Aisaya 21:2 - Uwumbɔr aagbaŋ

² M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 21:2 ပူးပေါင်းရင်းမြစ်များ

Mpiin 10:22

Sem aajapɔtiib le nan ye Elam, ni Asur, ni Apaksad, ni Lud, ni Aram; biyaabitiib nan di baayimbil le ki di yin baanibol aayimbil.

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

Ilahn 119:158

Bibɔmbɔtukb ngbaan aah kaa dii saakaal na, m yaa kan bi kan, ni bii nsui la.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 25:3

Binib bi kpa gaakii tii si na aa lir, le binib bi nya aapuwɔb mala na ma lir la.

Ilahn 60:3

Aa cha saanib jin falaa sakpen a. Ti chuun gbeer ke taah nyun ndaan le na.

Ilahn 79:11

Li pel binib bi bi tiyondir ponn ni na aah ker idun pu na, ki di saapɔɔn mu nyaŋ na nyan binib bi bi siin ke bi ku bi na lii.

Ŋiyataŋak 13:15

Ichiin tii unii kipak la, le saa kaan ŋmaa nyu binib bi pu baala na ma tak ndoon aasan la.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 14:4

U yaa ŋa nimina kan, u ga cha bi ŋa Babiloŋ aabɔr mbɔnyun ki len ke: “Ubɔrkpaan mbiindaan na lir a. Waan ki muk ubaa.

Aisaya 14:7

Dandana ma kan, dulnyaa mɔmɔk kan mpopiin ni lifuur, le unii mɔmɔk gaa mpopiin aalahn.

Aisaya 22:6

Elam aatiŋ aatɔb aajab jak itaan ki fuu ni a, ki gor ki joo itɔi ni ipiin. Kir aatiŋ ni butɔb aajab gor baapen ki kii.

Aisaya 24:16

Ti ga ŋun dulnyaa aatingbaan i bi dandar na aanib gaa ilahn ki pak Uwumbɔr u ŋan na. Nee mɔmɔk pu na le m bui ke maa kpa limakl. Nwon kpo doo a. Bibɔmbɔtukb beenin tuk tibɔr, le baabiin moo kpae.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 31:25

M ga tii binib bi bak na lifuur, ki cha nkon aah joo bi na ji tijikaar ti bab.

Jeremia 45:3

“Baruk, aa bi len ke, ‘M di cha a. Uwumbɔr moo di mpombiin le kpee maabɔr pu. Maah dɔ ŋuuni pu na yɔl nwon a, le maa ŋmaa kan lifuur libaa.’

Jeremia 49:34

Sedekia aah nan jin Juda aanaan pu na aapuwɔb, le Uwumbɔr Mpɔɔnsakpiindaan nan len Elam aatiŋ aabɔr m chee.

Jeremia 49:35

U nan bui ke, “M ga ku bijab bi too itɔi ki cha Elam aatiŋ kan mpɔɔnsakpiin na mɔmɔk.

Jeremia 50:14

“Bitɔndam, lul goln Babiloŋ butɔb man. Too Babiloŋ nimi aapiin mɔmɔk, ba pu? ki tun min Uwumbɔr titunwanbir.

Jeremia 50:34

Le u ga gaa bi lii na kpa mpɔɔn, waayimbil le ye Uwumbɔr Mpɔɔnsakpiindaan. Uma ubaa le ga gaa baabɔr, ki cha nsuudoon dan kitiŋ kee pu, le Babiloŋ aanib ma kpa tibɔbir.”

Jeremia 51:11

Uwumbɔr aah ban u kuln Babiloŋ aatiŋ na, le u ti saa Media aabɔrb. Waah ga leŋ lipɔln Waadichal pu pu na le na. Bijab bi bi tak ki na aayidam teen ke, “Luun nimi aapiin man. Gor nimi aajaak aapen man.

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Jeremia 51:53

Babiloŋ yaa ga ŋmaa jon kitaapaak ki ti maa tidir ti fɔk ki pɔɔ sakpen na kan, m ga sil tun binib bi ti bii ti nima. Min Uwumbɔr le len kina.”

Inandalahn 1:22

Cheer bi baabiin na mɔmɔk pu. Daa bitafal ke saah daa ntafal maatunwanbir pu pu na. Falaa ponn ni le m ker idun, le ni ye nsui ni iween.”

Daniel 5:28

n‑yakr, u chuu yakr saanaan ki di tii Media ni Pesia yaab.”

Daniel 5:9

Usui aah nan bii sakpen na, uwon nan moo yɔl la, le waaninyuum ngbaan aa nan nyi baah ga ŋa pu na.

Daniel 8:2

Tidaŋ ngbaan ponn ni, m nan kan ke m si Susa, kitiŋ ki bi maa ligoln mann goln ki aan ki bi Elam aapepel ni na ni la. M nan si gbɔk Ulai Aamɔɔl la,

Daniel 8:20

“Saah kan upihja u kpa iyiin ilee na ye Media ni Pesia aanaan la.

Tibɔkpiirkaan 13:10

Binib bi Uwumbɔr len ke bi ga chuu bi tinaagbiir na, bima le bi ga chuu bi tinaagbiir. Unii umɔk joo kijaak aajuk ku binib na, kijaak aajuk le ga ku u mu. Nima le cha ni ŋan ke Uwumbɔr aanib li ban limɔr ke bi dii Uwumbɔr mbamɔm.”

1 Samuel 24:13

Aa nyi liyataŋakl na ke, ‘Titunwanbirdam baanja le ŋani titunwanbir.’ Kina pu na, maan ŋa si nibaa.