Aisaya 24:10 - Uwumbɔr aagbaŋ

¹⁰ Kitiŋ ponn ni aawan mɔmɔk ŋa yɔl yɔl, le binib laŋni bibaa ŋani baadichal ni ke bi ŋmar.

Aisaya 24:10 ပူးပေါင်းရင်းမြစ်များ

Mpiin 11:9

Bi nan yin kitiŋ ngbaan ke Babiloŋ, ba pu? nima chee le Uwumbɔr nan yakr binib mɔmɔk aaliin, ki cha bi yaa tɔb chee ki ti saa ni kookoo dulnyaa wee ni.

2 Bibɔrb 25:4

le bi nan tur kitiŋ ngbaan aagon lir. Tɔ, Babiloŋ aajab nan gob kitiŋ ngbaan ti to, Juda aajab mu nan ti loon san kinyeek ki ŋmar. Bi nan dii libɔrdichal aasaak aasan la, le ki dii mbisamɔb mu bi ŋigon ŋilee ngbaan aakaasisik ni na, le ki di toŋ Jɔɔdann Aafataŋ wɔb.

Aisaya 23:1

Taya yaab aabɔr sɔ. Li ker idun mpombiin pu man, nimi bi ŋaal iŋɔi nnyusakpem ponn ni na. Nin chee iŋɔi sii nido Taya aatiŋ ni na bii doo a; nima chee aadichal ni iŋɔi aah doo nin chee na ber doo a. Buyoonn nimi aaŋɔi ga nya Saiprus ki gir ni na, le ni ga ŋun tibɔr ngbaan.

Aisaya 24:12

Kitisakpeŋ ngbaan gur ŋilangben ŋmeen la, le kaabisamɔi aajaaleŋ mam wiir doo a.

Aisaya 25:2

Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Aisaya 26:5

U sunn kigaadam taab, ki kuln baatiŋ ki pɔɔ na, ki gbaa wiil kaagon ŋmal titan ni.

Aisaya 27:10

Kitisakpeŋ ki bi nan maa ŋigon kiir ki na ber doo a. Ki gur nkuun ke nteersakpiin na la. Ki kpaln inaa aamoŋmɔpaan, nin chee i ga fuur ki ki fii ŋmɔ na la.

Aisaya 32:14

Hali libɔrchiln na mu ga kpaln nkuun, le litiyil na mu ga kpaln nkuun, ubaa aan ki li bi li ni. Ŋidichal ni ŋigon ŋi kiir ŋi na mɔmɔk ga kuln, kaan ki fii daalbaadaal. Ibon i bi timoor ni na le ga li gur chuun nima, le ipiih mu kan nin chee i ga li ŋmɔ timoor na.

Aisaya 32:19

Le ŋitaatakpal yaa po lir ni kichook ni kan, kitisakpeŋ mu yaa wii ki lir kan,

Aisaya 34:11

Ki ga kpaln ifiin ni ikaabɔn aatiŋ la. Uwumbɔr ga ŋa ki tilangbenn ŋmeen, kitiŋ ki kaa kpa tinyoor tibaa na la.

Jeremia 39:4

Ubɔr Sedekia ni waajab aah nan kan tiwan ni bi ŋani na, bi nan pɔɔk bibaa ke bi loon kinyeek ki san nya kitiŋ ngbaan ponn ni. Bi nan dii libɔrdichal aasaak ni, le ki dii mbisamɔb mu bi ŋigon ŋilee ngbaan aakaasisik ni na, ki nyan, ki di toŋ Jɔɔdann aafataŋ wɔb.

Jeremia 39:8

N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Jeremia 52:7

le Babiloŋ aajab nan wiil kaagon ki koo ni, le ki gob kitiŋ ngbaan ti to, le kitiŋ ngbaan aajab nan loon kinyeek ki nyan. Bi nan dii libɔrdichal aasaak aasan, le ki dii mbisamɔb mu bi ŋigon ŋilee ngbaan aasisik ni na nyan, ki di toŋ Jɔɔdann Aafataŋ wɔb.

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Tibɔnyaan ti Luk ŋmee ti na 19:43

Buyoonn Uwumbɔr ban u ter nimi na, ni yii a. Nima le nimi aadim ga nan gob nimi aatiŋ, ki yuu lakr kaagoln pu,

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;