Aisaya 22:11 - Uwumbɔr aagbaŋ

¹¹ ni gbii limɔɔl bil kitiŋ ngbaan ponn ni ke ni chuu nnyun mu nyan ni kibukpiik kpok na ni, kaa tee dak Uwumbɔr u kpokl tibɔbir timina mɔmɔk n‑yoonn mu jer na ki cha ti ŋa kina na ma bɔr.

Aisaya 22:11 ပူးပေါင်းရင်းမြစ်များ

2 Bibɔrb 20:20

Ubɔr Hesekia aah nan ki tun ŋitun ŋi mɔmɔk na, ni waajakaan, ni waah nan gbii limɔɔl li na, ki gbii nnyunsan mu ke nnyun li diir koo ni kitiŋ ponn ni na mɔmɔk bi Juda Aabɔrb Aatun Aagbaŋ ni la.

2 Bibɔrb 25:4

le bi nan tur kitiŋ ngbaan aagon lir. Tɔ, Babiloŋ aajab nan gob kitiŋ ngbaan ti to, Juda aajab mu nan ti loon san kinyeek ki ŋmar. Bi nan dii libɔrdichal aasaak aasan la, le ki dii mbisamɔb mu bi ŋigon ŋilee ngbaan aakaasisik ni na, le ki di toŋ Jɔɔdann Aafataŋ wɔb.

2 Bibɔrb Aabɔr 6:6

Le dandana ma kan, m lee Jerusalem aatiŋ ni le ke bi li dooni mi nima, le ki lee sin, David, ke aa li joo maanib.’”

Nehemia 3:16

Asbuk aajapɔɔn Nehemia u ye Bef Sur Aapepel libaa aaninkpel na, le nan maa ligeln li paa na, ki ti saa David aakaakul chee, ni kibukpiik, ni butɔb aajab do chee.

Aisaya 17:7

Nwiin ngbaan daal yaa fuu ni kan, binib ga fenn ki ban nterm u naan bi na chee; uma le ye Israel yaab Aawumbɔr u bi chain na.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 37:26

“Saa kee ŋun ke min le kpokl kina n‑yoonn mu jer na, aan ki cha ni ŋa kina dandana aa? Min le nan tii si mpɔɔn ke aa di labr ntisakpem mu bi maa ŋigon kiir mu na di ŋa ŋilangbentanjal aakpuk.

Aisaya 7:3

Le Uwumbɔr bui Aisaya ke, “Yoor aajapɔɔn Sear Jasub, ki ti tooh ubɔrkpaan Ahas nsan ni. Aa ga ti kan u nin chee bikpaluub tun baatuln na, nnyunsan mu joo ni nnyun ki nyan ni paacham aabukpiik ni na.

Aisaya 8:17

Uwumbɔr di ubaa bɔr waanib chee, le mma kii tii u, ki kpa limakl u pu.

Jeremia 39:4

Ubɔr Sedekia ni waajab aah nan kan tiwan ni bi ŋani na, bi nan pɔɔk bibaa ke bi loon kinyeek ki san nya kitiŋ ngbaan ponn ni. Bi nan dii libɔrdichal aasaak ni, le ki dii mbisamɔb mu bi ŋigon ŋilee ngbaan aakaasisik ni na, ki nyan, ki di toŋ Jɔɔdann aafataŋ wɔb.

Maika 7:7

Le mma ga li lik Uwumbɔr pu; m ga ji limɔr ki li kii Uwumbɔr u ga gaa mi lii na. Maawumbɔr ga ŋun maayim.