Aisaya 2:4 - Uwumbɔr aagbaŋ

⁴ U ga len ŋinibokpaan aabɔr, le bi ga di baajaak aajum mɔɔ ŋikuu, ki di baakpaatunn mɔɔ gɔrk tiib. Ŋinibol aan ki to tɔb butɔb, kaan ki gor bibaa kiir butɔb daalbaadaal.

Aisaya 2:4 ပူးပေါင်းရင်းမြစ်များ

Ilahn 110:6

U ga ji ŋitimbol tibɔr, ki cha baah to butɔb nin chee na kpaln ŋinikpol ŋmeen; u ga nyaŋ bibɔrb, kitiŋ kee mɔmɔk pu.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Ilahn 82:8

Uwumbɔr, dan, ki nan joo dulnyaa; ŋitimbol mɔmɔk ye sin yaan la.

Aisaya 32:17

ba pu? unii mɔk ga tun ni ŋan na, nsuudoon ni lifuur ga li bi n‑yoonn mu kaa kpa ndoon na.

Aisaya 32:18

Uwumbɔr aanib ga nya ilandak mɔmɔk ni, le baadichal ni ga li kpa nsuudoon ni lifuur.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 42:3

Waan koo lidabil li boo na, kaan junn karyaa u kaa wiin mbamɔm na mu. U ga joo ni ibamɔn i kaan doo na.

Aisaya 9:5

Mmii le ga wu bijab ngbaan aajaak aanaatak ni baabɔkul ŋi gur ye nsin ŋmeen na.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Hosea 2:18

N‑yoonn ngbaan le m ni ipeel, ni inyoon i bir na ga puu tipuukpaan tii tɔb, le ni taa ŋa maanib nibaa. M ga ki nyan butɔb aajawan mɔmɔk ni ye kijaak aajum na, ni itɔi na kitiŋ ngbaan ni, ki cha maanib li bi nsuudoon, ni lifuur ni.

Hosea 2:20

M ga li joo maah puu tipuur ti na ki cha aa li ye min yoo, ki cha aa bee ke min le ye Uwumbɔr.

Joel 3:10

Di nimi aakuu mɔɔ kijaak aajum man, ki di nimi aakpaacha tiib mɔɔ tikpaatunn. Hali binib bi bun na mɔmɔk ga buen butɔb ni.

Joel 3:12

“Ŋitimbol mɔmɔk, gor nibaa, ki dan Libɔjil Aafataŋ ni, nin chee Uwumbɔr ga ji binib tibɔr na. Le min Uwumbɔr ga kal ki ji ŋitimbol ŋimɔk mann goln na tibɔr.

Maika 4:3

U ga toor ŋitimbol pam aabɔr; ki toor ŋitimbokpaan ŋi bi duun u na, ni ŋi bi ni daa na aabɔr. Bi ga di baajaak aajum mɔɔ ŋikuu ki di baakpaatunn mɔɔ gɔrk tiib. Ŋitimbol aan ki to tɔb butɔb, kaan ki gor bibaa kiir butɔb daalbaadaal.

Sekaria 9:10

Uwumbɔr bui ke, “M ga nyan butɔb aataan aatɔroku tiib Israel aatiŋ ni, ki nyan itaan Jerusalem aatiŋ ni; m ga kool baah joo itɔi i chaa butɔb ni na. Nimi aabɔrkpaan ga cha nsuudoon dan ŋitimbol chee; u ga li joo kitiŋ ki nya nnyusakpem mue chee ki ti saa mue chee, ki nya Yufrates Aamɔɔl ni, ki ti saa kitiŋ aanaanmɔk.”

Lituln 17:31

Ba pu? u siin nwiin bundaln u ga ji binib mɔmɔk tibɔr na, ki ti saa baah ŋa ki ŋeer pu na. U nyan uja u ga ji binib tibɔr na. U nan fikr uja ngbaan nkun ni, nima le ye limɔkl tii binib mɔmɔk.”

Tibɔkpiirkaan 19:11

Le m kan kitaapaak chuu piir, ki kan utapiin. U dik u pu na aayimbil le ye ke, “Mbamɔndaanyaan.” U yaa ji binib tibɔr kan, u tii bi baabamɔn, ki mu dii nsanyaan ki ti to butɔb.

1 Samuel 2:10

Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”