Aisaya 22:5 - Uwumbɔr aagbaŋ

⁵ N‑yoonn mumina ye mpobiyuk, ni linyaŋ, ni nlanŋmal le Tibɔkpiirkaan Aafataŋ ngbaan ni. Tidindaan Uwumbɔr Mpɔɔnsakpiindaan le tun ni kina ti chee. Bi gbaa wii timi aatiŋ aagon, le binib aah wii pu ki ban nterm na ti keei ŋigongon paab.

Aisaya 22:5 ပူးပေါင်းရင်းမြစ်များ

2 Bibɔrb 19:3

Waah nan bui bi ke bi ti bui Aisaya pu na sɔ: “Din aawiin mue ye timi falaa aawiin la; bi daa titafal aan ki jinn timi inimɔɔn. Ti gur naahn upii u imalween joo u, u ban u maa ki mu aa ki kpa mpɔɔn u maa na la.

2 Bibɔrb 25:10

le waajab mu tur kaagon lir.

Esta 3:15

Ubɔr nan cha bi moon tibɔr ngbaan litiyil Susa ni, le bitaasam mu di ti buen ŋipepel mɔmɔk ni. Le ubɔr ni Hamann nan kal ki nyu ndaan, le litiyil Susa ma ponn ni nan ŋa yɔl yɔl.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 22:1

Tibɔr timina ye kifataŋ ki ponn ni Uwumbɔr kpiir tiwan mɔk waanib na aabɔr la. Ni ye ba bi ŋani? Ba ŋa binib ngbaan mɔmɔk bi ji njim baadichal aapaacham.

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 37:3

Waah nan bui bi ke bi ti bui Aisaya pu na sɔ: “Din aawiin mue ye falaa aawiin la; bi daa titafal aan ki jinn timi inimɔɔn. Ti gur naahn upii u imalween joo u, u ban u maa ki mu aa ki kpa mpɔɔn u maa na la.

Aisaya 5:5

“Maah ga ŋa maasaak ngbaan pu na sɔ: M ga chuu ŋɔi idɔ i m nan di gob ki aan i kii ki na, le ipeel i bir na nan ŋmɔ ki, ki taa taa bii ki.

Aisaya 63:3

Le Uwumbɔr kii ke, “M taa taa ŋitimbol ngbaan ke ndaan aasubil na la, le ubaa aa dan nan ter mi. Maaŋuul ponn ni le m taa taa bi pu, le baasin meeh meeh maawanpeenkaan.

Aisaya 63:6

Maaŋuul ponn ni le m nan taa taa ŋitimbol ki yaa ŋaanib ki di baamɔfal aasin kpir kitiŋ.”

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Inandalahn 1:5

Kaadim nyaŋ ki; ki gur bi baapɔɔn ni la. Uwumbɔr le cha ki jin falaa kaatunwanbir sakpenn pu; Bi chur kaabim ki di bi buen a.

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Inandalahn 2:8

Uwumbɔr puu ke Sionn aagon lir kitiŋ. U nan ŋaŋ ŋi ke u sil kan ŋaalirm. Bikikiib aadir na, ni ŋigon mɔmɔk ber le ki dɔ kitiŋ.

Esekiel 7:7

Nimi binib bi bi kitiŋ pu na aadoon choo. N‑yoonn peen ni le njim aan ki li bi ŋijoo aawaachur ni, see nlanŋmal ŋmeen.

Hosea 10:8

Afenn aagongon pu aawaa ŋi Israel aanib dooni ŋi na ga ber. Ikokon ni timoor le ga gaa kitork aabimbin ngbaan. Binib ga bui ŋijoo ke, “Bɔr timi man,” le ki bui ŋigongon ke, “Biin ti pu man.”

Maika 7:4

Hali binib bi ŋan ki bi chob na aa kpa tinyoor tibaa ke timoor aah bi pu na la. N‑yoonn mu Uwumbɔr ga di daa binib ngbaan aatafal, ke waah nan cha waabɔnabtiib sak bi pu na fuu ni a. Dandana wee, baalan ŋmal a.

Sefania 1:15

Mu ga li ye liŋuusakpeln daal la, mu ga li ye libiil ni liwonyɔl daal la, mu ga li ye libiil ni likuln daal la, mu ga li bɔɔn ki kpa ntaalangbam pam,

Matiu 24:16

“N‑yoonn ngbaan yaa nan fuu ni kan, binib bi bi Judea aatiŋ ponn ni na, bi san buen ŋijoo paab.

Tibɔnyaan ti Luk ŋmee ti na 23:30

N‑yoonn ngbaan le bi ga bui ŋijoo ni ŋigongon, ‘Lir ti pu, ki biin ti pu.’