Taya aatiŋ aapɔɔn, ki cha tilangbenn ŋmeen.

Aisaya 24:10

Kitiŋ ponn ni aawan mɔmɔk ŋa yɔl yɔl, le binib laŋni bibaa ŋani baadichal ni ke bi ŋmar.

Aisaya 25:12

U ga wii Moab yaab aah maa ŋigofɔfɔŋ ŋi kiir baatiŋ na mɔmɔk, ki taa taa ŋi ŋmal titan ni.

Aisaya 26:5

U sunn kigaadam taab, ki kuln baatiŋ ki pɔɔ na, ki gbaa wiil kaagon ŋmal titan ni.

Aisaya 27:10

Kitisakpeŋ ki bi nan maa ŋigon kiir ki na ber doo a. Ki gur nkuun ke nteersakpiin na la. Ki kpaln inaa aamoŋmɔpaan, nin chee i ga fuur ki ki fii ŋmɔ na la.

Aisaya 32:14

Hali libɔrchiln na mu ga kpaln nkuun, le litiyil na mu ga kpaln nkuun, ubaa aan ki li bi li ni. Ŋidichal ni ŋigon ŋi kiir ŋi na mɔmɔk ga kuln, kaan ki fii daalbaadaal. Ibon i bi timoor ni na le ga li gur chuun nima, le ipiih mu kan nin chee i ga li ŋmɔ timoor na.

Aisaya 32:19

Le ŋitaatakpal yaa po lir ni kichook ni kan, kitisakpeŋ mu yaa wii ki lir kan,

Aisaya 34:13

Ikokon ni ŋinaabukar ŋmeen le ga punn ŋibɔrdichal, ni ntim mu bi maa ŋigon kiir mu na mɔmɔk ponn ni, le ikakal ni ifiin ga li koo nima.

Aisaya 37:26

“Saa kee ŋun ke min le kpokl kina n‑yoonn mu jer na, aan ki cha ni ŋa kina dandana aa? Min le nan tii si mpɔɔn ke aa di labr ntisakpem mu bi maa ŋigon kiir mu na di ŋa ŋilangbentanjal aakpuk.

Jeremia 51:26

Baan ki di saalangbentakpanjal libaa maa lidichal. Aa ga li gur bi ke nteersakpiin na le n‑yoonn mɔmɔk. Min Uwumbɔr le len kina.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Ikaal 13:16

Ni kuun ni kitiŋ ngbaan aawan mɔmɔk nan kpaan kinyaŋ ni, ki see kitiŋ ngbaan ni kaawan mɔmɔk, aan ni li ye kitork aapiin ki tii Nidindaan Uwumbɔr. Ni cha kitiŋ ngbaan gaar kina ki li ye ŋilangben; ubaa taa ki maa kitiŋ ngbaan daalbaadaal.

Tibɔkpiirkaan 18:19

le ki faa kitangbaak ŋa biyil pu, ki wii ki li kpa mpombiin ki len ke, “Tibɔbir bi kitisakpeŋ ngbaan pu la. Biŋɔdam bimɔk chuun nnyusakpem pu na nan kan tinyoor pam; ba pu? kitiŋ ngbaan aanib nan daa bi chee tiwan ni kpa kidaak na. Liwinbaal le kitiŋ ngbaan mɔmɔk kuln a.”