Aisaya 21:4 - Uwumbɔr aagbaŋ

⁴ N‑yil gaar la, le ijawaan cha nwon gbaa. M nan ka dak ke kijook fuu ni mala, le ni tee joo ni mi ijawaan ŋmeen.

Aisaya 21:4 ပူးပေါင်းရင်းမြစ်များ

1 Bibɔrb 1:49

Le ijawaan chuu Adonija aacham ngbaan, le bi mɔmɔk fii, ubaa mɔk cha waah gee nin chee na.

Esta 5:12

Hamann nan ki len kpee ke, “Ubɔrpii Esta aa ki yin ubaa ki kpee mi ni ubɔr baanja le bi ti jin njim u chee, ki ki bui timi ke ti fe ki gir ni fen.

Ilahn 55:5

Ijawaan chuu mi, le nwon jii, ijawaan nyaŋ mi a.

Ilahn 55:6

M yaa ba kpa ifeen ke linanjel na, m ba ga fii buen dandar, ki ti ban lifuur nima chee.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 51:39

Bi ye bikumɔndam la aa? M ga ŋa njim tii bi ki cha bi nyu ti gbii ki li kpa mpopiin. Bi ga ti doon geen, le kaan ki fii.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Daniel 5:1

Kinyeek kibaa le Ubɔrkpaan Belsasar nan yin ni waaninyuum lichur ke bi nan ji u chee njim sakpem, le bi nan kpaan ki nyun ndaan.

Daniel 5:30

Liyaadaal ngbaan aanyeek le bi ku Belsasar, u ye Babiloŋ aabɔr na;

Daniel 5:5

Libuul ngbaan ni, le unibɔn aaŋaal nyan ni ki piin ki bi ŋmee baah nan ligoln li na pu, libɔrdichal ni aadiik ki bi ka na ni, nin chee karyaa aamii wiin sakpen na. Le ubɔr nan kan mu aah bi ŋmee pu na.

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Ikaal 28:67

Tiwan nimɔk ninimbil kan ni na ga cha ijawaan chuu nimi. Ni yaa ti joor kijook kan, ni ba ga dakl ke ni li ye kichakpiik ni, le ni yaa woln kichakpiik ni kan, ni ba dak ke ni li ye kijook.

Ikaal 32:11

ke likaagiil aah mɔk laabim ŋi fii pu na, li joo laafeen le ki teŋni ke ŋi taa lir kitiŋ, kina le Uwumbɔr kiir Israel yaab ke bi taa lir.