Aisaya 24:4 - Uwumbɔr aagbaŋ

⁴ Kitiŋ kuur ki yɔl a; dulnyaa mɔmɔk aanib aataakpab yɔl; taab ni paacham bur a.

Aisaya 24:4 ပူးပေါင်းရင်းမြစ်များ

Aisaya 24:21

N‑yoonn choo, le Uwumbɔr ga daa ipɔɔn i bi paacham na, ni bibɔrkpaam bi bi taab na aatafal.

Aisaya 24:3

Kitiŋ kee ga doon nkuun, kaan ki li kpa nibaa. Uwumbɔr le len, le ni ga ŋa kina.

Aisaya 28:1

Tibɔbir bi Israel aanaan pu. Kipak ki nnaan ngbaan aaninkpiib nan kpa na bi gbaar lir ke nsupuun mu bi di tuun baabɔryikpupur pu na la; ba pu? bi ye bidagbiib la. Bi di tulalee di gbaa biyil ŋi bi tu ŋi paacham na pu, le ki mu aa ŋmaa buen nibaa chee, bi nyun gbii ki dɔ gbara nima chee.

Aisaya 3:26

Kitiŋ ngbaan aagoln li maln gob ki na aabisamɔb ga li wii ikpowiil, le kitiŋ ngbaan kibaa ga li gur naahn upii u bi chuu gbabr waakeken aan u gur ka kitiŋ uŋmeen na, aah bi pu na la.

Aisaya 33:9

Ubaa aa ki ko kitiŋ ngbaan, le ki gur dɔ fam. Lebanonn aachoor na aasui yɔl, le Saronn aafataŋ ki aatiŋ ŋan na gur naahn nteer la, le Basann aatiŋ ni, ni Kamel Aajool pu aasui aafar gbar lir kitiŋ.

Aisaya 64:6

Ti mɔmɔk tun titunwanbir; hali tima aah dak ke taah tun pu na ŋan sakpen na ye tijɔŋ le ki ti doo. Timi aatunwanbir pu, ti naahn tifar ti kuur aan libuln daar cha na la.

Jeremia 12:4

Timi aatiŋ ga li kuun kina ki ti saa bayoonn? Timoor ti bi ikpaakon ni na mu yɔl yɔl. Tiwakor ni inyoon kpoi timi aanib aatunwanbir pu la; bima le len ke, ‘Uwumbɔr aa kani taah tun pu na.’”

Jeremia 4:28

Kitiŋ ga wii ikpowiil, le kitaapaak bɔnn timm. Uwumbɔr le len, kaan kpeln waalandak. U siin waah ga ŋa pu na, kaan ki fenn upuwɔb.

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Hosea 4:3

Kina pu le kitiŋ ga kuur, le tiwan nimɔk bi ki pu na ga kpoi. Tiwakor, ni inyoon, ni ijan mu ga kpoi.”

Joel 1:10

Nibaa aa bi ikpaakon ponn ni; le kitiŋ wii ikpowiil, ba pu? njikaabim mɔmɔk bii doo a, ŋisubil mɔmɔk kuur ki bii, le olif aakpan aasui yak doo.