Aisaya 24:2 - Uwumbɔr aagbaŋ

² Unibɔn mɔmɔk ga ji falaa baan la: Uwumbɔr aatotoorb, ni binib, ni binaagbiib ni baaninkpiib, ni binib bi daa na, ni bi kooh na, ni binib bi pinni tiwan na, ni binib bi kpa ki pinni tii bi kaa kpa na, ni biwankpadam ni bigiim, bi mɔmɔk ga ji falaa baan.

Aisaya 24:2 ပူးပေါင်းရင်းမြစ်များ

Mpiin 41:50

Waahr aan nkon aabin ngbaan nin fuu ni na, Josef aapuu Asenaf nan ma mbijabim mulee le tii u.

2 Bibɔrb Aabɔr 36:20

U nan di binib bi mɔmɔk aa kpoi na buen Babiloŋ ni, le bi ti bi nima ki tun linaagbiituln tii u ni uyaabitiib ki ti saa n‑yoonn mu Pesia Aanaan nyan paacham na.

Aisaya 2:9

Bi mɔmɔk ga ji inimɔɔn. Uwumbɔr, taa di cha pinn bi.

Aisaya 24:3

Kitiŋ kee ga doon nkuun, kaan ki li kpa nibaa. Uwumbɔr le len, le ni ga ŋa kina.

Aisaya 28:7

Hali Uwumbɔr aabɔnabtiib ni Uwumbɔr aatotoorb na nyun ndaan ki chuun yenni. Bi nyun ndaan sakpen, le ki chuun gbeer ki lir. Uwumbɔr aabɔnabtiib ngbaan nyun ndaan ki gbii a; kaa ki beer tibɔkpiirkaan ti Uwumbɔr joo tii ni bi na; le bitotoorb na mu nan nyun ki gbii, kaa ŋmaa toor binib aabɔr ti bi joo ni bi chee na.

Aisaya 5:15

Inimɔɔn ga chuu unibɔn mɔk, le bigaadam na ga sunn bibaa taab.

Jeremia 41:2

le Ismael ni waajab kipiik na daa nyan baajaak aajum ki ku Gedalia.

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Inandalahn 4:13

Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Inandalahn 4:16

Uwumbɔr aatafal aa nan ki bi bi ni; uma ubaa le nan yaa bi. Utafal aa nan bi timi aatotoorb ni biyidam ni.

Inandalahn 4:6

Maanib kan ntafadaan ki jer Sodom yaab bi Uwumbɔr aaŋaal nan dan nan kuln bi liwinbaal na.

Hosea 4:9

Nimi ni binib ngbaan aatafadaan ga li ye tiwanbaan la. M ga daa nitafal ki cha ni pa naah tun titunwanbir ti na pu.