Aisaya 22:4 - Uwumbɔr aagbaŋ

⁴ Di cha mi man aan m wii maanib bimɔk kpo na pu. Taa sɔŋni nsui man.

Aisaya 22:4 ပူးပေါင်းရင်းမြစ်များ

Esta 4:1

Modekai aah ŋun tibɔr ti mɔmɔk ŋa na, le u daa kar waawanpeenkaan mpombiin pu, le ki di tiwanpeenkaan ni saak kuub na peen, ki di nfatan puŋ uyil, ki bɔ dii kitiŋ ni, ki wii ikpowiil mpombiin pu,

Ilahn 77:2

Limukl yoonn le m mee Uwumbɔr. Kinyeek ni kitaak aawoln pu, m yoor ŋŋaal paacham le ki mee u, le kaa tee kani nsuudoon.

Aisaya 15:3

Binib bi chuun kitiŋ ponn ni na pee tiwan ni saak kuub na la; kitiŋ ponn ni, ni ŋidichal paab mɔmɔk binib kaani le ki wii ikpowiil.

Aisaya 33:7

Bipobidam wii ki ban nterm la. Bitutum bi pɔɔk bibaa bi joo ni nsuudoon na wii iwiil la.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 31:15

Uwumbɔr bui ke, “Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu; bi mɔmɔk kpo a, le ubaa aa ŋmaa sɔŋ usui.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 6:26

Le Uwumbɔr bui waanib ke, “Di tiwanpeenkaan ni saak kuub na peen, ki di nfatan pɔŋ nibaa. Li wii ikpowiil ke lijapɔnbaal aah kpo kan, bi wii pu na; ba pu? unii u choo u nan bii doo nimi na ga fuu ni n‑yoonn mu naa dak u pu na la.

Jeremia 8:18

Maapombiin aan ŋmaa sɔŋ; nsui bii sakpen a.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Jeremia 9:18

Le binib ngbaan bui ke, “Bui bi ke bi ŋa mala ki gaa nkpolahn tii timi, aan tinyunyunn ti gbiin tinimbil ni, aan tinimbil aagban sɔŋ ikpowiil pu.”

Inandalahn 2:11

Iwiil pu le nnimbil ti foor koo; m bi ntoton ni la. Baah ku bii maanib pu na le mpombiin ban mu ku mi. Mbim ni mbipɔm fik le ki dɔ kitiŋ ponn ni.

Esekiel 21:11

Bidim duun kijaak aajuk ngbaan, ki gor ki ke ki tun lituln la. Bi luun ki le ki duun ki chain chain, ke bi di ki ŋa unikur aaŋaal ni.

Esekiel 27:31

Aa pu le bi kuu biyikpir le ki pee tiwan ni saak kuub na. Bi wii, le bimɔi ti choŋ.

Maika 1:8

Le Maika bui ke, “Nimina pu le m ga wii, ki gaa ikpolahn. M ga chuun ŋŋmeen kaan taŋ ŋinaatak, ki mɔk maapombiin aah bi pu na. M ga gbei ke ikakal na, ki wii ke taataa na.

Matiu 2:18

“Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu, bi mɔmɔk kpo a, le ubaa aan ŋmaa sɔŋ usui.”

Matiu 26:75

Le Piita teer Yesu aah ba tuk u pu na ke, “Aa ga len nfum mutaa ke saa nyi mi, le ukooja nin wii.” Piita nan nyan lipaal, ki ti wii sakpen.

Tibɔnyaan ti Luk ŋmee ti na 1:2

Binib bi kan tibɔr ngbaan aah piin ki ti doo pu na mooni ti, ki tuk timi. Le bi ŋmee baah tuk timi pu na.

Tibɔnyaan ti Luk ŋmee ti na 19:41

Yesu aah peen Jerusalem aatiŋ na, le u waa ki, ki wii sakpen ki pu,