Aisaya 24:23 - Uwumbɔr aagbaŋ

²³ Uŋmal ga bɔnn, le nwiin aan ki li wiin; ba pu? Uwumbɔr Mpɔɔnsakpiindaan ga ŋa ubɔrkpaan. U ga li ye Jerusalem u bi Sionn aajool pu na aabɔr, le binib ngbaan aaninkpiib ga kan waah nyuun sakpen pu na.

Aisaya 24:23 ပူးပေါင်းရင်းမြစ်များ

Ilahn 97:1

Uwumbɔr le ye ubɔr, kina pu na, kitiŋ, li mɔɔni. Nnyusakpem aadik, li mɔɔni man.

Nnyam 15:21

Miriam le nan gaa ilahn ke: “Gaa ilahn ki pak Uwumbɔr man, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.”

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 13:10

Iŋmabi mɔmɔk aan ki li wiin, le nwiin ga bɔln kaan ki li wiin, le uŋmal mu aan ki li wiin.

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Aisaya 33:17

Ni ga ki kan ubɔrkpaan u joo waanib kinyaan na joo kitiŋ ki wiir ŋipepel mɔmɔk na.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Aisaya 60:19

Nwiin aan ki li ye nimi aawiihn nwiin pu, le uŋmal mu aan ki li ye nimi aawiihn kinyeek; min Uwumbɔr le ga li ye nimi aawiihn mu kaan junn na, maanyuŋ aawiihn le ga li wiin ni pu.

Aisaya 60:20

Nimi aapombiin aayoonn ga doo. Min Uwumbɔr le ga li ye nimi aawiihn mu kaan junn na, ki ye nwiihn mu wiin ki yunni jer nwiin ni uŋmal aawiihn na.

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Daniel 7:18

Le Uwumbɔr u kaa kpa ŋeen aatɔ na aanib ga gaa nnaan aapɔɔn ki li joo mu n‑yoonn mɔmɔk.”

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Joel 3:15

Nwiin ni uŋmal ga bɔln, le iŋmabi aan ki li wiin.

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Maika 4:7

Binib bi gur na wɔb le ki daa bido, le m ga tii bi mpɔɔn, le bi ga kpaln litimbol kpaan. M ga li bi Sionn Aajool paab le ki joo bi ki ti saa n‑yoonn mu kaa kpa ndoon na.”

Sekaria 14:6

N‑yoonn ngbaan yaa nan fuu ni kan, tiwoor aan ki li bi,

Sekaria 14:7

le libɔmbɔln mu aan li bi. Nwiin ga li bi nwiin pu ni kinyeek mu la. Uwumbɔr baanja le nyi buyoonn nimina ga ŋa na.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Matiu 6:10

Saanaan dan. Bi li ŋani saageehn dulnyaa wee ni ke baah ŋani paacham pu na.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 14:1

Tɔ, le m kan Upihbo na si Sionn aajool paab. Binib ŋichur nkub ni imonko ilee ni ŋinaa nan bi u chee, le waayimbil ni Ute Uwumbɔr aayimbil nan ŋmee paa biyigbeer pu.

Tibɔkpiirkaan 19:4

Le bininkpiib moninko ni binaa ngbaan, ni tiwanfuurkaan ninaa ngbaan gbaan kitiŋ ki pak Uwumbɔr u ka libɔrjal pu na, ki len ke, “Amii. Haleluya.”

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.