Aisaya 22:13 - Uwumbɔr aagbaŋ

¹³ Le ni tee laa ki waa kinaachoŋ; ni kɔr ipiih ni inaa ke ni ŋmɔ, ki nyun ndaan; ni bui ke, “Ni ŋan ke ti ji ki nyu mu; ba pu? ti ga fe kpo fen.”

Aisaya 22:13 ပူးပေါင်းရင်းမြစ်များ

Aisaya 26:10

Saah po ŋani bibiindam tiŋann na, baa kee bae ke bi ŋa ni ŋan na. Hali nin chee bininyaam bi na, bi beenin ŋani ni kaa ŋan na; bi yii, kaa bee ke aa kpa mpɔɔn sakpen.

Aisaya 29:1

Uwumbɔr aatork aabimbiln, li ye Jerusalem na, kuln a. Kitisakpeŋ ki ubɔr David nan koo ki ponn ni na kuln a. Cha libiln libaa bee ŋilee jer, ŋi ni ŋaajim, ni mu aawanpɔɔn aajim,

Aisaya 47:8

Li pel nimina, sin u gee mmɔɔn sakpen na, sin u dak ke aa pɔɔ ki ŋmar na. Aa bui ke aa kpa mpɔɔn ke Uwumbɔr na, ke ubaa aa ki bi ke sin na. Aa nan dak ke saan ŋa ukpopii daalbaadaal, kaan lann mbim.

Aisaya 5:11

Nimi aadoon le na. Ni fii mala kichakpinaanyeek ni ki piin ndaan aanyum, ki nyu ki ti saa kijook ki nyu ki gbii.

Aisaya 5:12

Nimi aajim ponn ni, ni gbaa tibar ni ichayakrtuun ki pee ŋiwul ki nyu ndaan, le kaa nyi Uwumbɔr aah ŋani pu na.

Aisaya 5:22

Nimi aadoon le na, nimi bi ye ndaan aakpalba aajakaandam na. Ni chee ti ye ke bi di ndaan chee tɔb ponn ni na, nima chee le ni kaar.

Aisaya 56:12

Bi len le ke, ‘Cha ti ban man ndaan; aan ki nyu taah gee pu na. Fen ga fe li mɔ jer din.’”

Aisaya 58:3

Binib ngbaan baa ke, “Ba ŋa ti lulni bumɔb, le Uwumbɔr aatafal aa bi ti ni? Ba ŋa ti sunn tibaa taab, le waa pel ti chee?” Uwumbɔr bui bi ke, “Mbamɔn aah ye pu na le ye ke n‑yoonn mu ni lul bumɔb na, le ni bi ban nibaa aageehn le ki muk nimi aatutum.

Esekiel 16:49

Ki ni kibisatiib nan kpa kigaak baah kpa tijikaar sakpen bi ji pu na pu, aan ki bi nsuudoon, ni lifuur ni na pu; bitafal mu aa nan tee bi bigiim ni binib bi lann na ponn ni.

Hosea 9:1

Israel aanib, taa ki ji nimi aajim ke binib bi kaa nyi Uwumbɔr na aah ŋani pu na. Ni fenn nipuwɔb tii nimi Aawumbɔr le kaa keei waamɔb. Kitiŋ kee mɔmɔk pu, ni di nibaa kooh ke upiidagoor na le ki di tii liwaal Baal, le ki gee tijikaar ti ni dak ke u joo pa nimi na.

1 Korenti 15:32

Ipeel nan tak mi Efesus aatiŋ ni. M yaa po ye unibɔn u kaan fikr nkun ni kan, m kan tinyoor ni pu uu? Aayii. Binib bi kpo na yaa kaan fikr nkun ni kan, “Cha ti li ji ki li nyu; ba pu? ti ga fe kpo fen.” Tɔ, ni ye mbamɔn, binib bi kpo na ga sil fikr nkun ni.

Jemisi 5:5

Ni bi dulnyaa wee ni, ki piir nisui, ki ŋani naah gee pu na mɔmɔk, ki kpiini nibaa ki filk sakpen a; ni bi ke inaa i filk aan bi kɔr i na la.