Aisaya 2:3 - Uwumbɔr aagbaŋ

³ le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Aisaya 2:3 ပူးပေါင်းရင်းမြစ်များ

Esta 9:27

le Juu yaab nan cha ni ŋa baakaal, ni biyaabitiib aakaal, ni unii umɔk kpaln Juu aanii na aakaal ke n‑yoonn ngbaan yaa nan fuu ni libiln mɔk ni kan, iwiin ilee ngbaan ga li ye lifuur ni njim aawiin ke Modekai aah nan mɔk bi pu na la.

Ilahn 102:23

M laa ye unachipɔɔn la, le Uwumbɔr cha maa ki kpa mpɔɔn, u gii maamɔfal pu.

Ilahn 110:2

Uwumbɔr ga taln saanaan aapɔɔn ki nya Sionn ni. U ki len ke, “Li ye saadim aajojoor.”

Ilahn 119:171

Saah mɔk mi saakaal na, m ga li pak si n‑yoonn mɔmɔk.

Ilahn 122:1

M nan kpa mpopiin buyoonn bi nan bui mi ke, “Cha ti buen Uwumbɔr Aadichal ni” na.

Ilahn 48:1

Uwumbɔr aapɔɔn nyaŋ sakpen, ni ŋan ke ti li pak u mbamɔm, waagongoln li bi chain na paab.

Aisaya 1:26

M ga tii nimi biyidam bi ga li sur nimi ke naah nan puen kpa pu na. N‑yoonn ngbaan le bi ga ki yin Jerusalem aanib ke binib bi ŋan ki dii mi Uwumbɔr baanja na.”

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 19:23

N‑yoonn ngbaan yaa nan fuu ni kan, nsanja ga li bi ki nya Ijipt aatiŋ ni ki cha Asiria aatiŋ ni. Ŋitingbaln ŋilee ŋimina ga chuun koo tɔb ni, ki kpaan tɔb chee ki doon Uwumbɔr.

Aisaya 28:9

Bi len tibɔr ti kaa ŋan na m pu. Bi len ke, “Ŋma aan uja wee dak ke u mɔk tiwan? Ŋma neen waabɔr ti u nabr na? Ti ŋan tii mbim mu laa lii libiil na la.

Aisaya 44:5

Binib ga dan ubaabaa ki nan bui ke, ‘M ye Uwumbɔr yoo la.’ Bi ga dan nan kpaan Israel yaab chee. Bi mɔmɔk ga ŋmee Uwumbɔr aayimbil paan biŋaal pu, ki li yin bibaa ke bi ye Uwumbɔr aanib la.”

Aisaya 56:5

saayimbil ga yunn Maadichal ni, ni maanib ni, ki jer saah ba ga li kpa mbijabim ni mpiibim pu na. Baan suln aabɔr kpala.”

Aisaya 56:7

“M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Aisaya 60:3

Ŋitimbol ga kuun dan saawiihn chee, le bibɔrb san dan saataak ki bi wolni na chee.

Aisaya 65:11

“Le nimi bi yii mi na ma kan, naan li bi kina, nimi bi yii maagongoln Sionn li bi chain na, ki dooni ŋiwaa Gad ni Meni, ŋiwaa ŋi ni bui ke ŋi kpa liyimɔɔn na, ki siin nimi aabimbin aah ga li doo pu na.

Aisaya 66:20

Bi ga giin joo ni nimi aatiŋ aanib ki nyan ni ŋitimbol ngbaan ni ke ipiin na la, ki nan tii mi. Bi ga joo ni bi itaan, ni ibon, ni laakumii tiib pu, ni itaan aatɔroku tiib pu, ki di dan maagongoln li bi chain na pu, ke Israel yaab aah joo ni njikaabim aapiin choo Jerusalem, min Uwumbɔr Aadichal ni, ŋisambil ŋi bi chain na ponn ni pu na la.

Jeremia 12:16

Bi yaa gaa maanib aah dii nsan mu na, ni bisui mɔmɔk, ki puur tipuur ke, ‘Uwumbɔr u bi na’ pu, ke baah nan cha maanib puur tipuur tii liwaal Baal pu na kan, bi mu ga li bi maanib ponn ni ki ga kan liwangol.

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Jeremia 31:6

Mbamɔn, n‑yoonn choo, le bikikiib ga sil Efraim aagongon paab ki bui ke, ‘Cha ti jon buen Sionn aajool, Tidindaan Uwumbɔr chee man.’”

Esekiel 40:2

Ni nan ŋa mi ke tidaŋ na la, le Uwumbɔr di mi buen Israel aatiŋ pu, ki di mi tɔŋ lijool li paa na pu. M nan kan ŋidichal ŋibaa si mmɔb wɔb ki naahn kitiŋ kibaa.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Maika 4:2

le ŋaanib ga bui ke, “Cha ti jon Uwumbɔr aajool ki buen Israel yaab Aawumbɔr Aadichal ni; ba pu? u ga mɔk timi waah ban ti ŋa pu na, le ti ga chuun waah lee isan i na pu. Uwumbɔr aamɔkm nyan ni Jerusalem aatiŋ ni la; Sionn pu le u len ni waanib chee tibɔr.”

Matiu 7:24

“Nima pu na, unii umɔk ŋun maabɔr ngbaan ki ŋani kina na, naahn unii u kpa nlan, ki maa waadiik litakpal pu na.

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Jɔnn 4:22

Nimi Samaria yaab dooni Uwumbɔr u naa nyi u na. Timi Juu yaab ma dooni Uwumbɔr u ti nyi u na la. Unii u ga gaa dulnyaa ni aanib lii na nyan ni Juu yaab aakaasisik ni la.

Jɔnn 7:17

Unii ubaa yaa ban ke u ŋa Uwumbɔr aageehn kan, u ga bee ke maah mɔk binib pu na, ni ye Uwumbɔr aamɔkm la, naa ye min mbaa aamɔkm.

Lituln 1:8

Waafuur Nyaan yaa nan gbiin nimi kan, ni ga li kpa waapɔɔn, ki ga li ye maaseeraadam Jerusalem ponn ni, ni Judea aatim mɔmɔk ni, ni Samaria aatim ni, ni dulnyaa aanaan mɔmɔk ni.”

Lituln 10:33

Waah tuk mi kina na, libuul ngbaan ni le m tun binib bi ti yin si. Saah dan pu na, ni ŋan. Dandana wee, ti mɔmɔk bi do, Uwumbɔr aanimbiin ni. Ti ban ti ŋun tibɔr ti Tidindaan tuk si ke aa tuk timi na.”

Rom Yaab 10:18

Le m baa ke, “Israel yaab aa nan ŋun aa?” Mbamɔn, bi ŋun. Ni ŋmee Uwumbɔr Aagbaŋ ni ke, “Bineel mu tee chaa dulnyaa wee mɔmɔk ni, le kitiŋ kee mɔmɔk pu ŋun.”

Ikaal 33:19

Bi kuuni biwɔwɔm chaa baajool paab, ki ti toor kitork ki Uwumbɔr gee ki na nima chee. Bi kani liwangol sakpen nnyusakpem ni, ni litambol li dɔ kpak nnyusakpem ngbaan na ni.”

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.

Jemisi 1:25

Tɔ, unii yaa dakl lik nkaal mu ye mbamɔm ki gaal timi lir na, ki yaa beenin dii mu, ki yaa kaa ye unii u pel ki sulni na kan, ki ye unii u ŋani mu aah len pu na kan, Uwumbɔr ga ŋa tinyoor ŋa udaan ngbaan aatuln pu.