Aisaya 2:6 - Uwumbɔr aagbaŋ

⁶ Uwumbɔr, aa yii saanib, Jakob aayaabitiib. Ki nya liwipuul wɔb ki ti saa Filistia aatiŋ ni mɔmɔk ye nin chee inyɔk aatuln gbii na la, le Israel aanib mu dii biwɔwɔm ngbaan aakaal.

Aisaya 2:6 ပူးပေါင်းရင်းမြစ်များ

2 Bibɔrb 1:2

Israel yaab aabɔr Ahasia nan si waabɔrdichal aachiln li bi ŋa lidichal ngbaan aapaacham na, le ki ker lir ni, ki kan titotonn pam. Kina pu le u nan tun Filistia yaab aawaal Baal‑Sebub li bi Ekronn aatiŋ ni na chee, ke bi ti baa lik ke u ga ŋmar aan waan ŋmar.

2 Bibɔrb 17:20

Le Uwumbɔr nan yii Israel aanib mɔmɔk, ki daa bitafal ki di bi tii baadim bi kpa mbiin sakpen na, le ki ti baan nyan bi ubaa chee.

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 24:20

Le Uwumbɔr Aafuur Nyaan nan fir utotoor Jehoyada aajapɔɔn Sekaria pu. U nan sil nin chee binib ga li waa u na le ki teen len ke, “Tidindaan Uwumbɔr baa nimi ke ba ŋa ni yii waakaal ki bi joo ni tibɔbir nibaa pu. Ni yii u, kina pu le u mu yii nimi.”

Nehemia 13:23

N‑yoonn ngbaan le m nan ki kan ke Juu yaab aajab pam nan yoor Asdod, ni Amonn, ni Moab aapiib.

Ilahn 106:35

bi tee labr, le bi ni bima yoor tɔb aabim, le ki gaa binib ngbaan aabimbin,

Nnyam 22:18

“Ni ku upii u jin nnyɔk ki joo ŋani iwaan aawan na.

Nnyam 34:16

Nibaakan, nijapɔtiib mu ga yoor bibisatiib, le bibisatiib ngbaan ga fenn nijapɔtiib aasui, le bi ga yii mi ki dii binib ngbaan aawaa.

Ŋiyataŋak 6:1

Maabo, aa puu tipuur ke aa ga gaa ubaa aapɔln ki pa aa?

Aisaya 14:29

Filistia yaab, lidabil li bi di gbaa nimi na koo a, ni mu taa tee laa man. Uwaa ubaa yaa kpo kan, u bir jer uma ngbaan na ga dan nan gaa waabuul ni. Uwaa aajeln kaal kiwanbiik la.

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Jeremia 10:2

U bui ke, “Taa dii ŋitimbol ŋiken aasan man, taa cha wayɔlyɔl ni ŋani kitaapaak na li muk nimi, ke naah cha ijawaan chuu ŋitimbol ŋiken pu na.

Jeremia 12:7

Uwumbɔr len ke, “Ntafal aa ki bi Israel yaab ni, M yii maah nan lee litimbol li na. M di binib bi m gee bi na ŋa baadim aapɔɔn ni.

Inandalahn 5:20

Aa yii timi ni yunn sakpen a. Saan ki teer timi aabɔr la aa?

Liifai Yaab 19:31

“Ni taa ban binib bi baa bitekpiib chee tibɔr na aasurm. Ni yaa ŋa kina kan, ni ga bii nibaa, kaan ki li bi chain. Min le ye Nidindaan Uwumbɔr.

Liifai Yaab 20:6

“Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

Maika 5:11

M ga bii nimi aatim mɔmɔk, le ki ber naah maa tiwan ni mɔmɔk kiir nibaa na.

Maika 5:12

M ga bii nimi aanyɔk i ni joo tun nimi aatun na, ki cha ni taa ki li kpa bibɔɔb.

Sefania 1:8

Uwumbɔr bui ke, “Linikul ngbaan daal kan, m ga daa bininkpiib, ni mbɔrbim, ni bi mɔmɔk kaa dii maasan na aatafal.

Nkahm 23:7

Balaam aah nan nabr tibɔr ti na sɔ: “Moab yaab aabɔr u bi yin u ke Balak na le yin ni mi Siria yaab aabɔr aatiŋ ki bi ŋijoo ŋi bi liwipuul wɔb na ni. U bui ke, ‘Dan nan len tibɔr tii mi. Puun lii Israel yaab pu.’

Rom Yaab 11:20

Ni ye mbamɔn, Juu yaab aah kaa gaa Yesu Kristo ki kii na, nima le cha Uwumbɔr di bi lii. Nimi le gaa u ki kii. Nima le ni leŋ baaleleŋ. Ni taa li kpa kalmbaani. Ni li san Uwumbɔr.

1 Samuel 6:2

le binib ngbaan yin ni bitotoorb, ni binib bi joo inyɔk tun lituln na, ki nan baa bi ke, “Ti ga ŋa Uwumbɔr Aakaal Aadakaa ngbaan kinye? Ti yaa di u ke ti di giin waah nyan ni nin chee na kan, ti ga di ba kpee u pu ki di u giin?”