Aisaya 23:1 - Uwumbɔr aagbaŋ

¹ Taya yaab aabɔr sɔ. Li ker idun mpombiin pu man, nimi bi ŋaal iŋɔi nnyusakpem ponn ni na. Nin chee iŋɔi sii nido Taya aatiŋ ni na bii doo a; nima chee aadichal ni iŋɔi aah doo nin chee na ber doo a. Buyoonn nimi aaŋɔi ga nya Saiprus ki gir ni na, le ni ga ŋun tibɔr ngbaan.

Aisaya 23:1 ပူးပေါင်းရင်းမြစ်များ

Mpiin 10:4

Jafann aayaabitiib le ye Elisa yaab, ni Speenn yaab, ni Saiprus yaab, ni Rodes yaab;

1 Bibɔrb 10:22

U nan ŋa nnyusakpem aaŋɔi, le i ni Ubɔr Hiram aaŋɔi nan chuun. Libitatar mɔk ni kan, i nan joo ni u salmaa, ni tikunabr, ni iluub aanyin, ni ŋikpal, ni ilatan la.

1 Bibɔrb 22:48

Ubɔr Jehosafat nan ŋa iŋɔi i ga ŋmaa chuun nnyusakpem ni na, ke i li chaa Ofir aatiŋ ni ti joo ni salmaa; tɔ, i nan bee nnyun ni Esionn Geber aatiŋ chee, kaa chuun kpala.

1 Bibɔrb 5:1

Taya aatiŋ Aabɔr Hiram aajɔ le nan ye David. Waah nan ŋun ke Solomonn le nab ute David aanaan pu na, u nan tun bininkpiib u chee.

2 Bibɔrb Aabɔr 9:21

U nan kpa nnyusakpem aaŋɔi, le i ni Ubɔr Hiram aaŋɔi nan chuun. Libitatar mɔk ni kan, i nan joo ni u salmaa, ni tikunabr, ni iluub aanyin, ni ŋikpal, ni ilatan la.

Ilahn 48:7

ki naahn buŋɔb aah yeŋni kitaabuŋ ni pu na.

Aisaya 15:8

Moab aatiŋ aanaanmɔk mɔmɔk chee ye iwiil, le Eglaim ni Beer Elim aatim ni yaab ŋun iwiil ngbaan pu.

Aisaya 2:16

U ga cha iŋɔsakpiin i ŋan na bee nnyun ni.

Aisaya 23:12

Saidonn aatisakpeŋ, saamɔɔn doo a, le saanib bi limukl ni. Hali bi yaa san buen Saiprus aatiŋ ni kan, bi ga li beenin bi tibɔr ni.

Aisaya 23:6

Li wii man mpombiin pu, nimi Fonisia yaab. Pɔɔn man nibaa ki san buen Speenn aatiŋ ni.

Aisaya 24:10

Kitiŋ ponn ni aawan mɔmɔk ŋa yɔl yɔl, le binib laŋni bibaa ŋani baadichal ni ke bi ŋmar.

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Jeremia 2:10

Buen liwilir wɔb, Saiprus aadikl pu man, ki tun ubaa buen liwipuul wɔb, Kedar aatiŋ ni. Ni ga kan ke kina aawan aaboln aa kee ŋa.

Jeremia 25:15

Uwumbɔr, u ye Israel yaab Aawumbɔr na nan bui mi ke, “Ndaan aayikuuk ki gbii maaŋuul na sɔ. Di ki buen ŋitimbol ŋimɔk m tun si ŋi chee na, ki cha bi nyu ki ponn ni.

Jeremia 47:4

N‑yoonn fuu ni ke Filistia kuln, n‑yoonn fuu ni ke ki taa ki kan Taya ni Saidonn aaterm mu gur na. Min Uwumbɔr le ga kuln Filistia yaab, bi mɔmɔk nyan ni Krete aanyun aagbaan ni na.

Esekiel 26:1

Taah nan bi tinaagbiir ni na aabin kipiik ni libaa ponn ni aaŋmal ubaa aajan aawiin daal, le Uwumbɔr nan len m chee tibɔr ki bui ke,

Esekiel 26:2

“Unibɔn, Taya aatiŋ ni aanib aah laa mpɔɔn pu tibɔr ti pu na sɔ. Bi tar ke, ‘Jerusalem aatiŋ yaa a. Kaah nan kpa kinyanpuuk ki na doo a. Kina pu na, ti ga kan liwangol.’

Esekiel 27:30

Bi mɔmɔk wii aa pu ni mpombiin la, ki joo titan gbaa biyil, ki dɔ bilni nfatan ni.

Esekiel 27:6

Bi nan di ŋikpan aasui i bi Basann aatiŋ ni na le ŋa saaŋɔpann; Bi nan di Saiprus aasui ibaa aaboln le ŋa saaŋɔyil, le ki di iluub aanyin ŋmal i ponn ni.

Daniel 11:30

Rom yaab ga di iŋɔi dan ki nan tak u, le ijawaan ga chuu u. “U ga gee liŋuul ki fenn upuwɔb ki pɔɔn ubaa ke u bii doo Uwumbɔr aanib aasan. U ga ŋa binib bi yii nsan ngbaan na tiŋann.

Jona 1:3

Le Jona nan tee fii ki di toŋ nibaa wɔb ke u bɔr Uwumbɔr. U nan di buen Jopa aatiŋ ni la, nima chee le u ti kan buŋɔb bu cha Speenn aatiŋ ni na. U nan pan le ki koo bu ponn ni, biŋɔŋaab chee, ke bi buen Speenn aatiŋ ni, nin chee Uwumbɔr aan ki kan u na.

Nkahm 24:24

Binib bi jenn gaal biken aatim na ga nyan ni Saiprus aatiŋ ni. Bi ga nyaŋ Asiria ni Eber aatim, le bi mu ga nan kuln doo, ki joo cha n‑yoonn mu kaa kpa ndoon na.”

Tibɔnyaan ti Luk ŋmee ti na 10:13

“Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya ni Saidonn aatim aanib aakaasisik ni ke maah tun lijinjiir aatun nikaasisik ni pu na kan, bi ba ga kpeln baabimbin ni yunn, ki li pee tiwanpeenkaan ni saak kuub na, ki di nfatan puŋ biyil, aan ki mɔk ke bisui bii baatunwanbir pu.

Josua 19:29

Le kaanaanmɔk ki yoor ki fenn ki ti nyan Rama aatiŋ ni, ki di kina ti ker Taya aatiŋ ki bi maa ligoln mann gonn ki na, le ki fenn ti nyan Hosa aatiŋ ni, le ki ti doo Kaasisik ni Aanyusakpem mɔk. Kitiŋ ngbaan aatim le nan ki ye Mahalab, ni Aksib,